| e-texts navigator |
| Wylie |
25b1 ཡི་རངས་དང་། །མཆོད་པ་བཤམས་ནས་མཆོད་བྱེད་ན། །དེ་འདྲའི་གང་ཟག་དེ་དག་ནི། །བསྐལ་པ་ཚད་མེད་སྙེད་དུ་ཡང་། །རྟག་པར་ལྷ་དང་མི་རྣམས་དང་། །ཀླུ་ལ་སོགས་པས་མཆོད་བཀུར་འགྱུར། །འདི་ཡི་བསོད་ནམས་ཚད་མེད
25b2 པས། །གང་གཱའི་བྱེ་སྙེད་གྲངས་ལས་འདས། །མདོ་སྡེ་འདི་ནི་གང་ཀློག་པ། །ཡོན་ཏན་འདི་དག་ཐོབ་པར་འགྱུར། །ཕྱོགས་བཅུའི་བཅོམ་ལྡན་འདས་རྣམས་དང་། །སྤྱོད་ཟབ་བྱང་ཆུབ་སེམས་དཔའ་རྣམས། །
25b3 མདོ་སྡེ་འཛིན་ལ་ཡོངས་བསྲུངས་ནས། །སྡུག་བསྔལ་བགེགས་དང་བྲལ་བར་མཛད། །མདོ་སྡེ་འདི་ནི་གང་མཆོད་པས། །སྔ་མ་བཞིན་དུ་ལུས་བཀྲུས་ནས། །ཟས་དང་མེ་ཏོག་སྤོས་མཆོད་ཅིང་། །བྱམས་དང
25b4 སྙིང་རྗེའི་སེམས་བསྐྱེད་དེ། །མདོ་སྡེ་འདི་ནི་ཉན་འདོད་པས། །སེམས་གཙང་དྲི་མ་མེད་བྱས་ཏེ། །རྟག་པར་དགའ་བའི་སེམས་སྐྱེད་ན། །ཡོན་ཏན་མང་པོ་སྐྱེ་བར་འགྱུར། །གང་ཞིག་གུས་པའི་སེམས
25b5 དག་གིས། །མདོ་སྡེ་འདི་ནི་ཉན་བྱེད་ན། །ལེགས་པར་མི་ཡི་འགྲོར་སྐྱེ་ཞིང་། །སྡུག་བསྔལ་བགེགས་དང་འབྲལ་བར་འགྱུར། །དེ་ནི་དགེ་རྩ་སྨིན་པས་ན། །སངས་རྒྱས་རྣམས་ཀྱིས་བསྔགས
25b6 པ་ཡི། །མདོ་སྡེ་འདི་ནི་ཐོས་པ་དང་། །འགྱོད་ཚངས་ཆོས་ནི་ཐོས་པ་ཡིན། །གསེར་འོད་དམ་པ་མཆོག་ཏུ་རྣམ་པར་རྒྱལ་བའི། །མདོ་སྡེའི་རྒྱལ་པོ་ལས་གླེང་གཞིའི་ལེའུ་སྟེ་དང་པོའོ།། །།
25b7 དེ་ནས་དེའི་ཚེ་རྒྱལ་པོའི་ཁབ་ཀྱི་གྲོང་ཁྱེར་ཆེན་པོ་ན། བྱང་ཆུབ་སེམས་དཔའ་སེམས་དཔའ་ཆེན་པོ་མཛེས་པའི་ཏོག་ཅེས་བྱ་བ་འདས་པའི་སངས་རྒྱས་བྱེ་བ་ཕྲག་བརྒྱ་སྟོང་ཚད་མེད་པ་རྣམས་ལ་བསྙེན་བཀུར
25b8 དང་རིམ་གྲོ་བྱས་ནས་དགེ་བའི་རྩ་བ་བསྐྱེད་པ་ཞིག་ཡོད་དེ། དེའི་ཚེ་བྱང་ཆུབ་སེམས་དཔའ་མཛེས་པའི་ཏོག་གཅིག་པུ་དབེན་པར་གནས་པ་དེ་འདི་སྙམ་དུ་རྒྱུ་དང་རྐྱེན་གང་གི་ཕྱིར་དེ་བཞིན་གཤེགས་པ་ཤཱཀྱ་ཐུབ་པ་སྐུ
iiif viewer powered by OpenSeadragon
