| e-texts navigator |
| Wylie |
168a1 བླ་མའི་གནང་བྱའོ། །ལུས་སོགས་རིག་པའི་དབང་བསྐུར་ནས། །མེ་དང་རླུང་སོགས་འབྱུང་བ་དང་། །ནད་དང་གདོན་དང་བྱད་རྣམས་དང་། །བདུད་ཀྱིས་གླགས་ནི་རྙེད་མི་འགྱུར། །མེ་ལྕེ་ཕྲེང་བའི་རྟོག་པ་ལས། །བཤད་པའི་འཆི
168a2 བའི་སྦྱོར་བྱུང་ན། །སེར་སྣ་འདི་ནི་ཕ་རོལ་འཕང་། །སྨོན་ལམ་ལམ་སྣ་ལ་བརྟེན་ནས། །འདི་འོག་བྱང་ཆུབ་སེམས་དཔའ་ནི། །འགྲོ་བ་སྨིན་པའི་བླ་མར་འགྱུར། །ཡང་ན་སྲིད་པ་བར་མ་དོར། །སྔགས་ཀྱིས་རྣམ་ཤེས་གཟི་བསྐྱེད་ནས། །
168a3 འགྲོ་ཕན་རིག་པ་འཛིན་གྱུར་ནས། །དེ་ཡི་འོག་ཏུ་སེམས་དཔའ་འོ། །ཐ་མ་འང་ལམ་ལ་བརྟེན་ནས་ནི། །རང་འདོད་པ་ཡི་ལུས་རྙེད་ནས། །སྔ་མ་ལམ་སེལ་དེ་འོག་ཏུ། །དངོས་གྲུབ་ལ་ནི་རྣམ་པར་གནས། །ལྷ་དང་སྔགས་སོགས་རྟོགས
168a4 པ་དེས། །རྟོག་པ་དམན་པ་མནན་པ་ཡིན། །ནམ་མཁའ་ལྟ་བུར་རྟོག་མེད་ལ། །འཇིག་རྟེན་ངོར་ནི་རྟོག་པས་སྤྲུལ། །གདུལ་བྱ་སྡང་སོགས་སེམས་འཁྲུགས་ལ། །ང་ནི་སྙིང་རྗེས་སྡང་བར་མཛད། །ཁྲོ་སོགས་བསལ་དུ་མེད་གྱུར་ན། །
168a5 ཁྲོ་བོར་ད་ནི་ཅི་ཕྱིར་འགྱུར། །དང་པོ་རྣལ་འབྱོར་འཚེ་བ་བཅོམ། །དེ་ཕྱིར་རིག་སྔགས་སྦྱོར་བ་རྣམས། །རྒྱུད་ཀུན་དུ་ནི་གསུངས་པ་ཡིན། །འཚེ་བ་བཅོམ་ནས་དག་པ་ནི། །སེམས་དག་པ་ནི་བདེ་བ་ཡིན། །གདུག་པའི་སྦྱོར་བ་ཕྲོགས
168a6 པས་ན། །བདེ་བར་བྱང་ཆུབ་ལམ་བརྟེན་ལ། །རྡོ་རྗེ་སྐུ་ཉིད་འགྱུར་མེད་ལ། །བདག་གིས་རིག་པའི་ཡེ་ཤེས་དེ། །ལུས་ཅན་དེ་ཡི་འབྲས་བུའོ། །ཇི་ལྟར་ཤེལ་ནི་འཛམ་བུ་ཀའི། །མེ་ཏོག་གིས་ནི་གཞན་དུ་སྣང་། །དེ་བཞིན་རྟོག
168a7 མེད་རིག་པ་ཡང་། །ཁྲོ་བོའི་དབང་ཕྱུག་འདིར་སྣང་ནས། །ཇི་ལྟར་འདུལ་འགྱུར་སྤྲུལ་པ་ཡིས། །རྒྱུན་མི་འཆད་པར་ཁྲོ་བོར་སྣང་། །སྙིང་རྗེ་མེད་ན་འབྲས་བུ་ཉམས། །འགྲོ་ལ་ཕན་བཏགས་གནོད་བསལ་ན། །རང་སེམས
168a8 དག་པས་འབྲས་བུ་འགྲུབ། །རྒྱུ་དང་འབྲས་བུའི་སྒྲིབ་པ་རྣམས། །བྱང་ཆུབ་སེམས་ཀྱིས་རིང་དུ་སྤང་། །འདི་ནི་འཁོར་བ་འཇིག་པར་ངེས། །བརྟན་དང་གཡོ་བའི་སྒྲིབ་པ་རྣམས། །བློ་མཉམ་དུས་ན་གཉེན་པོ་དང་། །
iiif viewer powered by OpenSeadragon
