| e-texts navigator |
| Wylie |
37a1 བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་རིན་ཆེན་སྙིང་པོ་ཟླ་བ་སྣང་བ་ལ་འདི་སྐད་ཅེས་བཀའ་སྩལ་ཏོ། །རིན་ཆེན་སྙིང་པོ་ཟླ་བ་སྣང་བ་ཁྱོད་ཅི་དང་ཅི་འདོད་པ་དྲིས་ཤིག
37a2 དང་། ངས་དྲིས་པ་དེ་དང་དེའི་ལུང་བསྟན་པས་ཁྱོད་ཀྱི་སེམས་རངས་པར་བྱའོ། །དེ་སྐད་ཅེས་བཀའ་སྩལ་པ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་རིན་ཆེན་སྙིང་པོ་ཟླ་བ་སྣང་བས་བཅོམ་ལྡན་འདས་ལ་འདི
37a3 སྐད་ཅེས་གསོལ་ཏོ། །བཅོམ་ལྡན་འདས་རིགས་ཀྱི་བུའམ། རིགས་ཀྱི་བུ་མོ་གང་ལ་ལ་ཞིག་དཀྱིལ་འཁོར་བརྒྱད་པ་བགྱིད་པར་འཚལ་ན་དེས་ཇི་ལྟར་བགྱི། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་ཁྱོད་སྐྱེ་བོ་མང་པོ
37a4 ལ་ཤིན་ཏུ་ཕན་པ་དང་། སྐྱེ་བོ་མང་པོ་ལ་བདེ་བ་དང་། དུས་གསུམ་དུ་སྐྱེས་པའི་སེམས་ཅན་རྣམས་ཀྱི་མཚུངས་པ་མེད་པའི་ཡེ་ཤེས་སྒྲུབ་པའི་ཕྱིར་རིགས་ཀྱི་བུ་ཁྱོད་སྤོབས་པ་སྐྱེས་པ་ནི་བཟང་སྟེ། ལེགས་སོ་ལེགས་སོ། །
37a5 རིགས་ཀྱི་བུ་དེའི་ཕྱིར་སྙིང་པོ་གང་བརྗོད་པ་ཙམ་གྱིས་མཚམས་མེད་པ་ལྔ་འབྱང་ཞིང་དངོས་གྲུབ་ཐམས་ཅད་ཀྱང་ཐོབ་པར་འགྱུར་བ་བྱང་ཆུབ་སེམས་དཔའ་བརྒྱད་ཀྱི་སྙིང་པོ་ཉོན་ཅིག་།ུ0f00་མ་ཧཱ་ཧཱུ~ཾ་མ་ཧཱ་བཱི་ར་སྭཱ་ཧཱ། སྙིང་པོ་འདིས་ནི་དབུས
37a6 ཀྱི་བཅོམ་ལྡན་འདས་མཆོད་དོ། །ུ0f00་ཧྲཱི་ཧཱུ~ཾ་པདྨ་པྲི་ཡ་སྭཱ་ཧཱ། འཕགས་པ་སྤྱན་རས་གཟིགས་དབང་ཕྱུག་གི་སྙིང་པོའོ། །ུ0f00་མཻ་ཧཱ་རཱ་ཎ་སྭཱ་ཧཱ། བྱམས་པའི་སྙིང་པོའོ། །ུ0f00་ཨཱ་ཀཱ་ཤ་གརྡྷཱ་ཡ་སྭཱ་ཧཱ། ནམ་མཁའི་སྙིང་པོའི་སྙིང་པོའོ། །
37a7 ཨུ0f00་སྭཱ་ཧྲི་རཱ་ཡ་ཛྭ་སྭཱ་ཧཱ། ཀུན་ཏུ་བཟང་པོའི་སྙིང་པོའོ། །ུ0f00་ཀུ་རུ་བྷན་ར་ཧ་སྭཱ་ཧཱ། ལག་ན་རྡོ་རྗེའི་སྙིང་པོའོ། །ུ0f00་ཤྲཱི་ཨ~ཾ་ར~ཾ་ག་སྭཱ་ཧཱ། འཇམ་དཔལ་གཞོན་ནུར་གྱུར་པའི་སྙིང་པོའོ། །ུ0f00་ནི་སྭཱ་རཾ་བྷ་སྭཱ་ཧཱ། སྒྲིབ་པ་ཐ
37a8 མས་ཅད་རྣམ་པར་སེལ་བའི་སྙིང་པོའོ། །ུ0f00་ཀྵི་ཏི་ཧ་རཱ་ཛཱ་སྭཱ་ཧཱ། སའི་སྙིང་པོའི་སྙིང་པོའོ། །བྱང་ཆུབ་སེམས་དཔའ་བརྒྱད་ཀྱི་སྙིང་པོ་དེ་བཞིན་གཤེགས་པ་དང་ལྡན་པ་འདི་རིགས་ཀྱི་བུའམ། རིགས་ཀྱི་བུ་མོ་གང་ལ་ལ
iiif viewer powered by OpenSeadragon
