| e-texts navigator |
| Wylie |
285a1 ཀྱང་བཅད་པར་གྱུར་ཏོ། །མཐོ་རིས་ཀྱི་སྒོ་རྣམས་ཕྱེའོ། །བདེ་འགྲོའི་སྒོ་རྣམས་ཐམས་ཅད་ཀྱང་ཕྱེ་སྟེ། འཇིག་རྟེན་གྱི་ཁམས་དེའི་སེམས་ཅན་གང་ཡིན་པ་དེ་དག་ཐམས་ཅད་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལ་ཡང་དག་པར་ཞུགས
285a2 སོ། །འཇིག་རྟེན་གྱི་ཁམས་དེ་ན་སེམས་ཅན་ཐམས་ཅད་བྱམས་པའི་སེམས་ཀྱིས་གནས་ཏེ། འདི་ལྟ་སྟེ། ཆུ་དང་འོ་མ་གཅིག་ཏུ་གྱུར་པ་བཞིན་ནོ། །དེ་བཞིན་གཤེགས་པ་དེས་ཀྱང་སྔོན་བྱང་ཆུབ་སེམས་དཔར་གྱུར་པ་ན་ནོར་བུ་ཆེན་པོ་རྒྱས་པའི་གཞལ་མེད་ཁང
285a3 ཤིན་ཏུ་རབ་ཏུ་གནས་པའི་གསང་བ་འདི་སྒྲུབ་པ་ན་སྨོན་ལམ་འདི་སྐད་ཅེས། བདག་གི་སངས་རྒྱས་ཀྱི་ཞིང་དུ་སྐྱེ་བར་གྱུར་པའི་སེམས་ཅན་གང་ཡིན་པ་དེ་དག་ཐམས་ཅད་ངེས་པར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པར་གྱུར་ཅིག
285a4 ཅེས་སྨོན་ལམ་བཏབ་སྟེ། གང་དག་གཟུངས་འདི་ཉན་པ་དང་། འཆང་བ་དང་། ཀློག་པ་དང་། ཀུན་ཆུབ་པར་བྱེད་པ་དང་། སྒོམ་པ་དང་། འདོན་པ་དང་། སེམས་པ་དང་། སྒྲུབ་པར་བྱེད་པ་དང་། ཆུང་ངུ་ན་མིང་ཉན་པར་བྱེད་དམ། ལག་པས་རེག་གམ།
285a5 ལུས་ལ་འཆང་ངམ། མིག་གིས་མཐོང་བ་ཙམ་མམ། གླེགས་བམ་ལ་བྲིས་པ་འམ། རས་ལ་བྲིས་པ་འམ། རྩིག་པ་ལ་བྲིས་པ་མཐོང་ན་མཚམས་མེད་པ་ལྔ་བྱས་པ་འམ། མནར་མེད་པར་གཞོལ་བ་འམ། དམ་པའི་ཆོས
285a6 སྤངས་པ་འམ། འཕགས་པ་ལ་སྐུར་པ་བཏབ་པ་འམ། ཤན་པ་འམ། གདོལ་པ་འམ། རྔོན་པ་འམ། བྱ་བ་འམ། ལོང་བ་འམ། འོན་པ་འམ། ཤ་བཀྲ་ཅན་ནམ། བཀྲེན་པ་འམ། ཞར་བ་འམ། སྒུར
285a7 པོ་འམ། དམན་པ་འམ། སྔོན་གྱི་ལས་ཀྱིས་འཕངས་པའི་སྒྲིབ་པ་ཅན་ནམ། མྱོང་བར་གྱུར་པར་མ་ངེས་པ་འམ། བདུད་ཀྱི་ཞགས་པས་བཅིངས་པ་འམ། ལྟ་བ་ངན་པར་ལྷུང་བ་འམ། ལོག་འདྲེན་གྱིས་ཟིན་པ་འམ། རྒྱུ
285a8 སྐར་དང་། གཟའི་གནོད་པར་བྱས་པ་དེ་དག་ཐམས་ཅད་ངེས་པར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པར་འགྱུར་རོ། །ཆུང་ངུ་ན་དུད་འགྲོའི་སྐྱེ་གནས་པ་རི་དགས་དང་། བྱ་དང་། སྦྲངས་བུ་མཆུ་རིངས་དང་། ཤ་སྦྲང་དང་།
iiif viewer powered by OpenSeadragon
