| e-texts navigator |
| Wylie |
11b1 གནས་པས་ཅི་འབྱོར་པའི་མཆོད་པ་བྱས་ཏེ། སྔོན་དུ་བསྙེན་པའི་ཆོ་གས་སྔགས་འདི་གོང་དུ་སྨོས་པའི་རིམ་པས། འབུམ་ཕྲག་བཞི་བཟླས་ལ། དེ་ནས་དབྱངས་ཅན་གྱིས་མར་རམ། བྲཧྨའི་མར་སྲང་གཅིག་ཙམ་ལ་ཡོངས་སུ་བཟླས
11b2 ཏེ། བདག་ཉིད་ལ་དབྱངས་ཅན་གྱི་ཕྱག་གིས་རབ་ཏུ་སྩོལ་བར་ཡོངས་སུ་རྟོག་ཅིང་། ཏིང་ངེ་འཛིན་ལ་གནས་པས་བཏུང་བར་བྱའོ། །དེ་ལ་བྲཧྨའི་མར་འདི་ཎི། །བྲཧྨ་ཡི་ཁུ་བ་འོ་མ་དང་། །མར་སྲང་སུམ་བཅུ་རྩ་གཉིས་དང་། །ཡུང་བ་དང་ནི་མ་ལ
11b3 ཏི། །དུར་བྱིད་ཨ་རུ་རར་བཅས་པ། །དེ་དག་ཆ་ནི་སྲང་རེ་དང་། །པི་པི་ལིང་དང་བྱི་དང་ཀ་།སེན་དྷ་བི་དང་ཀ་རར་བཅས། །དེ་དག་སྲང་གི་བཞི་ཆར་ཤེས། །སྨན་རྣམས་དག་ནི་བཏགས་ནས་ཀྱང་། །དེ་ལ་འདི་དག་བླུགས་བྱས་ལ། །དེ་དག་ཐམས
11b4 ཅད་ཆ་མཉམ་པ། །མེ་ཆུང་ངུ་ལ་དེ་བསྐོལ་བྱ། །དེ་ནས་འཐུངས་པ་ཙམ་གྱིས་ནི། །བླ་མེད་ངག་ནི་དག་འགྱུར་དང་། །མཚན་བདུན་ཉེ་བར་ལོངས་སྤྱོད་པས། །མི་འམ་ཅི་དང་སྐད་མཚུངས་འགྱུར། །ཟླ་གསུམ་ཉེ་བར་ལོངས་སྤྱོད་པས། །མི་ནི་ཤེས
11b5 རབ་གནས་སུ་འགྱུར། །ཟླ་གསུམ་རབ་ཏུ་སྦྱོར་བ་ཡིས། །ཐོས་པ་མཆོག་ནི་འཛིན་པར་འགྱུར། །ཟླ་བ་དྲུག་གིས་མངོན་སུམ་དུ། །མི་ནི་ངག་དབང་མཚུངས་པར་གྱུར། །མཛེ་ནད་བཅཝ་བརྒྱད་དག་དང་ནི། །ཟ་བྱེད་ཆེན་པོ་བདུན
11b6 འཇོམས་བྱེད། །ོཾ་ཨ་ནན་ཏ་ཛྙཱ་ན་ཤྲཱི་ཡི། མཉ་ཛུ་ཤྲཱི་ཡེ་ན་མཿ། གོང་དུ་སྨོས་པའི་ལྷ་མོ་བཞིས་བསྐོར་བའི་ངག་གི་དབང་ཕྱུག་ཏུ་བདག་ཉིད་བསམས་ལ། སྔར་བཤད་པའི་རིམ་པས་སྔགས་བཟླས་པ་བྱས་ན། གོང་དུ་སྨོས་པའི
11b7 ལས་ཐམས་ཅད་བྱེད་པར་འགྱུར་རོ། །ོཾ་ཨ་ར་པ་ཙ་ན་དྷཱིཿསྭཱ་ཧཱ། དབེན་པར་དཀྱིལ་འཁོར་བྱས་ཏེ། བཅོམ་ལྡན་འདས་ངག་གི་དབང་ཕྱུག་དང་བླ་མ་རྗེ་བཙུན་ཡང་དག་པར་མཆོད་དེ། བདེ་བའི་སྟན་ལ་འདུག་ནས་བྱང་ཆུབ་ཏུ་སེམས
11b8 བསྐྱེད་པར་བྱའོ། །དེ་ནས་ཨོཾ་སྭ་བྷཱ་བ་ཤུདྷ་དྷཱཿ་ཤུདྡྷཱཿསརྦ་དྷརྨཱཿསྭ་བྷཱ་བ་ཤུད་དྷོ་ཧ~ཾ། ཞེས་བྱ་བའི་སྔགས་ལན་གསུམ་གྱི་བར་དུ་བརྗོད་དེ། བདག་དང་འཇིག་རྟེན་རང་བཞིན་གྱིས་རྣམ་པར་དག་པར་བསམས་ལ་སྟོང་པ་ཉིད་མངོན
iiif viewer powered by OpenSeadragon
