| e-texts navigator |
| Wylie |
2a1 པར་བྱེད་དོ། །དྲན་པ་ཉིད་དང་ཐལ་བ་ལ་མངོན་པར་བཟླས་པས་སེར་བ་འབབ་པ་འམ་ཁ་བ་འབབ་པ་གཅོད་པར་འགྱུར་ཞིང་གང་དུ་འདོད་པ་དེར་འགྲོའོ། །དེ་བཞིན་དུ་གློག་དང་རླུང་དང་རྡོ་རྗེ་དང་ཐོག་འབབ་པ་ལ་སོགས་པ་མེད་པར་བྱེད་དོ། །
2a2 ཨོཾ་ག་རུ་ཌ་ཧ~ཾ་སེ། ཙ་ལ་ཙ་ལ་སྭཱ་ཧཱ། སྔགས་ཀྱི་རྒྱལ་པོ་འདི་དྲན་པ་ཉིད་ན་སེར་བ་འབབ་པ་ཟློག་པར་བྱེད་དོ། །རྡོ་རྒྱུས་ཀྱིས་རྔ་པ་ཊྚ་ཧ་ལ་བྲིས་ཤིང་། རྔ་ལྕག་ལ་མངོན་པར་བཟླས་པའི་རྔ་པ་ཊྚ་ཧའི་སྒྲས། སེར་བ་འབབ་པ་བཟློག་པར་བྱེད་དོ། །
2a3 དེ་བཞིན་དུ་དུང་ལ་སོགས་པའི་སྒྲས་ཀྱང་བྱའོ། །ོཾ་ཧེ་ཧེ། ཏིཥྛ་ཏིཥྛ། བན་དྷ། བན་དྷ། དྷཱ་ར་ཡ་དྷཱ་ར་ཡ། ནི་རུན་དྷ་ནི་རུནྡྷ། ཆེ་གེ་མོ་ཨཱུ་ཪྞྞཱ་མ་ཎི་སྭཱ་ཧཱ། གསང་སྔགས་ཀྱི་རྒྱལ་པོ་འདི་སྔོན་དུ་བསྙེན་པའི་ཚོགས་འབུམ་ཕྲག་གཅིག
2a4 ཡོངས་སུ་བཟླས་ན་འགྲུབ་པར་འགྱུར་རོ། །གློག་དང་རླུང་དང་རྡོ་རྗེ་དང་ཐོག་འབབ་པའམ་ཁ་བ་ལ་སོགས་པ་དྲན་པ་ཙམ་ཉིད་ཀྱིས་ཟློག་པར་བྱེད་དོ། །ཐལ་བ་དང་ཡུངས་ཀར་མངོན་པར་བཟླས་ན། ཆར་ཆེས་པ་གཅོད་པ་དང་བྱི་བ་དང་སྦྲང
2a5 མ་ལ་སོགས་པའི་མཆུ་འཆིང་བར་བྱེད་དོ། །སྐྱེད་མོས་ཚལ་དང་ཞིང་ལ་བྱ་དང་འབུ་སྲིན་དང་བྱི་བ་རྣམས་ཀྱིས་ཉེ་བར་འཚེ་བ་ཟློག་པར་བྱེད་དོ། །དུར་ཁྲོད་ཀྱི་རས་ལ་མིང་དང་བཅས་པའི་སྔགས་བྲིས་ལ་སྤྲ་ཚིལ་གྱིས་བཏུམས་ཏེ།
2a6 དུར་ཁྲོད་ཀྱི་བུམ་པར་བཅུག་ནས་ཁ་བཅད་དེ། དེ་ཉིད་དུ་སྦས་པས་མངལ་རེངས་པར་འགྱུར་རོ། །ཕྱུང་ནས་འོ་མ་དང་ཆུས་བཀྲུས་ཏེ་ཆུ་ལ་བོར་བས་ཞི་བར་འགྱུར་རོ། །ཡུང་བའམ་བབ་བླས་གྲོ་བ་འམ་གོས་སམ་ལོ་མ་ལ་མངོན་པར
2a7 བྲིས་ཏེ། སྤྲ་ཚིལ་གྱི་ནང་དུ་བཏུམས་པའི་སྔགས་འདི་གྲོག་མཁར་གྱི་ས་ལས་འཇིགས་བྱེད་ཀྱི་གཟུགས་སུ་བྱས་པ་དེའི་སྙིང་ཁར་བཅུག་སྟེ་དེའི་ཁ་ཐལ་བས་བཀང་ནས་སྦས་ན། རྒོལ་བ་དང་ཕྱིར་རྒོལ་བའི་ཁ་རེངས་པར་བྱེད་དོ། །
2a8 རྩོད་སྦྱོངས་བྱེད་པ་ན་གཟུགས་དེ་ཉིད་ཀྱི་ལྕེ་ལ་ལན་བདུན་མངོན་པར་བསྔགས་པའི་ཚེར་མ་བདུན་གྱིས་གཙུགས་ན་ཁ་འཆིང་བར་བྱེད་པར་འགྱུར་རོ། །རྡོ་རྒྱུས་ཀྱིས་ཁམ་པོར་ལ་བྲིས་ཏེ་ཐལ་བས་བཀང་ལ། ཁ་སྦྱར་ཏེ་སྦས་ན་མི
iiif viewer powered by OpenSeadragon
