| e-texts navigator |
| Wylie |
12b1 ཡུད་ཙམ་རྣམ་པར་བསམས་ལ། རང་གི་སྙིང་ཀར་ཡི་གེ་ཨོཾ་ལས་ཡོངས་སུ་གྱུར་པའི་ཉི་མའི་དཀྱིལ་འཁོར་འོད་ཟེར་བརྒྱ་སྟོང་གིས་རྣམ་པར་སྤྲས་པས། འཇིག་རྟེན་གྱི་ཁམས་མ་ལུས་པ་སྣང་བར་བྱེད་པ་རྣམ་པར་བསམས་པར
12b2 བྱས་ནས། ཟླ་བ་དྲུག་ཙམ་གྱིས་དབང་ཕྱུག་དང་མཚུངས་པར་སྐྱེ་ཞིང་། སྔར་སྨོས་པའི་འབྲས་བུ་རྣམས་འདིས་སྐྱེད་པར་འགྱུར་རོ། །དཔའ་བོ་གཅིག་པུ་གྲུབ་པའི་རྒྱུད་ཀྱི་རྒྱལ་པོ་ཆེན་པོ་ལས་ལེའུ་གསུམ་པ་རྫོགས་སྷོ།། །།
12b3 ལ་བཱ་ཎ~ཾ་བྷ་སོ་ཤི་ཏཱི་ཀྵྞོ་སི་ཨུ་ད་གྲོ་སི་བྷ་ཡ~ཾ་ཀ་རཿ། ཨ་མུ་ཀ་སྱ། ད་ཧཱ་གཱ་ཏྲཱ་ཎི། ད་ཧ་མཱ་ས~ཾ། ད་ཧ་ཏྭ་ཙ~ཾ་ན་ཁཱ་ནྱ་བི་ད་ཧ་སྠཱི་ནི་ཨ་སྠཱི་ནི་བྷྱོ་མཛྫ་ཀཾ་ཧ། ལ་བ་ཎཾ། ཙྪིན་ད་ཏི། ལ་བཱ་ཎ~ཾ། བྷིན་དེ་ཏི།
12b4 ལ་བ་ཎ~ཾ་པ་ཙ་ཏི། ཤོ་ཎི་ཏ~ཾ་ལ་བ་ཎེ་ཧྲི་ཡ་མཱ་ནེ་ཀུ་ཏོ་ནི་ད་ཀུ་དོ་ར་ཏིཿ་ཡ་དི་བ་ས་ཏི་ཡོ་ཛྙ་ན་ཤ་ཏེ། ན་དཱི་ནཱ~ཾ་ཙ་ཤ་ཏཱན་ཏ་རེ་ན་ག་རེ་ལོ་ཧ་པྲཱ་ཀཱ་རེ་ཀྲཱྀཥྞ་ས་རྨྤ་ཀྲྀ་དཱ་ཀུ་ལེ་ཏ་ཏྲེ་བ་བས་མཱ་ནི་ཧི་ལ་བ་ཎ་བན་དྷ་པུ་ར
12b5 སྐྲྀ་ཏཿ་ཨོཾ་ཙི་ཅི་ཙི་ཊི་བི་ཀློ་ལི་བི་ཀློ་ལི་ཨ་མུ་ཀཾ་སཱ་དྷ་ན་པ་རི་པཱ་ར~ཾ་མེ་བ་ས་མཱ་ན་ཡ་སྭཱ་ཧཱ། སྔོན་དུ་བསྙེན་པའི་ཆོ་ག་ཁྲི་བྱས་ལ་དེའི་འོག་ཏུ་བསྒྲུབ་པ་བརྩམ་པར་བྱ་སྟེ། མེ་ཏོག་དང་ལྡན་པའི་ཤིང་མྱ་ངན་མེད་པའི
12b6 ར་ཙ་བར་བཞུགས་པའི་རྗེ་བཙུན་འཕགས་པ་སྤྱན་རས་གཟིགས་སྐུ་མདོག་དམར་པོ་ཕྲེང་བ་དང་ན་བཟའ་དམར་པོའི་རྒྱན་གྱིས་རྗེས་སུ་བྱུགས་པ་ཕྱག་བཞིས་ཞགས་པ་དང་ལྕགས་ཀྱུ་དང་གཞུ་དང་མདའ་བསྣམས་པ
12b7 སྒེག་པའི་ཆ་ལུག་ཅན། གཡས་དང་གཡོན་གྱི་ཕྱོགས་ན་སྒྲོལ་མ་དང་ཁྲོ་གཉེར་ཅན་གཉིས་དང་བཅས་པར་བདག་ཉིད་རྣམ་པར་བསམས་ལ། དུས་གསུམ་དུ་ཚྭའི་སྦྱིན་བསྲེག་བརྒྱ་རྩ་བརྒྱད་བྱས་ན། ཉི་མ་བདུན
12b8 གྱིས་སྐྱེས་པའམ་བུད་མེད་དབང་དུ་འགྱུར་རོ། །ཞག་ཉི་ཤུ་རྩ་གཅིག་གིས་སྐྱེས་བུ་ཆེན་པོ་དབང་དུ་འགྱུར་རོ། །ཚྭ་དང་བཅས་པའི་སྤྲ་ཚིལ་གྱིས་བསྒྲུབ་པར་བྱ་བའི་གཟུགས་སོར་བཞི་པའི་ཚད་དུ་བྱས་ལ། སེང་ལྡིང་གི
iiif viewer powered by OpenSeadragon
