| e-texts navigator |
| Wylie |
160b1 གནས་སུ་སོང་སྟེ་བའི་ལྕི་བ་ས་ལ་མ་ལྷུང་བས་དཀྱིལ་འཁོར་བྱས་ལ་ཨརྒའི་མེ་ཏོག་སྟོང་རྩ་བརྒྱད་ཕུལ་ན། ལྷ་ཆེན་པོ་མཐོང་བར་འགྱུར་ཏེ་དངོས་གྲུབ་གང་འདོད་པ་སྦྱིན་པར་བྱེད་དོ། །ལྷ་ཆེན་པོའི་གནས་སུ་རི་མོའི་སྐུ་གཟུགས་བྲིས་ལ
160b2 འབུམ་ཕྲག་གཅིག་བཟླས་བརྗོད་བྱས་ན། དཀའ་ཐུབ་ཟློག་གི་ཁྱོ་མཐོང་བར་འགྱུར་ཏེ་དངོས་གྲུབ་གང་འདོད་པ་སྦྱིན་པར་བྱེད་དོ། །དུར་ཁྲོད་ཆེན་པོར་རི་མོའི་སྐུ་གཟུགས་བྲིས་ཏེ་ལན་བརྒྱ་རྩ་བརྒྱད་བཟླས་བརྗོད་བྱས་ན་རོ་ལངས་ཆེན་པོ
160b3 མཐོང་བར་འགྱུར་ཏེ། མཆེ་བ་མི་སྡུག་པ་གཙིགས་ལ་མེ་ཕུང་ཆེན་པོ་ལྟར་བྱུང་ན་ཡང་དེ་ལ་འཇིགས་པར་མི་བྱ་བར་ཕྱག་རྒྱ་བཅིངས་ལ་བསྣུན་ན་དེས་འགྱེལ་བར་འགྱུར་ཏེ། དེ་ལ་དམ་པ་བླངས་ན་རྒྱལ་སྲིད་དམ་གཏེར་རམ་མི་སྣང
160b4 བ་འམ་ཡུལ་ལམ་རྐང་པས་རྒྱུ་བ་ཡང་རུང་སྟེ་དམ་པ་ལྔ་པོ་དག་ལས་གང་ཡང་རུང་བ་ཞིག་སྦྱིན་པར་བྱེད་དོ། །ལན་ཚྭའི་སྦྱིན་བསྲེག་གིས་ནི་ལྷའི་བུད་མེད་འགུགས་པར་བྱེད་དོ། །སྣ་མའི་མེ་ཏོག་ཁ་མ་བྱེ་བ་སྟོང་རྩ་བརྒྱད་སྦྱིན་བསྲེག་བྱས
160b5 ན་ཉིན་གཅིག་བཞིན་ཏི་ན་ར་རེ་རེ་རྙེད་པར་བྱེད་དོ། །ཅི་སྟེ་དགྲ་སྲོག་དང་བྲལ་བར་འདོད་ན་ལན་ཚྭའི་སྲེག་བླུགས་ལན་འབུམ་སྦྱིན་བསྲེག་བྱས་ན་སྲོག་དང་བྲལ་བར་འགྱུར་རོ། །ཅི་སྟེ་ནམ་མཁའ་ལྡིང་བསྒྲུབ་པར་འདོད་ན་གྲོག་མཁར
160b6 གྱི་ས་ལ་ནམ་མཁའ་ལྡིང་གི་གཟུགས་བྱས་ཏེ། བ་ལས་བྱུང་བའི་སྣ་ལྔས་བསྐུས་ལ་དེ་ནས་ནམ་མཁའ་ལྡིང་གི་གཟུགས་དེ་རི་མོའི་གཟུགས་ཀྱི་མདུན་དུ་བཞག་ལ་འབུམ་ཕྲག་གཅིག་བཟླས་བརྗོད་བྱས་ན་དེ་ནས་གྲུབ་པར་འགྱུར
160b7 ཏེ་དེ་ལ་ཞོན་ནས་གང་དུ་འདོད་པ་དེར་འགྲོའོ། །དེ་ལ་ཡོ་བྱད་ཐམས་ཅད་ཀྱང་སྒྲུབ་པར་བྱེད་དོ། །འཇིགས་པ་ཐམས་ཅད་དང་བྲལ་བར་འགྱུར་རོ། །ཀླུ་ཐམས་ཅད་དེའི་དབང་དུ་འགྱུར་རོ། །ཇི་སྟེ་འཁོར་ལོས་བསྒྲུབ་པར་འདོད་ན།
160b8 ལྕགས་ཨུར་མོའི་འཁོར་ལོ་བྱས་ལ་སྤོས་ཆུས་བཀྲུས་ཏེ་གུར་གུམ་གྱིས་བྱུགས་ལ་དེ་ནས་ཨ་ཤྭཏ་ཐའི་ལོ་མའི་སྟེང་དུ་བཞག་སྟེ། རི་མོའི་སྐུ་གཟུགས་ཀྱི་མདུན་དུ་མངོན་པར་བཞག་ལ་སུམ་འབུམ་བཟླས་བརྗོད་བྱས་ན
iiif viewer powered by OpenSeadragon
