| e-texts navigator |
| Wylie |
3b1 ལ་ཕྱག་བྱེད་པའི་དགེ་བའི་བསམས་པ་དང་ལྡན་པ། ཞིབ་མོ་བརྟགས་པ། སེམས་ཅན་ཐམས་ཅད་དང་དགེ་བའི་དོན་ལ་བརྩོན་པ། ནོར་ཆེ་བ། ལོངས་སྤྱོད་ཆེ་བ། ཕྱུག་པ། རྫས་མང་བ།
3b2 ཡོ་བྱད་ཕུན་སུམ་ཚོགས་པ་ཡིན་ནོ། །དེ་ནས་བྲམ་ཟེ་ཆེན་པོ་དྲི་མེད་ལེགས་སྣང་། བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་ཡང་བཅོམ་ལྡན་འདས་ལ་ལན་བདུན་བསྐོར་བ་བྱས་ནས། བཅོམ་ལྡན་འདས་ལ
3b3 མེ་ཏོག་དང་། བདུག་པས་མངོན་པར་མཆོད་དོ། །ན་བཟའ་རིན་འབུམ་རི་བ་ཡང་གསོལ། བཅོམ་ལྡན་འདས་ལ་མུ་ཏིག་གི་དོ་ཤལ་འབུམ་རི་བ་ཡང་གསོལ་ནས་ཞབས་གཉིས་ལ་མགོ་བོས་ཕྱག་འཚལ་ཏེ།
3b4 བཅོམ་ལྡན་འདས་ཀྱི་སྤྱན་སྔར་འདུག་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་སྲས་ཚོགས་ཀྱི་འཁོར་དང་བཅས་པ། བདག་གི་སྡུམ་པར་གདུགས་ཚོད་ལ་སྤྱན་འདྲེན་ན
3b5 དེའི་སླད་དུ་བཅོམ་ལྡན་འདས་ཀྱིས་གནང་བར་མཛད་པར་ཅི་གནང་། དེ་ནས་བཅོམ་ལྡན་འདས་ཀྱིས་བྲམ་ཟེ་ཆེན་པོ་དྲི་མེད་ལེགས་སྣང་གིས་སྤྱན་དྲངས་པར་ཐུགས་སུ་ཆུད་ནས་ཅང་མི་གསུང་བར་གྱུར་པས་གནང་ངོ་། །
3b6 དེ་ནས་བྲམ་ཟེ་ཆེན་པོ་དྲི་མེད་ལེགས་སྣང་བཅོམ་ལྡན་འདས་ཀྱི་སྤྱན་སྔ་ནས་ཅང་མི་གསུང་བས་གནང་བར་རིག་ནས་དེས་རིངས་པ་རིངས་པར་རང་གི་ཁྱིམ་དུ་སོང་སྟེ། དེ་ཉིད་ཀྱི་མཚན་མོ་འདས་པ་དང་། ཞལ་ཟས་དང་། ཡོ་བྱད
3b7 དང་། ཞལ་ཟས་རོ་བརྒྱ་པ། མང་པོ་བཤམས་ནས་བཀོད་པ་ཆེན་པོས་བཀྲ་ཤིས་ཀྱི་གཞལ་མེད་ཁང་དང་། གཞལ་མེད་ཁང་ཆེན་པོ་སྣ་ཚོགས་དང་། མེ་ཏོག་དང་། བདུག་པ་ཁྱེར་ཏེ། འཁོར
3b8 མང་པོ་དང་། སིལ་སྙན་དང་། ཕེག་རྡོབ་པས་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ལ་དུས་ལ་བབ་པར་གསོལ་ཏོ། །དེ་ནས་བཅོམ་ལྡན་འདས་ལ་བྲམ་ཟེ་ཆེན་པོ་དྲི་མེད་ལེགས་སྣང་གིས
iiif viewer powered by OpenSeadragon
