| e-texts navigator |
| Wylie |
25a1 དཔལ་ཀུན་གྱིས་ཀྱང་བརྒྱན་པར་འགྱུར། །སེམས་ཅན་གང་དག་དབང་པོ་ཉམས། །དཔལ་མེད་པས་ནི་གང་ཟིན་ཅིང་། །ལྷ་རྣམས་ཀྱང་ནི་འཕང་བར་འགྱུར། །གཉེན་སྡུག་ཀུན་ཀྱང་སྡང་བ་དང་། །བུ་སྨད་འཁོར་དང་བྲལ
25a2 བ་དང་། །ཕན་ཚུན་དུ་ནི་མི་འཕྲོད་ཅིང་། །ནོར་སྟོར་བས་ནི་རབ་གཙེས་ཏེ། །གཟའ་དང་སྐར་མས་གནོད་བྱས་ཤིང་། །བྱད་སྟེམ་མི་བཟད་ཟིན་པ་དང་། །མྱ་ངན་ཉོན་མོངས་ལས་རྣམས་ཀྱིས། །ཤིན་ཏུ་མི་བཟད་གཟིར་བ་དང་། །
25a3 རྨི་ལམ་ལྟས་སྡིག་མཐོང་བ་ལས། །མྱ་ངན་རབ་ཏུ་འཁྲུག་པ་རྣམས། །གཙང་མར་ལུས་ཀྱིས་ཁྲུས་གྱིས་ལ། །གོས་གཙང་སར་པ་དེ་བགོས་ནས། །མདོ་སྡེ་དམ་པའི་རྒྱལ་པོ་འདི། །སངས་རྒྱས་ཟབ་མོའི
25a4 སྤྱོད་ཡུལ་ཏེ། །གློག་འདོན་རབ་ཏུ་འཛིན་པ་ལ། །གུས་པའི་སེམས་ཀྱིས་ཉོན་ཅིག་དང་། །མདོ་སྡེ་འདི་ཡི་བྱིན་བརླབས་ཀྱིས། །རྨི་ངན་ལྟས་སྡིག་འཇོམ་པ་དང་། །སྡུག་བསྔལ་ཐམས་ཅད་བཟློག་པས་ནི། །
25a5 ཡོངས་སུ་མ་ལུས་ཟད་པར་འགྱུར། །འཇིག་རྟེན་སྐྱོང་བའི་རྒྱལ་པོ་བཞི། །བློན་པོ་དང་ནི་འཁོར་བཅས་དང་། །གནོད་སྦྱིན་བྱེ་བ་མང་པོ་རྣམས། །ཤིན་ཏུ་གུས་པས་རིམ་གྲོ་བསྐྱེད། །སྤོབས་པའི་ལྷ་མོ་ཆེན
25a6 མོ་དང་། །ནཻ་ར་ཛ་ན་ར་གནས་པའི་ལྷ། །དེ་བཞིན་འཕྲོག་མ་འབྱུང་པོའི་མ། །སྲ་བ་ས་ཡི་ལྷ་མོ་དང་། །ཚངས་པའི་དབང་པོ་བརྒྱ་བྱིན་དང་། །ཀླུ་ཡི་རྒྱལ་པོ་མི་འམ་ཅི། །ནམ་མཁའ་ལྡིང་གི་རྒྱལ་པོ་དང་། །
25a7 ལྷ་མ་ཡིན་གྱི་འཁོར་རྣམས་བཅས། །དེ་ལྟར་མཐུ་ཆེན་དེ་དག་ཀུན། །རང་གི་འཁོར་རྣམས་ཁྲིད་ནས་ནི། །ཉིན་མཚན་རྟག་ཏུ་མི་འབྲེལ་བར། །གང་ཟག་དེ་ལ་སྲུང་བར་བྱེད། །ཟབ་མོ་སངས་རྒྱས་སྤྱོད་ཡུལ་དང་། །
25a8 སངས་རྒྱས་དགོངས་ཏེ་གསུངས་པའི་བཀའ། །མདོ་སྡེ་གང་ཡིན་ངས་བཤད་པ། །བསྐལ་པ་བྱེ་བར་ཕྲད་དཀའ་བས། །གང་གིས་མདོ་སྡེ་འདི་ཐོས་ནས། །གཞན་ལ་རྒྱ་ཆེར་སྟོན་པ་དང་། །གལ་ཏེ་སེམས་ཀྱིས
iiif viewer powered by OpenSeadragon
