| e-texts navigator |
| Wylie |
27b1 མཐས་གཏུགས་རྟག་པར་རྩིག་བགྲངས་ཀྱང་། །བཅོམ་ལྡན་འདས་ཀྱི་སྐུ་ཚེའི་ཚད། །ཡོངས་སུ་ཤེས་པར་མི་འགྱུར་རོ། །སེམས་ཅན་སྲོག་ནི་མ་བཅད་ཅིང་། །བཟའ་བཏུང་སྦྱིན་པ་བཏང་བ་ཡིན། །རྒྱུ་ནི་རྣམ་པ་འདི་གཉིས་ཀྱིས། །
27b2 སྐུ་ཚེ་རིང་པོ་བརྙེས་པ་ཡིན། །དེ་བས་ཐུབ་པ་ཆེན་པོ་ཡི། །སྐུ་ཚེའི་ཚད་ནི་ཤེས་པར་དཀའ། །བསྐལ་པའི་མཐའ་ནི་མེད་པ་ལྟར། །སྐུ་ཚེའི་ཚད་ཀྱང་དེ་བཞིན་ནོ། །མཛེས་པའི་ཏོག་ཁྱོད་ཤེས་བྱོས་ལ། །ཐེ་ཙོམ་སོམ་ཉི་མ
27b3 བསྐྱེད་ཅིག་། རྒྱལ་བའི་སྐུ་ཚེའི་ཚད་མེད་པས། །དེ་ཡི་གྲངས་ནི་ཤེས་མི་ནུས། །དེ་ནས་བྱང་ཆུབ་སེམས་དཔའ་མཛེས་པའི་ཏོག་གིས། དེ་བཞིན་གཤེགས་པ་བཞི་པོ་དེ་དག་གིས
27b4 བཅོམ་ལྡན་འདས་ཤཱཀྱ་ཐུབ་པའི་སྐུ་ཚེའི་ཚད་དཔག་ཏུ་མེད་པར་བཀའ་སྩལ་པ་ཐོས་པ་དང་། བཅོམ་ལྡན་འདས་དེ་དག་ལ་འདི་སྐད་ཅེས་གསོལ་ཏོ། །ཅིའི་སླད་དུ་དེ་བཞིན་གཤེགས་པ་དེ་ལྟ་བུའི་སྐུ་ཚེ་ཐུང་བར་བསྟན་པར
27b5 མཛད་ལགས། དེ་ནས་བཅོམ་ལྡན་འདས་བཞི་པོ་དེ་དག་གིས་བྱང་ཆུབ་སེམས་དཔའ་མཛེས་པའི་ཏོག་ལ་བཀའ་སྩལ་པ། རིགས་ཀྱི་བུ་བཅོམ་ལྡན་འདས་ཤཱཀྱ་ཐུབ་པ་དེ་སྙིགས་མ་ལྔའི་དུས་འཇིག་རྟེན་དུ་བྱུང་བ་ན་མི
27b6 རྣམས་ཚེ་ལོ་བརྒྱ་པར་གྱུར་ཅིང་རང་བཞིན་དམན་པ་དང་། དགེ་བའི་རྩ་བ་ཕྲ་ཞིང་ཆུང་བ་དང་། མོས་པ་མེད་པར་གྱུར་པས་སེམས་ཅན་དེ་དག་ལས་ཕལ་ཆེར་བདག་ཏུ་ལྟ་བ་དང་། གང་ཟག་ཏུ་ལྟ་བ་དང་། སེམས་ཅན་དང་།
27b7 སྲོག་དང་། གསོ་བ་པོ་དང་། ལོག་པར་ལྟ་བ་དང་། བདག་དང་། བདག་གིར་བལྟ་བ་དང་། རྟག་པ་དང་ཆད་པར་ལྟ་བ་ལ་སོགས་པ་དང་ལྡན་པས་སེམས་ཅན་མང་པོ་དེ་དག་དང་། མུ་སྟེགས་ཅན་མང་པོ་དེ་དག་ལ་ཕན
27b8 གདགས་ཤིང་ཡང་དག་པའི་ཤེས་པ་བསྐྱེད་ནས་མྱུར་དུ་བླ་ན་མེད་པའི་བྱང་ཆུབ་ཡོངས་སུ་རྫོགས་པར་བྱ་བའི་ཕྱིར་དེ་ལྟ་བས་ན་དེ་བཞིན་གཤེགས་པ་ཤཱཀྱ་ཐུབ་པས་དེ་ལྟ་བུའི་སྐུ་ཚེ་ཐུང་བ་བསྟན་པ་ཡིན་ནོ། །རིགས་ཀྱི་བུ་གཞན་ཡང
iiif viewer powered by OpenSeadragon
