| e-texts navigator |
| Wylie |
174b1 བྱས་ཏེ་རང་རང་གི་གནས་སུ་དོང་ངོ་། །དེ་ནས་རྡོ་རྗེ་འཛིན་པས་བྱང་ཆུབ་སེམས་དཔའ་ཕྱག་ན་རྡོ་རྗེ་ལ་རྒྱུད་འདི་འདས་པའི་སངས་རྒྱས་ཐམས་ཅད་ཀྱིས་གསུངས་པ་འདི་ཆོངས་ཤིག་ལྷོགས་ཤིག་ཅེས་གསུངས་སོ། །
174b2 ཡོངས་སུ་གཏད་པའི་ལེའུ་སྟེ་ལྔ་པའོ། །འཇིག་རྟེན་གསུམ་འདུལ་བའི་རྒྱུད་རྫོགས་སྷོ།། །།རྒྱ་གར་གྱི་མཁན་པོ་དཱི་པ~ཾ་ཀ་ར་དང་། ཞུ་ཆེན་གྱི་ལོ་ཙྪ་བ་དགེ་སློང་རིན་ཆེན་བཟང་པོས་བསྒྱུར་བའོ། །
174b3 @##། །རྒྱ་གར་སྐད་དུ། ཏྲི་ས་མ་ཡ་བྱཱུ་ཧཱ་རཱ་ཛཱ་ནཱ་མ་ཏནྟྲཱ། བོད་སྐད་དུ། དམ་ཚིག་གསུམ་བཀོད་པའི་རྒྱལ་པོ་ཞེས་བྱ་བའི་རྒྱུད། འཇམ་དཔལ་གཞོན་ནུར་གྱུར་པ་ལ
174b4 ཕྱག་འཚལ་ལོ། །ཕྱོགས་བཅུའི་འཇིག་རྟེན་གྱི་ཁམས་མཐའ་ཡས་པ་ན་རྣམ་པར་གནས་པའི་སངས་རྒྱས་དང་བྱང་ཆུབ་སེམས་དཔའ་དང་འཕགས་པའི་དགེ་འདུན་ཐམས་ཅད་ལ་ཕྱག་འཚལ་ལོ། །དབུས་དང
174b5 མཐའ་མེད་ཡོན་ཏན་རི་བོ་དཔག་མེད་དང་། །མཆོད་རྟེན་མཐའ་མེད་མཆོད་པ་ཆེན་པོའི་མཆོག་ཏུ་འཁྲུངས། །མཆོད་ཆེན་འཕགས་པའི་འཕགས་པ་ཆེན་པོའི་བདག་།དུས་གསུམ་འཁྲུངས་པའི་བདེར་གཤེགས
174b6 ཚོགས་ལ་ཕྱག་འཚལ་ལོ། །བཅོམ་ལྡན་འདས་དེ་བཞིན་གཤེགས་པས་བྱིན་གྱིས་བརླབས་པའི་ཆོས་ཀྱི་དབྱིངས་ཀྱི་ཕོ་བྲང་རྡོ་རྗེ་ཆེན་པོའི་ཉེ་འཁོར། རྡོ་རྗེ་འཆང་ཆེན་པོ་ཉེ་བར་འདུ་བ། དེ་བཞིན་གཤེགས
174b7 པ་ལྷག་པར་དགྱེས་པས་རྣམ་པར་རོལ་པ། དབུས་དང་མཐའ་མེད་པའི་རྡོ་རྗེ་ཆེན་པོའི་རྩེ་མོ་མཐོན་པོ་རིན་པོ་ཆེའི་རྒྱལ་པོ་རྣམ་པ་སྣ་ཚོགས་ཀྱི་རྒྱུ་ལས་གྱུར་པ། རིན་པོ་ཆེའི་རྒྱལ་པོའི་ཕོ་བྲང་ཆེན་པོའི་མཆོག
174b8 ན་བྱང་ཆུབ་སེམས་དཔའ་ཆེན་པོའི་ཚོགས་ཀྱིས་བསྐོར་བའི་སེང་གེའི་ཁྲི་ལ་བཞུགས་སོ། །དེ་ནས་ཡང་བཅོམ་ལྡན་འདས་ཀྱིས་དེ་བཞིན་གཤེགས་པ་ཐམས་ཅད་ཀྱི་ཡུལ་རྫུ་འཕྲུལ་ཆེན་པོའི་བྱིན་གྱིས་བརླབས
iiif viewer powered by OpenSeadragon
