| e-texts navigator |
| Wylie |
29a1 སེམས་དཔའ་བརྒྱ་སྟོང་ཚད་མེད་པ་སྙེད་དང་། སེམས་ཅན་བྱེ་བ་ཁྲག་ཁྲིག་བརྒྱ་སྟོང་ཚད་མེད་པ་དག་དང་ལྷན་ཅིག་ཏུ་བྱ་རྒོད་ཕུང་པོའི་རི་ག་ལ་དེར་དོང་སྟེ། དེ་བཞིན་གཤེགས་པ་ཤཱཀྱ་ཐུབ་པ་ཐམས་ཅད་མཁྱེན་པའི་སྤྱན
29a2 སྔར་ལྷགས་ནས་བཅོམ་ལྡན་འདས་ཀྱིས་ཞབས་ལ་མགོ་བོས་ཕྱག་བྱས་ཏེ་ཕྱོགས་གཅིག་ཏུ་འཁོད་དོ། །དེ་ནས་བྱང་ཆུབ་སེམས་དཔའ་མཛེས་པའི་ཏོག་གིས་དངོས་པོ་གོང་དུ་བསྟན་པ་དེ་དག་བཅོམ་ལྡན་འདས་ལ་རྒྱས་པར་གསོལ་པ
29a3 དང་། དེའི་ཚེ་དེ་བཞིན་གཤེགས་པ་བཞི་པོ་དེ་དག་ཀྱང་བྱ་རྒོད་ཕུང་པོའི་རི་བཅོམ་ལྡན་འདས་ཤཱཀྱ་ཐུབ་པ་གང་ན་བ་དེར་གཤེགས་ཏེ། སོ་སོའི་ཕྱོགས་ཇི་ལྟ་བ་བཞིན་དུ་གདན་ལ་བཞུགས་ནས་ཞབས་འབྲིངས་བའི་བྱང་ཆུབ
29a4 སེམས་དཔའ་དག་ལ་འདི་སྐད་ཅེས་བཀའ་སྩལ་ཏོ། །རིགས་ཀྱི་བུ་ཁྱེད་བཅོམ་ལྡན་འདས་ཤཱཀྱ་ཐུབ་པ་ག་ལ་བ་དེར་དོང་ལ་ངེད་ཀྱི་ཚིག་གིས་ཅུང་ཟད་མི་བསྙུང་ངམ། ཅུང་ཟད་མི་གདུང་ངམ། བཞིངས་ཤིང་བཞུགས
29a5 པ་ཡང་ངམ། སྤྱོད་ལམ་ཐམས་ཅད་དུ་བདེ་བར་སྤྱོད་དམ་ཞེས་སྙུན་གསོལ་ཅིག་།གཞན་ཡང་འདི་སྐད་དུ་དེ་བཞིན་གཤེགས་པ་ཤཱཀྱ་ཐུབ་པས་སེམས་ཅན་ཐམས་ཅད་ལ་ཕན་གདགས་ཤིང་མུ་གེའི་བགེགས་ཡོངས་སུ
29a6 བསལ་ནས་བདེ་བ་ལ་འགོད་པར་བཞེད་པའི་ཕྱིར་དེང་གསེར་འོད་དམ་པའི་མདོ་སྡེ་ཤིན་ཏུ་ཟབ་མོའི་ཆོས་ཀྱི་དོན་བསྟན་པ་ལེགས་སོ་ལེགས་སོ། །བདག་ཅག་རྣམས་ཀྱང་རྗེས་སུ་ཡི་རང་ངོ་ཞེས་གསོལ་ཅིག་།དེ་ནས་ཞམ
29a7 རིང་བ་དེ་དག་སོ་སོ་ནས་བཅོམ་ལྡན་འདས་ཤཱཀྱ་ཐུབ་པ་ག་ལ་བ་དེར་དོང་སྟེ། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ནས། ཕྱོགས་གཅིག་ཏུ་འཁོད་དེ། གཅིག་ཆར་བཅོམ་ལྡན་འདས་ལ
29a8 འདི་སྐད་ཅེས་གསོལ་ཏོ། །ལྷ་དང་མིའི་སྟོན་པ་དེ་དག་ཚད་མ་མཆིས་པའི་གསུངས་གིས་ཅུང་ཟད་མི་བསྙུང་ངམ། ཅུང་ཟད་མི་གདུང་ངམ། བཞིངས་ཤིང་བཞུགས་པ་ཡང་ངམ། སྤྱོད་ལམ་ཐམས་ཅད
iiif viewer powered by OpenSeadragon
