| e-texts navigator |
| Wylie |
171b1 རིགས་ཀྱི་ནག་པོས་བརྒྱན། །རྒྱན་དང་ཆ་ལུགས་ཚང་བ་ལ། །དབུས་ནས་རིམ་པ་ཅི་བཞིན་དུ། །ོཾ་དང་ཧཱུ~ཾ་མཐའ་པཱ་ཎིའི་སྔགས། །ཕྲེང་བ་བསྣམས་པ་བྲི་བར་བྱ། །ོཾ་གྱིས་རྡོ་རྗེ་ལྟེ་བར་མཚན། །
171b2 ཧཱུ~ཾ་གིས་ཤེས་རབ་ལྕེ་ལ་མཚན། །ཕྱིའི་ལྕགས་རི་དག་ལ་ནི། །ཐབས་དང་ཤེས་རབ་དག་ཀྱང་བྲི། །བསྒྲུབ་བྱ་རྡོ་རྗེ་ལྟེ་བར་བཅའ། །གུར་ཀུམ་གྱིས་ནི་བྲི་བར་བྱ། །ཡར་ངོའི་ཚེས་བརྒྱད་ནས་བཟུང་སྟེ། །བྲིས
171b3 ནས་དེ་ནུབ་ནས་བཟུང་བ། །བཅུ་བཞི་བར་དུ་བསྙེན་པར་བྱ། །བཅཝ་ལྔའི་ནུབ་མོ་བསྒྲུབ་པ་སྟེ། །དཀྱིལ་འཁོར་ཆ་ལུགས་ལྡན་པ་ལ། །ལྷ་སྣམ་སྟེང་དུ་པུས་བཙུགས་ལ། །ཆོ་ག་བཞིན་དུ་བསྐྱེད་པར
171b4 བྱ། །འཁོར་ལོ་དག་ལ་གསང་བྱས་ལ། །འཁོར་ལོ་སྟོང་པ་ཉིད་དུ་བསྒོམ། །སྟོང་པ་ཉིད་ལས་ཧཱུ~ཾ་བྱུང་སྟེ། །དེ་ཞུ་བ་ལས་རྡོ་རྗེ་ནི། །བཛྲ་པཱ་ཎིས་ལྟེ་བར་མཚན། །དེ་ལས་འཕྲོ་དང་འདུས་པ
171b5 ལས། །ཕྱག་ན་རྡོ་རྗེའི་སྐུར་བསྐྱེད་ལ། །དེ་སྙིང་ཟླ་བ་རྡོ་རྗེས་མཚན། །རྡོ་རྗེ་ལྟེ་བར་ཧཱུ~ཾ་མཚན་ལས། །འོད་ཟེར་སྤྲོས་ཏེ་གོས་སྔོན་བསྡུ། །དེ་ལ་མཆོད་པ་སྣ་ཚོགས་མཆོད། །བསྟོད་དང་བདུན་པོ
171b6 བྱས་ནས་ཀྱང་། །འོད་ཟེར་དག་གིས་བཀུག་བྱས་ལ། །རང་སྙིང་རྡོ་རྗེ་ཧཱུ~ཾ་ལ་ཐིམ། །དེ་ལ་མཆོད་བསྟོད་སྣ་ཚོགས་བྱ། །རྡོ་རྗེ་དག་ལས་ཡེ་ཤེས་ཀྱི། །མེ་བྱུང་རྡོ་རྗེ་ཞུ་གྱུར་ནས། །འཁོར་ལོའི་རྣམ་པར
171b7 གྱུར་པར་བསམ། །སྐུ་ནི་སྐུའི་རྣམ་པ་སྟེ། །མཚན་མ་མཚན་མའི་རྣམ་པར་རོ། །ས་དེ་བསྡུས་པ་ཀིར་ཏི་དང་། །བསྲེགས་པའི་ནང་དུ་འཁོར་ལོ་གཞུག་།དེ་ནས་བྱང་ཆུབ་སེམས་དཔའ་ཕྱག་ན་རྡོ་རྗེས
171b8 བསྟོད་པ། སེམས་ཅན་རྣམས་ལ་ཕན་གདགས་ཕྱིར། །སྟོན་པ་ཁྱབ་བདག་རྡོ་རྗེ་འཛིན། །གདུལ་དཀའ་ཐམས་ཅད་འདུལ་བ་ཡི། །བསྲུང་བའི་འཁོར་ལོ་ངོ་མཚར་ཆེ། །འཇིག་རྟེན་གསུམ་འདུལ་བའི
iiif viewer powered by OpenSeadragon
