| e-texts navigator |
| Wylie |
13b1 གསུམ་དུ་བྱས་པའི་འཁོར་ལོ་ལ་སྐུད་པ་དབར་པོས་བཅིངས་ནས། སྤྲ་ཚིལ་གྱི་རང་བཞིན་ཅན་གྱི་གཟུགས་ཀྱི་སྙིང་ཀའི་དབུས་སུ་བཅུག་ལ། སེང་ལྡེང་གི་མདག་མ་ལ་དུས་གསུམ་དུ་བསྲོས་ན་རྐང་པས་འགུགས་པར་བྱེད་དོ། །སྐྱེས་པ
13b2 འམ་བུད་མེད་དབང་དུ་བྱེད་ན། ཟངས་མའི་ཁབ་ཀྱིས་རྐང་པ་ཕུག་ལ་བསྲོས་པས་དབང་དུ་འགྱུར་རོ། །ཡི་གེ་ཡ~ཾ་ལས་ཡོངས་སུ་གྱུར་པའི་རླུང་གི་དཀྱིལ་འཁོར་ཡོངས་སུ་བསམས་ལ། དེའི་སྟེང་དུ་ཡོངས་སུ་གནས་པའི་བསྒྲུབ
13b3 པར་བྱ་བ་སྐྲ་མ་བཅིངས་ཤིང་གཅེར་བུ་མགྲིན་པ་ཞགས་པས་བཅིངས་པས་སྙིང་ཀ་ལ་ལྕག་ཀྱུ་བསྣུན་པ། རླུང་གི་ཤུགས་ཅན་གྱི་རིག་སྔགས་ཀྱིས་ཐམས་ཅད་དྲངས་ཏེ་སྒྲུབ་པ་པོའི་རྐང་པའི་དྲུང་དུ་ལྷུང་ཞིང་བྱ་བ་ཐམས་ཅད
13b4 རྣམ་པར་བསམ་པར་བྱའོ། །གོམས་པར་བྱས་པས་ནམ་མཁའ་ལ་འདྲེན་པར་ཡང་བསྒོམས་པ་ཙམ་གྱི་འགྱུར་རོ། །མར་དང་སྦྲང་རྩི་ཀ་ར་ལྷུང་བཟེད་ཀྱི་ནང་དུ་བཅུག་སྟེ། དུས་གསུམ་དུ་མེ་ཏོག་དྲི་ཞིམ་པོ
13b5 ལ་སོགས་པས་མངོན་པར་མཆོད་ཅིང་སྔགས་བཟླས་ན་གང་འདོད་པ་དེ་དབང་དུ་འགྱུར་རོ། །པད་མ་དཀར་པོའི་སྐུད་པའི་སྡོང་བུ་བྱས་ལ་བ་སེར་སྐྱའི་མར་གྱིས་སོ་མ་བཏང་བའི་ཁམ་ཕོར་ལ། དུ་བ་ཆགས་པ་ལ་བརྒྱ་རྩ་བརྒྱད་མངོན
13b6 པར་བསྔགས་པས་མིག་ལ་བསྐུས་ན་སྐྱེ་བོ་ཐམས་ཅད་དགའ་བར་འགྱུར་རོ། །དུར་ཁྲོད་དུ་ཀ་པཱ་ཆེན་པོ་ལ་པད་མ་དཀར་པོའི་སྐུད་པའི་སྡོང་བུ་དང་སྣུམ་ཆེན་པོས་མར་ངོའི་ཚེས་བརྒྱད་དམ་བཅུ་བཞིའི
13b7 ནུབ་མོ་དུ་བ་བསྒྲུབས་པར་བྱས་ལ། དེས་མིག་ལ་བསྐུས་ན་ཐམས་ཅད་དགའ་བར་འགྱུར་རོ། ། མ་ལེ་བི་མ་ལེ། ཀུ་མ་ཀུ་མེ། ས་མ་ཡེ་ན།
13b8 བད་དྷོ་སི། བིན་དྭ་ན། བིན་དྭ་ན། ཨིཙྪ། ཨིཙྪ། ཡཱ་དེ་བོ་བར་ཥ་ཏི། བི་དྷྱོ་ཏ་ཡ་ཏི། གར་ཛྫ་ཏི། གར་ཛྫ་ཏི།
iiif viewer powered by OpenSeadragon
