| e-texts navigator |
| Wylie |
164a1 སྦྱོར་བ་ཡིས། །རྟོག་པས་རྟོག་པ་འཇོམས་པའི་ལམ། །རྟོག་པ་མེད་པའི་རིག་པ་ཡིས། །ཁྲོ་བོའི་དབང་ཕྱུག་ཞི་བ་བརྙེས། །དང་པོ་ཕྱག་འཚལ་དེ་འོག་ཏུ། །བཞི་པ་ཡི་ནི་ལྔ་པ་ལན། །དབྱངས་ཡིག
164a2 གསུམ་པས་མཛེས་པར་བྱས། །དྲུག་པའི་གསུམ་པ་བླང་བྱས་ལ། །འོག་ཏུ་དབྱངས་ཀྱི་གཉིས་པས་བརྒྱན། །དེ་ལ་ཟླ་ཕྱེད་དང་ཐིག་ལེ། །ལྔ་པའི་བཞི་པ་ཉིད་དང་ནི། །དྲུག་པའི་གཉིས་པར་ཉིད་དང
164a3 ཡང་། །བཞི་པའི་བཞི་པ་ཡང་དེ་བཞིན། །ཡང་ནི་མེ་ཡི་ས་བོན་དང་། །ལྔ་པ་ཡི་ནི་གསུམ་པ་དང་། །གཉིས་པ་ཡི་ནི་གསུམ་པ་ཡི། །འོག་ཏུ་མེ་ཡི་ས་བོན་ནོ། །ལྔ་པའི་དང་པོ་ཉིད་དང་ཡང་། །གསུམ
164a4 པའི་སྡེ་པ་ལྔ་པ་ལ། །དབྱངས་ཡིག་གསུམ་པས་བརྒྱན་པ་དང་། །དེ་ནས་རྡོ་རྗེ་སེམས་དཔའ་འདོད། །ལག་ན་རྡོ་རྗེའི་སྙིང་པོའོ། །ལྔ་པ་ཡི་ནི་གཉིས་པ་ལ། །གསུམ་པའི་དང་པོ་མཐར་བཞག་པ། །འདི
164a5 རྣམས་རིག་སྔགས་དབང་བྱེད་པ། །གང་གཱ་ཀླུང་བཅུའི་བྱེ་སྙེད་ཀྱི། །སངས་རྒྱས་ཁྲོ་བོ་བྱང་ཆུབ་སེམས། །འབྱུང་པོར་བཅས་པ་འགུགས་མཛད་དོ། །རིག་སྔགས་རྣམས་ནི་ལྷ་ཉིད་དེ། །སྟོང་དང་སྙིང
164a6 རྗེ་འདྲེས་པ་ཡི། །ལྷ་འདི་སྙིང་གའི་སྦྱོར་བ་རུ། །ལེགས་པར་བཞག་པ་བསམ་པར་བྱ། །ལུགས་སུ་བྱུང་དང་བཟློག་པ་ཡི། །སྔགས་འདི་བཟླས་དང་བྲི་བར་བྱ། །ཕཊ་ཧཱུ~ཾ་ཎི་བཱཛྲ་བ་ར་དྷ་ར་བ་ལཱ~ཾ་ནཱི་ཨོཾ།
164a7 རིག་སྔགས་འབུམ་ཕྲག་བཟླས་པ་དང་། །ཡི་གེ་རེ་ལ་འབུམ་ཕྲག་དང་། །དེ་ལས་ལྷག་པའི་སྦྱོར་བ་ཡིས། །སྒྲུབ་པ་པོ་ཡི་བསམ་པ་ནི། །ཞི་དང་རྒྱས་དང་དབང་དགུག་དང་། །བསྐྲད་དང་དབྱེ་རིངས
164a8 བསད་པ་དང་། །ལས་ནི་གང་གང་འདོད་པ་དེས། །སྙིང་གར་སྦྱོར་བ་རིམ་བཞིན་བསྒྲུབ། །ལུས་གཙང་སྙིང་རྗེར་ལྡན་པ་ཡིས། །རང་ལུས་ལྷ་དང་བླ་མ་ལ། །ཕྱག་སོགས་བྱ་བ་སྔོན་འགྲོ་བས། །རིག་པའི
iiif viewer powered by OpenSeadragon
