| e-texts navigator |
| Wylie |
4a1 འདི་སྐད་ཅེས་གསོལ་ཏོ། །བཅོམ་ལྡན་འདས་འདི་ནི་གཤེགས་པའི་དུས་ལགས་ཏེ། བཅོམ་ལྡན་འདས་གཤེགས་པའི་དུས་ཀྱི་ཚོད་ལ་བབ་ན་བདག་ལ་གནང་བར་མཛད་པར་ཅི
4a2 གནང་། དེ་ནས་བཅོམ་ལྡན་འདས་ཀྱིས་བྲམ་ཟེ་ཆེན་པོ་དྲི་མེད་ལེགས་སྣང་དབུགས་ཕྱུང་ནས་ཉིད་ཀྱི་འཁོར་ལ་གཟིགས་ཏེ་བཀའ་སྩལ་པ། འཁོར་ཇི་ལྟར་ལྷགས་པ་ཐམས་ཅད་དེང་དོན་ཆེན་པོ་མཛད་པར་འགྱུར་གྱིས
4a3 ཚུར་ཤེག་། དེ་ནས་བཅོམ་ལྡན་འདས་གདན་དེ་ལས་བཞེངས་ནས། བཅོམ་ལྡན་འདས་གདན་དེ་ལས་བཞེངས་མ་ཐག་ཏུ་བཅོམ་ལྡན་འདས་ཀྱི་སྐུ་ལས་འོད་ཟེར་ཐ་དད་པ་སྣ་ཚོགས་བྱུང་སྟེ། འོད་ཟེར་གྱི་སྣང་བ་དེས་ཕྱོགས
4a4 བཅུའི་སངས་རྒྱས་ཀྱི་ཞིང་ཐམས་ཅད་སྣང་བར་བྱས་ནས་དེ་བཞིན་གཤེགས་པ་ཐམས་ཅད་ལ་ཡང་དག་པར་བསྐུལ་ཏེ། གཟིགས་ནས་གཤེགས་པར་ཤེས་སོ། །དེ་ནས་བྲམ་ཟེ་ཆེན་པོ་དྲི་མེད་ལེགས་སྣང་གིས
4a5 མཆོད་པ་དང་། བཀུར་སྟི་ཆེན་པོས་མཆོད་ཅིང་བཅོམ་ལྡན་འདས་ཀྱི་གཤེགས་ཤུལ་མཛེས་པ་ཆེར་བྱས་སོ། །འཁོར་མང་པོ་དང་། ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་།
4a6 ལྷ་མ་ཡིན་དང་། ནམ་མཁའ་ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོ་དང་། བརྒྱ་བྱིན་དང་། ཚངས་པ་དང་། འཇིག་རྟེན་སྐྱོང་བ་དང་། དབང་ཕྱུག་ཆེན་པོ་དང་།
4a7 སྲེད་མེད་ཀྱི་བུ་དང་། རྒྱལ་པོ་ཆེན་པོ་བཞིས་ཀྱང་གཤེགས་ཤུལ་མཛེས་པར་བྱས་སོ། །དེ་ནས་བཅོམ་ལྡན་འདས་དང་ཧ་ཅང་མི་རིང་བའི་ལམ་གྱི་བར་གྱི་ནང་ཞིག་ན་སྐྱེད་མོས
4a8 ཚལ་བདེ་བྱེད་ཅེས་བྱ་བ་ཞིག་ཡོད་དོ། །སྐྱེད་མོས་ཚལ་དེའི་ནང་ན་མཆོད་རྟེན་རྙིང་པ་ཆེན་པོ་ཞིག་ཡོད་དེ། ཞིག་པ། ཚེར་མས་གང་བ་རྩཝ་དང་། ཤིང་དང་། གྱོ་མོས་ཀུན་ཏུ་གང་བ་ཕྱག་དར
iiif viewer powered by OpenSeadragon
