| e-texts navigator |
| Wylie |
167b1 སྨྱུང་བར་གནས་ཤིང་ཆུས་དཀྲུས་དཀར་གསུམ་དག་དང་གཙང་བའི་ཟས་ཟ་ཞིང་། །ངག་གི་རླུང་བསྡམས་དད་དང་སྙིང་རྗེས་ཡིད་བརླན་རྟག་ཏུ་བརྩོན་པར་འཇུག་།བསམ་གཏན་ཁང་པ་མདོག་ནི་སྔོ་བསྒྱུར་བ་ལྕི་དྲི་ཞིམ་ཆུ་ཡིས་བྱུགས། །དཀར་དང་སྔོ་བའི
167b2 མེ་ཏོག་བཀྲམ་ལ་སྐུ་གདུང་བླ་མ་མདུན་བཞག་ལ། །ཆོ་རིས་བཙུན་པའི་སྒྲུབ་པོས་གོས་དཀར་བགོས་ལ་ཀུ་ཤའི་སྟན་ལ་འདུག་།སྙིང་རྗེས་ཁྲོས་པའི་རིག་སྔགས་དམ་པ་དག་ཅིང་མཛེས་པར་བཟླས་པར་བྱ། །རུ་དྲཱ་ཀྵ་ཡི་བགྲང་ཕྲེང་བརྒྱ
167b3 ཕྱེད་བྱིན་གྱིས་བརླབས་ལ་ལག་གཡས་གཟུང་། །ཕྲེང་བའི་རི་ལུ་རེ་དང་ལྷ་རེ་སྔགས་རེ་བཅས་ནས་སྙིང་གར་གཟུང་། །རྣལ་འབྱོར་འདི་རྣམས་རྣམ་པར་དཔྱད་ཅིང་འགྲོ་ལ་འཇུངས་པའི་སེམས་ལྡན་པས། །བདག་དང་གཞན་ལ་ཕན་པའི་ཕྱིར་དུ་རྟོག་པ
167b4 བཤད་པ་བྱས་པ་ཡིན། །རྡོ་རྗེ་ས་འོག་ཏུ་རྒྱུ་བ་ལས་རྟོག་པ་བཞི་པའོ།། །། དབྱར་ཁ་སྐྱེས་པའི་རྩཝ་དང་ནགས་ཚལ་ལས་བྱུང་མེ་མཆེད་ལྟར། །རླུང་གིས་གྲོགས་བྱས་བསྲེགས་ནས་ཐལ་བའི་ལྷག་མ་འང་མ་ལུས་བཞིན། །བསྐལ
167b5 པ་དཔག་མེད་སྐྱེས་པའི་རྟོག་པའི་དྲི་མའི་རྨ་རྣམས་ལ། །བསྲུང་བ་དད་དང་བརྩོན་འགྲུས་སྔགས་བཟླས་སེམས་དག་མེ་ཡིས་བསྲེག་།ཉི་མའི་སྙིང་པོ་འཛམ་བུའི་གླིང་གི་དབུས་སུ་རིགས་བཟུང་སྟེ། །སྐྱེས་པ་དང་ནི་བུད
167b6 མེད་དབང་པོ་སྐྱོན་མེད་ཚུལ་ཁྲིམས་ཅན། །སྐྱེ་བ་སྔ་མའི་ལ~ཾ་ཤུགས་དག་དང་བླ་མའི་ལུང་ཐོབ་པ། །དད་དང་སྙིང་རྗེའི་སེམས་ཅན་གཏོང་བའི་བློ་དང་ལྡན་པ་དེས། །རིག་པའི་ཁྲོ་བོ་བསྒོམ་དང་དེ་རྗེས་དེ་ནི་བཟླས་འབད་ན། །
167b7 བསྟོད་དང་མཆོད་མཉེས་བྲན་གཡོག་ལྷ་མིན་གསང་བ་བརྙས་མེད་ཅིང་། །ཆུ་ཡི་མཆོད་སྦྱིན་འཁོར་ལོ་དག་དང་གཏོར་མ་ལ་བརྩོན་ཞིང་། །སྦྱིན་སྲེག་རྣམས་ཀྱིས་ལྷ་དང་བྲན་གཡོག་མཉེས་བྱས་ནས། །
167b8 རིང་པོར་མི་ཐོགས་བསྒྲུབ་པ་པོ་དེས། །རྟགས་དང་ཕྱག་རྒྱ་འབྱིན་པར་འགྱུར། །འདིར་ནི་མང་དུ་སྨྲ་མི་དགོས། །སྔར་ནི་རྡོ་རྗེ་ས་འོག་ཏུ། །བཤད་པའི་མཚན་མ་སྟེར་བར་འགྱུར། །ཟངས་ལྕགས
iiif viewer powered by OpenSeadragon
