| e-texts navigator |
| Wylie |
162a1 མྱ་ངན་འཚང་གི་མེ་ཏོག་ཁ་མ་བྱེ་བ་ཁྲི་སྦྱིན་བསྲེག་བྱས་ན་གནོད་སྦྱིན་མོ་ཐམས་ཅད་འགྲུབ་པར་འགྱུར་ཏེ་ཉིན་གཅིག་བཞིན་གཡོག་ལྔ་བརྒྱའི་གོས་ཟས་འབུལ་ལོ། །ཅི་སྟེ་གནོད་སྦྱིན་མོ་དབང་དུ་བྱ་བར་འདོད་ན།
162a2 ཨ་ག་རུའི་ཡམ་སྲེག་ཤིང་འབུམ་སྦྱིན་སྲེག་བྱས་ན་གནོད་སྦྱིན་མོ་ཐམས་ཅད་དབང་དུ་འགྱུར་ཏེ་དེ་དག་ཅི་འདོད་པ་བཞིན་སྒྲུབ་བོ། ཅི་སྟེ་ལག་ན་རྡོ་རྗེ་བསྒྲུབ་པར་འདོད་ན་རི་མོའི་སྐུ་གཟུགས་ཀྱི་མདུན་དུ་བཞི་འབུམ་བཟླས་བརྗོད་བྱས་ལ། ཐ
162a3 མར་ཟླ་བ་ཉ་ལ་ཨུཏྤ་ལའི་མེ་ཏོག་ཅི་འབྱོར་པས་མཆོད་པ་བྱས་ཏེ་མཚན་རངས་བཟླས་བརྗོད་བྱས་ན་ནང་པར་རམ་ཉི་མ་ཤར་ན་ལག་ན་རྡོ་རྗེ་འོངས་ཏེ། འོངས་ནས་རིག་སྔགས་འཆང་གི་མགོ་ལ་རེག་པར་བྱེད་དེ་རེག་པ་ཙམ་གྱིས་མངོན་པར
162a4 ཤེས་པ་ལྔ་དང་ལྡན་པར་འགྱུར་རོ། །རིག་སྔགས་འཆང་ཉིད་དམ་གཞན་ཅི་ཡང་རུང་བ་ཞིག་ཀྱང་རྙེད་པར་འགྱུར་རོ། །དེས་ཅི་འདོད་པ་ཐམས་ཅད་རྙེད་པར་འགྱུར་རོ། །ཕྱག་ན་རྡོ་རྗེའི་གཟུགས་ཀྱི་མདུན་དུ་ཤིང་ཀིང་ཤུ་ཀའི་མེ་ཏོག་འབུམ
162a5 ཕུལ་ན་ཏི་ན་ར་སྟོང་རྙེད་པར་འགྱུར་རོ། །ཕྱག་ན་རྡོ་རྗེའི་གཟུགས་ཀྱི་ལག་པ་ནས་བཟུང་སྟེ་ཟླ་བ་གཅིག་བཟླས་བརྗོད་བྱས་ན་ཉིན་གཅིག་བཞིན་ཏི་ན་ར་རེ་རེ་སྦྱིན་པར་བྱེད་དོ། །ཕྱག་ན་རྡོ་རྗེའི་གཟུགས་པད་མའི་འདབ་མའི་སྟེང
162a6 དུ་བཞག་སྟེ། སྣ་མའི་མེ་ཏོག་ཁྲི་ཕུལ་ན་ཉིན་གཅིག་བཞིན་ཀར་ཤ་པ་ཎི་རེ་རེ་སྦྱིན་པར་བྱེད་དོ། །ཟླ་བ་གཅིག་ཏུ་ནམ་ཕྱེད་ན་ལངས་ཏེ་ཉིན་གཅིག་བཞིན་གི་ཝང་གིས་དཀྱིལ་འཁོར་བྱས་ལ་བཅོམ་ལྡན་འདས
162a7 མ་བཟླས་བརྗོད་བྱས་ན་ལས་ཐམས་ཅད་ནུས་པར་འགྱུར་རོ། །བགེགས་རྣམས་ཀྱང་མི་འཚེ་བར་འགྱུར་རོ། །ཟླ་བ་གཅིག་ཏུ་ཙན་དན་དམར་པོས་དཀྱིལ་འཁོར་བསྐུས་ལ་བཅོམ་ལྡན་འདས་མ་བཟླས་བརྗོད་བྱས
162a8 ན་ཤ་ཟ་ཐམས་ཅད་དབང་དུ་འགྱུར་ཏེ་ཅི་འདོད་པ་དེ་བྱེད་དོ། །རང་གི་ཁྲག་གིས་དཀྱིལ་འཁོར་བསྐུས་ཏེ། ཟླ་བ་གཅིག་ཏུ་བཟླས་བརྗོད་བྱས་ན་མཁའ་འགྲོ་མ་ཐམས་ཅད་དབང་དུ་འགྱུར་ཏེ་ཅི་འདོད་པ་བྱེད་དོ། །ཤུ་དག་དཀར
iiif viewer powered by OpenSeadragon
