| e-texts navigator |
| Wylie |
164b1 ཁྲོ་བོ་བསྒོམ་པར་བྱ། །དང་པོར་སྟོང་ཉིད་རྣམ་བསམས་ལ། །ལུས་ཅན་རྣམས་ཀྱི་དྲི་མ་བཀྲུ། །རང་གི་སྙིང་གར་དབྱངས་ཡིག་ནི། །དང་པོ་ལས་བྱུང་ཟླ་བ་ལ། །ཧཱུ~ཾ་ཡིག་སྔོན་པོ་རྣམ་པར་བསྒོམ། །རང་གི་འདུས
164b2 འདྲའི་འོད་འཕྲོས་ནས། །སེམས་ཅན་དྲི་མ་རྣམ་བསལ་ཏེ། །སྐུར་གྱུར་སྙིང་པོ་བསྡུ་བར་བྱ། །ཧཱུ~ཾ་ཡང་རྡོ་རྗེ་སྔོན་པོར་གྱུར། །སྔོན་བཞིན་སྤྲོ་དང་བསྡུ་བྱས་ལ། །སྐུ་མདོག་སྔོན་པོ་ཆེར་འབར་བ། །རབ་ཏུ་དྲེགས་པས་ཁྲོས
164b3 པའོ། །རི་བོང་འཛིན་པའི་སྟེང་དུ་ནི། །བདེ་བར་གཡོན་བརྐྱང་གར་གྱིས་བཞུགས། །བརྒྱད་གཉིས་ལོན་པའི་ཉམས་ཚུལ་ཅན། །དྲག་ཅིང་ཁྲོས་པའི་རོ་དང་ལྡན། །བྲང་འགྲོ་བརྒྱད་པོས་སྐུ་ལ་བརྒྱན། །ཞལ་གཅིག་པ
164b4 ལ་ཕྱག་གཉིས་པ། །རང་གིས་རྡོ་རྗེ་བསྣམས་པ་ནི། །བསྣུན་པའི་ཚུལ་དུ་འཛིན་པ་དང་། །གཡོན་པ་བསྡིགས་པའི་མཛུབ་མོ་ཅན། །ན་བཟའ་སྔོན་པོའི་ཤམ་ཐབས་འཛིན། །སྤྱན་མིག་དམར་ཞིང་མཆེ་བ་གཙིགས། །དབུ་སྐྲ་ཉི
164b5 མའི་འོད་འདྲ་བ། །སྟེང་དུ་བཅིངས་དབུས་ཅོད་པན་ལྡན། །ཞལ་ནས་ཧཱ་ཧཱའི་གད་རྒྱངས་ལྡན། །ཁྲོ་བོའི་བདག་པོ་འཇིགས་པར་བྱེད། །ལོག་འདྲེན་ལ་སོགས་འཇོམས་མཛད་པ། །དེ་འདྲར་བདག་ཉིད་རབ་བསྒོམས་ལ། །
164b6 དེ་ནས་བདག་ཉིད་སྙོམས་འཇུག་པ། །དེ་ཡི་སྙིང་གར་ཉི་མ་ལ། །རང་གི་ཆོས་ཀྱི་ཡི་གེ་ལས། །ཁྲོས་པས་ཡང་ཡང་སྤྲོས་མཛད་ཅིང་། །དེ་དང་ལྷན་ཅིག་བསྒོམ་པར་བྱ། །སྔགས་དང་ཕྱག་རྒྱ་བཅས་པ་ཡིས། །དེ་བཞིན
164b7 དུ་ཡང་དབང་བླང་ཞིང་། །རྡོ་རྗེ་ཧཱུ~ཾ་མཛད་ཏིང་འཛིན་གནས། །གདུག་པའི་སེམས་ཅན་འཛིན་བྱེད་ཅིང་། །འོད་ཟེར་འབྱུང་བ་སྣ་ཚོགས་ཀྱིས། །རིམས་དང་གདོན་དང་དུག་སོགས་བཟའ། །རྡོ་རྗེ་ས་འོག་ཏུ་རྒྱུ་བ་ལས
164b8 རྟོག་པ་དང་པོའོ། ། །། དེ་ནས་སྤྱན་སོགས་སྐྱེ་མཆེད་ལ། །ཧཱུ~ཾ་བྱུང་ཁྲོ་བོ་བསྒོམ་པར་བྱ། །སྐུ་སོགས་གསུམ་ལ་རྡོ་རྗེ་གསུམ། །བསྒོམ་པ་འདི་ནི་དབང་བྱེད་པའོ། །དང་པོ་ཞི་བས་ཞི་བར་བྱ། །ཀླུ་ལ་སོགས
iiif viewer powered by OpenSeadragon
