| e-texts navigator |
| Wylie |
14a1 ཨུ0fད3ུ0fད4། །བིསྨ་ཡ་མ་ཧཱ་རཱ་ཛ། ས་མཱ་དྷི་བརྡྷ་ཏ་ཡན་ཧུ~ཾ། དེ་བེ་བྷྱོ་མ་ནུ་ཥེ་བྷྱོ། གན་དྷ་ར་བེ་བྷྱོ། ཤི་ལི་གྲ་ཧཱ་དེ་བ། ཨཱ་ནན་ད་སྱ་གྲ་ཧཱ་ཎཱི་ཡཱ། ཨ་ག་མ་ནཱ་ཡ་ཀྲ་མ་ཎཱི་ཡཱ་ཛུ་ཧོ་མི་ཧ་སྭཱ་ཧཱ།
14a2 སྔགས་ཀྱི་རྒྱལ་པོ་འདིས་བསྙེན་པའི་ཆོ་ག་བྱས་ལ། ཁང་པའི་མདུན་གྱི་དབུས་སུ་བ་ལྕི་བྱུགས་ལ་གྲུ་བཞིར་བྲེས་ཏེ། དཱུར་བའི་གཅལ་བཀྲམ་ནས་མེ་སྦར་ལ། ཨར་ཀའི་མེ་ཏོག་བརྒྱ་རྩ་བརྒྱད་བླངས་ནས། སྔགས་བཟླ
14a3 ཞིང་མེ་ཏོག་རེ་རེ་མེ་ལ་སྦྱིན་བསྲེག་བྱས་ན། འདོད་པའི་སྐྱེས་པའམ་བུད་མེད་འགུགས་པར་འགྲུབ་པར་འགྱུར་ཞེས་མཁས་པས་དེ་ལྟར་ཤེས་པར་བྱས་ལ་གུས་པར་བྱའོ། །དཔའ་བོ་གཅིག་པུ་གྲུབ་པའི་རྒྱུད་ཀྱི་རྒྱལ་པོ་ལས་ལེའུ་བཞི་པ
14a4 རྫོགས་སྷོ། ། །།རྒྱ་གར་གྱི་མཁན་པོ་ཆེན་པོ་དཱི་པ~ཾ་ཀ་ར་ཤྲཱི་ཛྙཱ་ན་དང་། ལོ་ཙྪ་བ་དགེ་སློང་དགེ་བའི་བློ་གྲོས་ཀྱིས་བསྒྱུར། དགེ་སློང་ཚུལ་ཁྲིམས་རྒྱལ་བས་གཏན་ལ་ཕབ་པའོ། ། ཞུས་ཏེ་དག་གོ། ཡང་ཞུས་ཤེ་སྐར་ཞུས།
14a5 ཐང་རྒྱལ་གཉིས་ཀྱི་མ་དཔེ་གསུམ་ལ་གཏུགས་ཏེ་ཞུས་ཆེན་བགྱིས་བདོག་ཅིང་དག་པར་བྱས་པས་སླན་ཆད་ཀྱང་འདི་ལྟར་བྲིས།། །།ཐམས་ཅད་མཁྱེན་པ་ལ་ཕྱག་འཚལ་ལོ། །བཅོམ་ལྡན་འདས་ཀྱིས་འཇམ་དཔལ
14a6 རྣོན་པོ་ལ་བསྟོད་པ། མཐིང་ནག་མཛེས་པས་འཇམ་པར་འཚེར་བའི་དབུ། །ལྕངས་ལོ་རྫིངས་བསྐྱོང་མཐིང་གི་མཚོ་ལྟར་གཡོ། །དགེ་བའི་སྤྱི་གཙུག་མཚན་མཆོག་གཡས་སུ་འཁྱིལ། །གཙུག་ཏོར་འཕགས་པས་སྐྱེ
14a7 བོས་བལྟར་མི་མཐོང་། །སྲིད་པའི་སྡུག་བསྔལ་མ་ལུས་གཞོམ་པ་དང་། །མཐུ་ཆེན་བྱིན་གྱིས་རྒལ་བ་གཞོམ་པའི་ཕྱིར། །དབུ་རྒྱན་གཅོད་པན་རྒྱལ་བའི་མཆོག་གསང་ཞིང་། །ཆོས་ཀྱི་རྒྱལ་ཐབས་དབང་གི་ཕ་རོལ་ཕྱིན། །
14a8 རིན་ཆེན་སྤུག་དང་ཨུཏྤལ་འདྲ་བ་ཡི། །ཤིན་ཏུ་དངས་པར་དཀར་ནག་ཕྱེད་པའི་སྤྱན། །སྨིན་ཚུགས་མཛེས་པས་ཟླ་བ་ཚེས་ལྟར་འཁྱུག་།མིག་འཛུམས་ཟུར་གྱིས་ལྟ་བས་བྱམས་པའི་རྟགས། །སིལ་སྙན་རྣམ་དག
iiif viewer powered by OpenSeadragon
