| e-texts navigator |
| Wylie |
159b1 པ་རྒྱས་པ་བྱས་ལ་མཚན་རངས་བཟླས་བརྗོད་བྱས་ན། དེ་ནས་རི་མོའི་སྐུ་གཟུགས་ལས་འོད་ཟེར་འབྱུང་བར་འགྱུར་རོ། །དེ་ནས་འགྲུབ་པར་འགྱུར་ཏེ་ར་ཛྱ~ཾ་ད་དཱ་ཏི་ལོ་ལྔ་བརྒྱ་ཐུབ་པར་འགྱུར་རོ། །རྒྱ་མཚོར་འབབ་པའི་ཆུ་ཀླུང
159b2 གི་ནང་དུ་ཞུགས་ལ་ལན་འབུམ་བཟླས་བརྗོད་བྱས་ཏེ་ཟས་སུ་ཆུ་འཐུངས་ན། དེ་ནས་ནམ་མཁའ་ལ་རལ་གྲི་ཐོགས་པར་འགྱུར་ཏེ། དེས་མཆོད་ཡོན་ཕུལ་ལ་བླང་བར་བྱའོ། །དེས་བླངས་པ་ཙམ་གྱིས་སྐྲ་ལྕང་ལོར་འཁྱིལ
159b3 ཞིང་ལོ་བཅུ་དྲུག་ལོན་པའི་ཤ་ཚུགས་དང་འདྲ་བར་འགྱུར་ལ། རིག་སྔགས་འཆང་དུ་མས་བསྐོར་ཅིང་སིལ་སྙན་དང་ཕེག་རྡོབ་པ་མང་པོས་རོལ་མོ་བྱེད་ཅིང་འགྲོ་བར་འགྱུར་རོ། །ཉིན་གཅིག་བཞིན་དུ་སངས་རྒྱས་ཀྱི་ཞིང་དུ་མ་མཐོང་བར
159b4 འགྱུར་རོ། །ཐམས་ཅད་དུ་ཡང་མཆོད་པ་རྣམ་པ་སྣ་ཚོགས་ཀྱི་སྤྲིན་དག་གྲུབ་པར་བྱེད་དོ། །གང་གི་ཚེ་ཤི་བར་གྱུར་པ་དེའི་ཚེ་ཡང་སངས་རྒྱས་ཀྱི་ཞིང་རྣམ་པར་དག་པ་རྣམས་སུ་སྐྱེ་བར་འགྱུར་ཞིང་། དེ་བཞིན་གཤེགས་པ་ཐམས
159b5 ཅད་ཀྱི་རིགས་སུ་སྐྱེ་བར་འགྱུར་རོ། །ཅི་སྟེ་རལ་གྲི་སྒྲུབ་པར་འདོད་ན་དགོན་པར་སོང་ལ་ཆུ་འཐུང་ཞིང་ཟླ་བ་གཅིག་བཟླས་བརྗོད་བྱས་ལ་དེའི་འོག་ཏུ་ཟླ་བ་ཉ་ལ་ཅི་འབྱོར་པས་རི་མོའི་སྐུ་གཟུགས་ཀྱི་མདུན་དུ་མཆོད་པ་རྒྱ་ཆེར
159b6 བྱས་ཏེ། མཚན་རངས་བཟླས་བརྗོད་བྱས་ན་དེ་ནས་རལ་གྲི་འབར་བར་འགྱུར་ཏེ། དེ་བླངས་པ་ཙམ་གྱིས་རིག་སྔགས་འཆང་དུ་འགྱུར་ཏེ་རིག་སྔགས་འཆང་ཐམས་ཅད་ཀྱི་རྒྱལ་པོ་འགྱུར་རོ། །ལོ་དྲུག་ཁྲིར་འཚོ་བར་འགྱུར
159b7 རོ། །དེ་ཡང་མཆོད་པ་བྱེད་པར་འགྱུར་རོ། །འདོད་པ་བཞིན་དུ་དགོས་པ་ཐམས་ཅད་བྱེད་དོ། །གང་གི་ཚེ་ཤི་བར་གྱུར་པ་དེའི་ཚེ་ས་དང་པོ་ལ་དབང་བར་འགྱུར་རོ། །ཅི་སྟེ་ཟས་མི་ཟད་པར་འབྱུང་བར་འདོད་ན་སྤོ་མའི་རྩ་བ
159b8 བླངས་ལ། སླེ་དྲེས་དང་ལྷན་ཅིག་སྦྱིན་བསྲེག་བྱས་ན་ཁ་ཟས་མི་ཟད་པར་འགྱུར་རོ། །མིག་ན་རྒྱམ་ཚྭ་བཏགས་པ་ལ་ལན་བདུན་བསྔགས་ཏེ་མིག་བཀབ་ན་མིག་ནད་སོས་པར་འགྱུར་རོ། །ཀ་ལ་པིང་ཀའི་རྩ་བ་སྲོག་ཆགས
iiif viewer powered by OpenSeadragon
