| e-texts navigator |
| Wylie |
24b1 ལྷ་དང་། མི་ལ་སོགས་པ་ཡོངས་སུ་འདུས་ཤིང་ལྷགས་ནས་ཐམས་ཅད་ཀྱང་བླ་ན་མེད་པ་ཐེག་པ་ཆེན་པོའི་ཆོས་འདི་ཡོངས་སུ་ཀློག་པ་དང་། འདོན་པ་དང་། འཆང་བ་དང་། འཛིན་པ་དང་། ཡི་གེ་འདྲི་བ་དང་། ཀུན་དུ་སྤེལ་ཞིང་བསྐྱེད་པ་དང་།
24b2 ཡོངས་སུ་འཚོ་བ་དང་། སྐྱོང་བའི་དམ་ཚིག་བཅས་ཏེ། ཕྱི་དྲོའི་དུས་ན་བཅོམ་ལྡན་འདས་གང་ན་བ་དེར་ལྷགས་ཏེ་བཅོམ་ལྡན་འདས་ཀྱི་ཞབས་གཉིས་ལ་སྤྱི་བོས་ཕྱག་བྱས་ནས་གཡས་ཕྱོགས་ནས་ལན་གསུམ་བསྐོར་བ་བྱས་ནས་ཕྱོགས
24b3 གཅིག་ཏུ་འཁོད་དོ། །དེ་ལྟར་ཉན་ཐོས་དང་། བྱང་ཆུབ་སེམས་དཔའ་དང་། ལྷ་དང་། མི་དང་། ཀླུ་དང་། གནོད་སྦྱིན་ལ་སོགས་པ་ཐམས་ཅད་འདུས་པར་གྱུར་ནས་སོ་སོ་ནས་སྟི་སྟང་དང་། རིམ་གྲོའི་སེམས་བསྐྱེད་དེ། ཐལ་མོ་སྦྱར་ནས
24b4 རབ་ཏུ་འཛུམ་པའི་མིག་གིས་བཅོམ་ལྡན་འདས་ལ་བལྟ་ཞིང་ཅུང་ཟད་ཀྱང་མི་ཡེངས་པར་དམ་པའི་ཆོས་ཤིན་དུ་ཐོས་པར་སྨོན་ཏོ། །དེ་ནས་བཅོམ་ལྡན་འདས་ཕྱི་དྲོའི་དུས་ཀྱི་ཚེ་ཏིང་ངེ་འཛིན་ལས་བཞེངས་ནས་འཁོར་གྱི་དཀྱིལ་འཁོར་ལ
24b5 གཟིགས་ཏེ་ཚིགས་སུ་བཅད་པ་འདི་དག་གསུངས་སོ། །འཕགས་པ་གསེར་འོད་དམ་པའི་ཆོས། །མདོ་སྡེ་ཀུན་གྱི་རྒྱལ་པོ་འདི། །སངས་རྒྱས་ཀུན་གྱི་སྤྱོད་ཡུལ་ཏེ། །ཤིན་ཏུ་མཉན་ཅིང་ཐོས་པར་དཀའ། །
24b6 ངས་དེང་དཀྱིལ་འཁོར་ཁྱེད་རྣམས་ལ། །དམ་པའི་མདོ་སྡེ་འདི་བསྟན་པས། །ཕྱོགས་བཞི་སངས་རྒྱས་རྣམས་ཀྱིས་ཀྱང་། །བྱིན་གྱིས་རླབས་ཀྱིས་བརླབས་པར་འགྱུར། །ཤར་ཕྱོགས་སངས་རྒྱས་མི་འཁྲུགས་དང་། །
24b7 ལྷོ་ཕྱོགས་སངས་རྒྱས་དཀོན་མཆོག་དཔལ། །ནུབ་ཕྱོགས་སངས་རྒྱས་སྣང་མཐའ་ཡས། །བྱང་ཕྱོགས་སངས་རྒྱས་རྔ་སྒྲ་སྐྱབས། །ངས་དེང་ཆོས་མཆོག་འདི་བསྟན་པས། །བཀྲ་ཤིས་འཆགས་པའི་དམ་པ་སྟེ། །
24b8 སྡིག་པ་ཐམས་ཅད་གཞོམ་པའི་ཕྱིར། །སྡིག་པའི་ལས་ཀུན་ཟད་པར་འགྱུར། །སྡུག་བསྔལ་ཐམས་ཅད་འཇོམས་པར་བྱེད། །བདེ་བ་ཐམས་ཅད་སྦྱིན་བྱེད་ཅིང་། །ཡེ་ཤེས་རྩ་བ་ཀུ་མཁྱེན་དང་། །
iiif viewer powered by OpenSeadragon
