| e-texts navigator |
| Wylie |
165b1 ལས་ངན་རྒྱུ་གཅོད་བཅོས་མ་ཡིན། །ལས་ངན་དག་པའི་རང་བཞིན་དུ། །ཁྲོས་པས་དམིགས་པར་མི་འགྱུར་ཏེ། །སྦྱོར་བ་རྣམས་ནི་བཅོས་མར་འགྱུར། །བྱང་ཆུབ་བཅོས་མེད་འབད་སྤངས་པའོ། །རྡོ་རྗེ་ས་འོག་ཏུ་རྒྱུ་བ་ལས
165b2 རྟོག་པ་གཉིས་པའོ། ། །། དེ་ནས་ཁམས་གསུམ་རྣམ་རྒྱལ་པོ། །སྔར་ནི་སྤྲུལ་པ་བཅུ་དྲུག་པོས། །རྟོག་པ་བཅུ་ཕྲག་དང་བཞི་ཡང་། །གཉིས་ཀྱིས་རིག་པ་འཇོམས་བྱེད་འདིར། །སྤྲུལ་པ་བརྒྱད་དུ་བསྡུས་པ་དང་། །
165b3 བདག་ཉིད་གཅིག་པུ་བསྒོམ་པ་འང་གསུངས། །ནམ་མཁའི་ཁམས་སུ་འབྱུང་བཞི་བསམ། །རི་རབ་ལྷུན་པོ་ཧྲཱི་ཡིག་ལས། །པད་མ་འདབ་གྲངས་ལྟེ་བ་ལ། །ཟླ་བའི་དཀྱིལ་འཁོར་རྫོགས་པའོ། །ཧཱུ~ཾ་ལས
165b4 བྱུང་བའི་ཁྲོ་བོ་ནི། །ཞལ་གཅིག་ཕྱག་བཞི་ན་བཟའ་སྔོ། །རྡོ་རྗེ་དྲིལ་བུ་མདའ་གཞུ་འགེངས། །སྦྲུལ་དང་མི་སྡུག་མགོས་བརྒྱན་ཅིང་། །སྟག་ལྤགས་སྨད་དཀྲིས་འཇིགས་སེལ་བ། །ཁྲོ་བོ་རྣམ་རྒྱལ་བསྒོམ
165b5 པར་བྱ། །ཐུགས་ཀའི་ཧཱུ~ཾ་གི་སྦྱོར་བ་ཡིས། །ཤར་ལ་སོགས་པའི་ཕྱོགས་མཚམས་སུ། །འཇིག་རྟེན་གསུམ་འདུལ་རིན་ཆེན་དང་། །འཇིག་རྟེན་གསུམ་འཆིང་པད་མ་དང་། །འཇིག་རྟེན
165b6 གསུམ་འཇིག་ལས་ཉིད་དག་། གཡས་རྣམས་རང་མིང་མཚན་མ་ལ། །གཡོན་རྣམས་གདུག་པ་བསྡིགས་པའོ། །བདུད་རྩི་འཁྱིལ་དང་དབྱུག་སྔོན་དང་། །མི་གཡོ་བ་དང་རྟ་མགྲིན་ཁྲོ། །རྡོ་རྗེ་དང
165b7 ནི་དབྱུག་པ་དང་། །རལ་གྲི་པད་མ་གཡས་རྣམས་སོ། །གཡོན་པ་གདུག་པ་བསྡིགས་པའོ། །བརྒྱད་ཀྱི་དབུས་ན་ཁྲོ་བོ་བདག་།འཇིག་རྟེན་གསུམ་གྱི་འཁྲུལ་པ་སྦྱོང་། །དབྱུག་པ་ནག་སོགས་ཕོ་ཉ་བཞི། །
165b8 སྐུ་མདོག་མཚན་མས་བརྒྱན་པ་ཁྲོས། །ལྕགས་ཀྱུ་ལ་སོགས་སྒོར་གནས་པ། །ཁྲོ་བོའི་འཁོར་ལོ་འཇིགས་སེལ་བསྒོམ། །གཙོ་བཅས་རིག་པའི་ཁྲོ་བོ་ཀུན། །རྒྱུ་མའི་ཕྲེང་བས་དོ་ཤལ་བྱས། །གོས་སྔོན་ཅན་ལ་སྟག་ལྤགས་དཀྲིས། །
iiif viewer powered by OpenSeadragon
