| e-texts navigator |
| Wylie |
22a1 འཁོད་དོ། །གཞན་ཡང་འདི་ལྟ་སྟེ། བྱང་ཆུབ་སེམས་དཔའ་སེམས་དཔའ་ཆེན་པོ་བྱེ་བ་ཁྲག་ཁྲིག་བརྒྱ་སྟོང་སྙེད་ཀྱང་དེ་ན་འདུས་པར་གྱུར་ཏེ། ཐམས་ཅད་ཀྱང་ཀླུའི་རྒྱལ་པོ་ཆེན་པོ་ལྟར་གཟི་བརྗིད་ཀྱི་བྱིན་གྱི་མཐུ་ཆེ་བ། ཤིན་དུ
22a2 གྲགས་པ་དང་ལྡན་པ། ཅང་ཤེས་དང་ལྡན་པ། སྦྱིན་པ་དང་ཚུལ་ཁྲིམས་ཡོངས་སུ་དག་པ་མཆོད་པ་དང་། རིམ་གྲོ་བྱེད་པ་དང་། ཡོངས་སུ་དག་པ། བསྐལ་པ་གྲངས་མེད་པ་ནས་བཟོད་པ་དང་། བརྩོན་འགྲུས་སུ་ལྡན་པ། བསམ་གཏན་ཐམས་ཅད
22a3 ལས་ཡོངས་སུ་འདས་པ། དྲན་པ་མངོན་པར་བཞག་པ། ཤེས་རབ་ཀྱི་སྒོ་ཡོངས་སུ་འབྱེད་པ། རྣལ་འབྱོར་དང་ཐབས་དང་དབང་གིས་རྣམ་པར་རོལ་པ། མངོན་པར་ཤེས་པ་དང་། གཟུངས་དང་ལྡན་པ། སྤོབས་པ་ཡོངས་སུ་མི་ཟད་པ་ཉོན་མོངས
22a4 པ་ཐམས་ཅད་ཡོངས་སུ་སྤངས་པ། ཉོན་མོངས་པའི་བཤལ་ཐག་ཡོངས་སུ་གཅོད་པ། རིང་པོ་མི་ཐོགས་པར་ཐམས་ཅད་མཁྱེན་པའི་ཡེ་ཤེས་དང་ལྡན་པར་འགྱུར་བ། བདུད་དང་བདུད་ཀྱི་དམག་ཡོངས་སུ་འཇོམ་པ། ཆོས་ཀྱི་རྔ་རབ་ཏུ་སྒྲོགས་པ་མུ་སྟེགས་ཐམས་ཅད
22a5 ཡོངས་སུ་ཟློག་པས་བསམ་པ་རྣམ་པར་དག་པར་སྦྱོར་བ། དམ་པའི་ཆོས་ཀྱི་འཁོར་ལོ་བསྐོར་བ། ལྷ་དང་མི་ཐམས་ཅད་ཡོངས་སུ་སྒྲོལ་བ། ཕྱོགས་བཅུའི་སངས་རྒྱས་ཀྱི་ཞིང་གི་རྒྱན་ཡོངས་སུ་སྒྲུབ་པ། རྒྱུད་དྲུག་གི་སྐྱེ་བོ་ཡོངས་ལ་ཕན
22a6 འདོགས་པ། ཡེ་ཤེས་ཆེན་པོ་ཕུན་སུམ་ཚོགས་པ། བཟོད་པ་ཆེན་པོ་དང་ཡོངས་སུ་ལྡན་པ། བྱམས་པ་ཆེན་པོ་དང་། སྙིང་རྗེ་ཆེན་པོ་དང་ལྡན་པའི་སེམས་ལ་གནས་པ། གཞན་གྱི་མི་ཐུབ་པའི་སྟོབས་ཆེན་པོ་དང་ལྡན་པ། སངས་རྒྱས་ཀྱི
22a7 ཞིང་ཐམས་ཅད་དུ་རྒྱུ་ཞིང་མཆོད་པ་བྱེད་པ། ཡོངས་སུ་མྱ་ངན་ལས་འདའ་བར་མི་འཇུག་པ། མ་འོངས་པའི་བསྐལ་པའི་མཐར་ཡོངས་སུ་མི་ཟད་པའི་ཡི་དམ་གྱི་སྨོན་ལམ་ཆེན་པོ་བསྐྱེད་པ། སངས་རྒྱས་མང་པོ་ལས་ཤིན་དུ་ཟབ་མོའི་རྒྱུ་རྣམ་པར་དག
22a8 པ་བསྐྱེད་པ། དུས་གསུམ་གྱི་ཆོས་མ་སྐྱེས་པའི་བཟོད་པ་ཐོབ་པ། ཉན་ཐོས་དང་། རང་སངས་རྒྱས་ཀྱི་སྤྱོད་ཡུལ་ལས་ཡོངས་སུ་འདས་པ། འཇིག་རྟེན་གྱི་དོན་སྦྱོར་བ་ལ་མཁས་པ། སྟོན་པ་ཆེན་པོས་དགོངས་ཏེ་གསུངས་པའི་ཆོས་ཤིན་དུ་བཀོད
iiif viewer powered by OpenSeadragon
