| e-texts navigator |
| Wylie |
161b1 ན་བུད་མེད་གང་འདོད་པ་དེ་རྙེད་པར་འགྱུར་རོ། ། ཏི་མུཀྟ་ཀའི་མེ་ཏོག་ཁྲི་ཕུལ་ན་ལུས་ལ་ནད་ཅི་ཡོད་པ་ཐམས་ཅད་བྱབས་པས་མེད་པར་འགྱུར་ཞིང་ཕྱིས་མི་ལྡང་ངོ་། །ཚེ་རིང་བར་ཡང་འགྱུར་རོ། །ལུས་ལ་སྐལ་བ་བཟང་པོ་འབྱུང་བར་འགྱུར་རོ། །
161b2 ལོ་བརྒྱ་འཚོ་བར་འགྱུར་རོ། །ཅི་སྟེ་ཕ་རོལ་གྱི་དམག་གཞིག་པར་འདོད་ན་འཛུབ་མོ་ལ་ལན་བདུན་སྔགས་ཏེ་བསྡིགས་ན་དམག་འབྲོས་པར་བྱེད་དོ། །འཐབ་པར་འདོད་ན། འུག་པའི་སྒྲོས་སྦྱིན་བསྲེག་བྱས་ན་ཆེར་འཐབ་པར་འགྱུར་རོ། །དགྲ་ཕུང
161b3 བར་བྱེད་པར་འདོད་ན་སྐེ་ཚེ་འབུམ་སྦྱིན་སྲེག་བྱས་ན་དགྲ་སྲོག་དང་བྲལ་བར་འགྱུར་རོ། །རྒྱ་ཤུག་གི་འབྲས་བུ་ཚ་བ་གསུམ་གྱི་མར་དུ་སྨྱུགས་པ་ཁྲི་སྦྱིན་སྲེག་བྱས་ན་བགེགས་ཐམས་ཅད་ཀྱིས་མི་གཙེ་བར་འགྱུར་རོ། །བ་རུ་རའི་འབྲས་བུ་ཡུངས
161b4 ཀར་གྱི་མར་དུ་སྨྱུགས་པ་སྟོང་རྩ་བརྒྱད་སྦྱིན་སྲེག་བྱས་ན་ཉི་མ་ལྔས་དགྲ་ཕུང་བར་འགྱུར་རོ། །དབང་དུ་བྱ་ན་འབྲས་སཱ་ལུའི་ཕྱེ་ལས་གཟུགས་བྱས་ལ་བཏུབ་ཅིང་སྦྱིན་སྲེག་བྱས་ན་ཞག་བདུན་གྱིས་བརྒྱ་བྱིན་ཡང་དབང་དུ་འགྱུར
161b5 རོ། །ཀ་ར་བཱི་རའི་མེ་ཏོག་ཁ་མ་བྱེ་བ་སྦྱིན་སྲེག་བྱས་ན་གནོད་སྦྱིན་མོ་དབང་དུ་འགྱུར་རོ། །སྣ་མའི་ལོ་མ་སྦྱིན་སྲེག་བྱས་ན་གང་འདོད་པ་དེ་སྨྱོ་བར་བྱེད་དོ། །ཛི་ཏི་ཀ་ལི་ཀ་ན་ན་ལ་ཀྵ~ཾ་ཛུ་ཧུ་ཡ་ད་རཱ་ཛཱ
161b6 ན~ཾ་བ་ཤི་ཀ་རོ་ཏི་ཨ་དྷི་མུཀྟ་གའི་མེ་ཏོག་སྟོང་རྩ་བརྒྱད་སྦྱིན་བསྲེག་བྱས་ན་ཡུལ་དབང་དུ་འགྱུར་རོ། །མར་གྱི་སྦྱིན་བསྲེག་གིས་ཞག་བཞི་པ་མེད་པར་འགྱུར་རོ། །སྣ་མའི་མེ་ཏོག
161b7 སྦྲང་རྩི་དང་བསྲེས་པ་སྦྱིན་སྲེག་བྱས་ན་ཉིན་གཅིག་བཞིན་དུ་ཏི་ན་ར་རེ་རེ་རྙེད་པར་འགྱུར་རོ། །དེ་ནས་ཀླུ་བསྒྲུབ་པར་འདོད་པས་མ་ལི་གའི་མེ་ཏོག
161b8 ཁ་མ་བྱེ་བ་འབུམ་སྦྱིན་སྲེག་བྱས་ན་ཀླུ་ཐམས་ཅད་འགྲུབ་པར་འགྱུར་ཏེ་དེ་དག་ཡོད་པ་ཐམས་ཅད་ཀྱིས་ཅི་འདོད་པ་བཞིན་སྒྲུབ་བོ། །
iiif viewer powered by OpenSeadragon
