| e-texts navigator |
| Wylie |
5a1 སྐད་ཅེས་གསོལ་ཏོ། །བཅོམ་ལྡན་འདས་བཤུམས་པའི་སྔ་ལྟས་ཆེན་པོ་གདའ་བ་གང་གིས་ན་བཅོམ་ལྡན་འདས་ཀྱི་སྤྱན་མཆི་མས་གང་བར་བསྟན་པའི་སྔ་ལྟས་གདའ་བ་བཅོམ
5a2 ལྡན་འདས་ཅི་ལགས། ཅིའི་སླད་དུ་བཅོམ་ལྡན་འདས་ཀྱིས་འཁོར་འདིའི་ནང་དུ་ཞུ་བ་འདི་སྐབས་དབྱེ་བར་ཅི་གནང་། དེ་ནས་བཅོམ་ལྡན་འདས་ཀྱིས་གནོད་སྦྱིན་གྱི་སྡེ་དཔོན་ཆེན་པོ་ལག་ན་རྡོ་རྗེ་ལ་འདི་སྐད་ཅེས་བཀའ་སྩལ
5a3 ཏོ། །ལག་ན་རྡོ་རྗེ་རིང་བསྲེལ་གྱི་ཕུང་པོ་དེ་བཞིན་གཤེགས་པའི་མཆོད་རྟེན་དེ་བཞིན་གཤེགས་པ་བྱེ་བ་ཏིལ་གྱི་གང་བུ་སྙེད་ཐམས་ཅད་ཀྱི་སྙིང་པོའི་གཟུངས་ཀྱི་ཕྱག་རྒྱའི་མཆོད་རྟེན་གྱི་ཆོས་ཀྱི་རྣམ
5a4 གྲངས་ཡོད་དེ། ལག་ན་རྡོ་རྗེ་ཆོས་ཀྱི་རྣམ་གྲངས་འདི་གང་ན་གནས་པ་དེར། དེ་བཞིན་གཤེགས་པ་འབུམ་ཕྲག་བྱེ་བ་ཏིལ་གྱི་གང་བུ་སྙེད་གནས་ཤིང་དེ་བཞིན་གཤེགས་པ་ཁར་ཡས་ཁར་ཡས
5a5 ཞེས་བྱ་བ་སྙེད་ཀྱི་སྐུ་གདུང་རིང་བསྲེལ་རྣམས་གནས་སོ། །ཆོས་ཀྱི་ཕུང་པོ་བརྒྱད་ཁྲི་བཞི་སྟོང་གནས་སོ། །དེ་བཞིན་གཤེགས་པ་འབུམ་ཕྲག་བྱེ་བ་ཏིལ་གྱི་གང་བུ་སྙེད་དགུ་བཅུ་རྩ་དགུའི་གཙུག་ཏོར་དང་།
5a6 སྤྱི་བོ་ཡང་དེ་བཞིན་དུ་གནས་སོ། །ལག་ན་རྡོ་རྗེ་གང་ན་ཆོས་ཀྱི་རྣམ་གྲངས་འདི་གནས་པ་དེ་ནི་དེ་བཞིན་གཤེགས་པའི་མཆོད་རྟེན་དུ་ལུང་བསྟན་ཏོ། །ལག་ན་རྡོ་རྗེ་ཆོས་ཀྱི་རྣམ་གྲངས་འདི་ནི་འདི་ལྟར་ཕན
5a7 ཡོན་ཆེ་ཞིང་མཐུ་ཆེ་བ་ཡིན་ནོ། །ལག་ན་རྡོ་རྗེ་ཆོས་ཀྱི་རྣམ་གྲངས་འདི་ནི་ཕན་ཡོན་ཆེ་བ་ཡིན་ནོ། །ལག་ན་རྡོ་རྗེ་ཆོས་ཀྱི་རྣམ་གྲངས་འདི་ནི་བཀྲ་ཤིས་ཐམས་ཅད་རྫོགས་པར་བྱེད་པ་ཡིན་ནོ། །དེ་ནས་བཅོམ་ལྡན་འདས
5a8 ལས་འཁོར་མང་པོ་འདུས་པ་དེ་དག་གིས་ཆོས་ཀྱི་རྣམ་གྲངས་འདི་ཐོས་ནས་ཆོས་རྣམས་ལ་ཆོས་ཀྱི་མིག་རྡུལ་མེད་ཅིང་དྲི་མ་དང་བྲལ་ལ། དེ་ནས་ཉེ་བའི་ཉོན་མོངས་པ་དང་བྲལ་ལོ། །ཁ་ཅིག་གིས་ནི་རྒྱུན་དུ་ཞུགས་པའི
iiif viewer powered by OpenSeadragon
