| e-texts navigator |
| Wylie |
163a1 པས་ཚིག་ཐོགས་པ་མེད་པར་འགྱུར་རོ། །པྲི་ཡང་ཀུའི་མེ་ཏོག་ཁ་མ་བྱེ་བ་ཁྲི་སྦྱིན་བསྲེག་བྱས་ན། ཉིན་གཅིག་བཞིན་ཀར་ཤ་པ་ཎི་ལྔ་ལྔ་རྙེད་པར་འགྱུར་རོ། །ཅི་སྟེ་ཐམས་ཅད་གཉིད་ཀྱིས་ལོག་པར་བྱེད་འདོད་ན་གྲོང་ཁྱེར
163a2 གྱི་བདག་པོའི་ལྷའི་གཟུགས་རི་མོར་བྲིས་པ་བྲིས་ལ། སྐེ་ཚེའི་སྦྱིན་སྲེག་བྱས་ལ་དེའི་ཐལ་བ་ཐོགས་ལ་གྲོ་ཁྱེར་དུ་སོང་སྟེ་གཏོར་ན་དེ་དག་ཐམས་ཅད་གཉིད་ཀྱིས་ལོག་ཅིང་འདུག་པར་འགྱུར་ཏེ་ཅི་འདོད་པ་བྱེད་དོ། །གྲོང་ཁྱེར་ལ་ཇི
163a3 ལྟ་བ་བཞིན་དུ་ཡུལ་ལ་ཡང་དེ་བཞིན་དུ་བྱའོ། །མཚེའུ་སྐམས་པར་འདོད་པས་སྐེ་ཚེའི་སྲེག་བླུགས་རང་གི་ཁྲག་དང་སྦགས་པ་ཁྲི་སྦྱིན་སྲེག་བྱས་ལ་དེའི་ཐལ་བ་བླངས་ཏེ། མཚེའུ་དེར་གཏོར་ན་མཚེའུ་སྐམས་པར་འགྱུར་ཏེ། དེ་ན་གནས་པའི་ཀླུ་རྣམས་ཀྱིས་ཅི་འདོད་པ་བཞིན་དུ་རིན
163a4 པོ་ཆེ་རྣམས་འབུལ་ལོ། ། བ་མར་གའི་ཡམ་སྲེག་ཤིང་འབུམ་སྦྱིན་སྲེག་བྱས་ན་ལྷ་མོ་དཔལ་མཐོང་བར་འགྱུར་ཏེ། ས་ཙ་རཱ་ཛྱ་མ་པྲ་ཡཙྪ་ཏི། བིལ་བའི་འབྲས་བུ་སྟོང་རྩ་བརྒྱད་སྦྱིན་སྲེག་བྱས་ན་རྒྱལ་པོ་ཆེན་པོའི་མདུན་ན་འདོན་དུ
163a5 འགྱུར་རོ། །མྱ་ངན་འཚང་གི་ཡམ་སྲེག་ཤིང་འབུམ་སྦྱིན་སྲེག་བྱས་ན་རྐང་བཞི་པ་ཐམས་ཅད་དབང་དུ་འགྱུར་རོ། །སྣ་མའི་མེ་ཏོག་འབུམ་སྦྱིན་སྲེག་བྱས་ན་རྒྱལ་པོའི་ཕོ་བྲང་འཁོར་དུ་ཚིག་གཟུང་འོས་པར་འགྱུར་རོ། །སྣ་མའི་མེ
163a6 ཏོག་འབུམ་སྦྱིན་སྲེག་བྱས་ན་བུད་མེད་ཐམས་ཅད་དབང་དུ་འགྱུར་རོ། །སྐེ་རྩེའི་སྡོང་བུའི་ཡམ་སྲེག་ཤིང་སྦྲང་རྩི་ལ་སྨྱུགས་པ་བརྒྱ་སྦྱིན་སྲེག་བྱས་ན་གདོན་ཐམས་ཅད་དེ་ལ་ཞི་བར་བྱེད་པར་འགྱུར་རོ། །འབྲས་ཀྱི་འོ་ཐུག་དང་སྦྲང་རྩི
163a7 འབབ་ཆུའི་ནང་དུ་གཏོར་ན་ཀླུ་མོ་ཐམས་ཅད་དེའི་དབང་དུ་འགྱུར་ཏེ་རང་རང་གི་གནས་སུ་ཡང་ཁྲིད་པར་བྱེད་དོ། །ལོག་འདྲེན་བསྒྲུབ་པར་འདོད་ན་ཨ་ཏི་མུཀྟ་ཀའི་མེ་ཏོག་འབུམ་གཏོར་ན་ལོག་འདྲེན་ཐམས་ཅད་དངོས་གྲུབ་སྦྱིན
163a8 པར་བྱེད་དོ། ། ཤྭཏྠའི་ལོ་མ་སྦྲང་རྩི་ལ་སྨྱུགས་པ་སྟོང་རྩ་བརྒྱད་སྦྱིན་སྲེག་བྱས་ན་གནོད་སྦྱིན་མོ་ཐམས་ཅད་རིག་སྔགས་འཆང་དེ་ལ་ཉིན་གཅིག་བཞིན་སྣོད་གང་བ་ཅི་འདོད་པ་འབུལ་ལོ། །རྨ་བྱའི་སྒྲོ་སྟོང་རྩ་བརྒྱད
iiif viewer powered by OpenSeadragon
