| e-texts navigator |
| Wylie |
168b1 མི་མཐུན་ནམ་མཁའ་ལྟར་ཡངས་པ། །ལྷུན་གྱིས་གྲུབ་འབྲས་ཕྱི་མ་ཡིན། །ཇི་སྲིད་རྟོག་པའི་དྲི་མ་ཡོད། །དེ་སྲིད་འབད་དེ་རིག་པ་བསྒོམ། །སེམས་སྦྱོང་སྔ་མ་རིག་པ་ཡིས། །རྒྱུད་ཉིད་དུ་ནི་འདོད་པ་ཡིན། །གང་ལ
168b2 སེམས་ནི་དྲི་མེད་པ། །རྟོག་པའི་དྲི་མས་ནག་པོར་བྱས། །དེ་ལ་སྤང་བའི་བློ་མེད་པའོ། །རྟོག་པའི་བློ་ཅན་འཁོར་བ་ཡིན། །དེ་ཕྱིར་ཤཱཀྱའི་རིགས་ཅན་རྣམས། །ས་འོག་ཏུ་རྒྱུ་བའི་ཀླུའི་རྟོག་པ་ལ་སོགས་པ་ཚར་གཅད་པའི་ཕྱིར་སྦྱོར
168b3 བ་རྣམས་ལ་གུས་པར་བྱའོ། །རྡོ་རྗེ་ས་གསུམ་དུ་རྒྱུ་བ་ལས་རྟོག་པ་ལྔ་པ་རྫོགས་སྷོ།། །།དབང་ཕྱུག་དམ་པའི་མངའ་བདག་ཁྲི་སྲོང་ལྡེ་བཙན་གྱི་བཀའ་ཁྲིམས་སུ། དཔལ་དཔེ་མེད་ལྷུན
168b4 གྱིས་གྲུབ་པའི་གཙུག་ལག་ཁང་དུ་རྒྱ་གར་གྱི་མཁན་པོ་ཀུ་མཱ་ར་བཛྲ་དང་། ར་བྱིད་ལོ་ཙྪ་བས་བསྒྱུར་བའོ། ། @#། །རྒྱ་གར་སྐད་དུ། ཨཱརྱ་ནཱི་ལཱ~ཾ་བ་ར་དྷ་ར་བཛྲ་པཱ་ཎི་ཀལྤ་ནཱ་མ་དྷཱ་ར་ཎཱི།
168b5 བོད་སྐད་དུ། འཕགས་པ་ལག་ན་རྡོ་རྗེ་གོས་སྔོན་པོ་ཅན་གྱི་ཆོ་ག་ཞེས་བྱ་བའི་གཟུངས། དཀོན་མཆོག་གསུམ་ལ་ཕྱག་འཚལ་ལོ། །གནོད་སྦྱིན་སྡེ་དཔོན་ཆེན་པོ་ལག་ན་རྡོ་རྗེ་གོས་སྔོན་པོ
168b6 ཅན་སངས་རྒྱས་གང་གཱའི་ཀླུང་གི་བྱེ་མ་སྙེད་ཀྱིས་རྗེས་སུ་གནང་བ། མཆེ་བ་གཙིགས་པ་དང་འཚམ་པ། མིག་མེ་མདག་གི་ཕུང་པོ་འདྲ་བ། དབུགས་མེ་ལྕེ་ལྟར་འབར་བ།
168b7 འཇིགས་པའི་ང་རོ་ཅན། ལག་པ་དང་རྐང་པ་ཀླུ་ནོར་རྒྱས་ཀྱི་བུས་བརྒྱན་པ་ཀླུ་ནག་པོ་སེ་རལ་ཁར་ཐོགས་པ། ཀླུ་དགའ་བོ་དང་ཉེ་དགའ་བོ་འབར་བས་རྣ་ཆ་བྱས་པ། སྦྲུལ་འབར
168b8 བ་རིན་པོ་ཆེའི་ཅོད་པན་ཐོགས་པ། སྦྲུལ་གདུག་པ་འབར་བ་ཟ་བ། བཞིན་རྒྱས་པ། སྨིན་མ་དང་དཔྲལ་བ་བསྡུས་པ་ཡ་སོས་མ་མཆུ་མནན་པ། གཤིན་རྗེའི་ཆ་བྱད་ཅན།
iiif viewer powered by OpenSeadragon
