| e-texts navigator |
| Wylie |
10b1 མ་སྒྲོལ་མའི་སྙིང་པོ་འདིས་ལས་ཐམས་ཅད་བྱེད་པར་འགྱུར་རོ། །ོཾ་པྲ་ཀྲྀ་ཏི་པ་རི་ཤུད་དྷཿ། སརྦ་དྷརྨཱཿཔྲ་ཀྲྀ་ཏྱཱ། པ་རི་ཤུད་དྷོ་ཧ~ཾ། ས་བཱ་ཧྱཱ་བྷྱན་ཏ་ར་ན་མ་ན་ཨི་ཏི། ཞེས་བྱ་བས་ཕྱི་དང་ནང་དུ་རྒྱུ་བ་དང་མི་རྒྱུ་བ་དང་བཅས་པའི་སྣ
10b2 ཚོགས་པ་དང་བདག་ཉིད་རང་བཞིན་གྱིས་ཡོངས་སུ་དག་པར་བསམ་ལ། པད་མ་དཀར་པོ་ཁྲུ་བདུན་པའི་ཚད་དང་དེའི་སྟེང་དུ་ཟླ་བའི་དཀྱིལ་འཁོར། དེའི་སྟེང་དུ་ཕྱག་གཉིས་པ་པད་མ་དང་མཆོག་སྦྱིན་གྱིས་རྣམ་པར་མཛེས་པ།
10b3 བཅོམ་ལྡན་འདས་མ་ཐུགས་རྗེ་ཆེན་པོའི་རང་བཞིན་གྱི་སྐུ་ཅན། གཅིག་ཏུ་གཞན་ལ་ཕན་འདོགས་པས་བཞུགས་པ། སྒྲུབ་པ་པོ་རྣམས་ལ་མངོན་པར་འདོད་པའི་དངོས་གྲུབ་སྩོལ་བ་ལ་དགྱེས་པ། སྟོན་ཀའི་ཟླ་བ་ལྟར་དཀར་བ་ཙན་དན
10b4 དཀར་པོའི་འདེ་གུས་བྱུག་ཤིང་མེ་ཏོག་གིས་མཛེས་པར་བརྒྱན་པ། ན་བཟའ་དཀར་པོ་དང་མུ་ཏིག་གིས་ཕྲེང་བས་ཐུགས་ཀ་མཛེས་པར་བྱས་པ། སྐུ་རིན་པོ་ཆེ་སྣ་ཚོགས་ཀྱིས་བརྒྱན་པའི་སྐུ་ལས་ཡོངས་སུ་སྤྲོས་པའི་འོད་ཟེར་སྟོང་གིས་མཐའ
10b5 ཡས་ཤིང་དཔག་ཏུ་མེད་པའི་འཇིག་རྟེན་གྱི་ཁམས་སྣང་བར་བྱེད་པ། ལོ་བཅུ་གཉིས་ཀྱི་ན་ཚོད་དུ་འཁྲུངས་པའི་སྐུ་ཅན། ངག་གི་དབང་ཕྱུག་མ་ཆེན་མོར་བདག་ཉིད་རྣམ་པར་བསམ་མོ། །མདུན་དུ་ཤེས་རབ་མ་དང་གཡས་སུ་ཡིད
10b6 གཞུངས་མ་དང་རྒྱབ་དུ་བློ་མ་དང་གཡོན་དུ་དྲན་པ་མ་གོང་དུ་སྨོས་པའི་ཡོན་ཏན་ཐམས་ཅད་ཀྱིས་མཛེས་པར་ལྷ་མོ་རྣམ་པར་བསམ་པར་བྱའོ། །དེའི་འོག་ཏུ་ལྟེ་བའི་ཕྱོགས་སུ་ཟླ་བའི་དཀྱིལ་འཁོར་གྱི་དབུས་སུ་ཡི་གེ་ཨོཾ་མདོག
10b7 དཀར་པོ་རྣམ་པར་བསམས་ལ་དེ་ལས་བྱུང་བའི་ངག་གི་དབང་ཕྱུག་གི་རང་བཞིན་མ་ལུས་པའི་ཕྲེང་བ་རྒྱུན་མི་འཆད་པའི་འབྱུང་བར་རྣམ་པར་བསམ་ཞིང་། གཅིག་པུ་དེར་ཕྱོགས་པའི་ཡིད་ཅན་གྱི་སྔགས་པས་ངེས་པར་བདག་ཉིད་ཀྱི་རང
10b8 གི་ལྟེ་བའི་དབུས་ན་གནས་པ་མི་སྨྲ་བས་བཟླས་པ་བྱས་ན། ཟླ་བ་གཅིག་གིས་དབྱངས་ཅན་གྱི་ངག་རབ་ཏུ་འཐོབ་པར་འགྱུར་ཞིང་ཟླ་བ་གསུམ་གྱིས་ཚངས་པ་གསོད་པ་ཡང་འགྲུབ་པར་འགྱུར་རོ། །ཟླ་བ་དྲུག་གི་དབྱངས་ཅན་དང
iiif viewer powered by OpenSeadragon
