| e-texts navigator |
| Wylie |
15a1 ཨུ0fད3ུ0fད4། །ཡེ་ཤེས་སྒྲོན་མེས་རབ་བརྒྱན་ཞིང་། །འཇིག་རྟེན་གཏི་མུག་མུན་སེལ་བ། །འཇམ་པའི་དབྱངས་ལ་ཕྱག་འཚལ་ལོ། །ཟླ་བ་རྒྱས་པ་ཟིལ་གནོན་ཞིང་། །མ་རིག་རྣམ་པར་བསལ་ག
15a2 ཡུར་པ། །འཇམ་པའི་དཔལ་ལ་ཕྱག་འཚལ་ལོ། །མ་བགྱིས་ཟུར་ཕུད་གསལ་བ་ལ། །ནོར་བུ་འབར་བའི་སྐུ་མངའ་ཞིང་། །ཉིད་ནི་ཀུན་དུ་དགའ་བའི་སྐུ། །
15a3 འཇམ་དཔལ་ཁྱོད་ལ་ཕྱག་འཚལ་ལོ། །བདུད་རྩི་འདྲ་ཞིང་འཇམ་ལ་ཟབ། །ཡིད་འོང་གསུང་གི་སྒྲ་སྒྲོགས་པ། །དམ་པ་ཆོས་ཀྱི་རིན་ཆེན་མཛོད། །འཇམ་དཔལ་ཁྱོད་ལ་ཕྱག་འཚལ
15a4 བསྟོད། །ག~ཾ་གཱའི་ཆུ་ཐིགས་ལྟར་གྲངས་མེད། །འཇིག་རྟེན་ཁམས་ཀུན་མ་ལུས་པར། །ཉོན་མོངས་དྲི་མ་མ་ལུས་པ། །འཇམ་དཔལ་ཁྱོད་ལ་ཕྱག་འཚལ་བསྟོད། །
15a5 མཆེ་བ་གཙིགས་ཤིང་བསྒྲིམས་པ་ཡི། །འཇིགས་པའི་སྐུ་ཡི་ཚུལ་གྱིས་ནི། །གཤིན་རྗེའི་དྲེགས་པ་འཇོམས་མཛད་པ། །འཇམ་དཔལ་ཁྱོད་ལ་ཕྱག་འཚལ་བསྟོད། །
15a6 རང་གི་སྤྱན་དང་མདངས་འདྲ་བའི། །ུཏྤལ་སྔོན་པོས་རབ་མཛེས་པ། །ལྷུང་བཟེད་ཕྱག་ན་བསྣམས་པ་ཡི། །འཇམ་དཔལ་ཁྱོད་ལ་ཕྱག་འཚལ་ལོ། །ཕྱོགས་བཅུར་བཞུགས
15a7 པའི་སངས་རྒྱས་ལ། །རྒྱ་ཆེར་མཆོད་དང་བསྟོད་པ་ཡིས། །གྲོལ་བའི་ལམ་ནི་སྟོན་པ་པོ། །འཇམ་དཔལ་ཁྱོད་ལ་ཕྱག་འཚལ་ལོ། །
15a8 བུ་མོ་བརྒྱད་ཀྱིས་བསྟོད་པ་རྫོགས་སྷོ།། །།ལན་ཅིག་ཞུས་ཏེ་དག་གོ། །སྐར་ཞུས།། །།
iiif viewer powered by OpenSeadragon
