| e-texts navigator |
| Wylie |
159a1 བཞག་སྟེ། རི་མོའི་སྐུ་གཟུགས་ལ་མཆོད་པ་བྱས་ན་ཤེལ་བཞིན་དུ་འབར་བར་གྱུར་གྱི་བར་དུ་མཚན་རངས་བརྗོད་པར་བྱའོ། །དེ་ནས་གྲུབ་པར་འགྱུར་ཏེ་དེས་ཐིག་ལེ་བྱས་ན་ལུས་མི་སྣང་བར་འགྱུར་ཏེ། ལོ་ལྔ
159a2 སྟོང་ཐུབ་པར་འགྱུར་རོ། །ཅི་སྟེ་མིག་སྨན་བསྒྲུབ་པར་འདོད་ན་སྣ་མའི་མེ་ཏོག་དང་ལིག་བུ་མིག་བླངས་ཏེ། ཞིབ་མོར་བྱས་ལ། དེ་ནས་སྔ་མ་བཞིན་དུ་ཟངས་ཀྱི་སྣོད་དུ་བཞག་སྟེ། མཆོད་པ་བྱས་ནས་ཟླ་བ་གཅིག་གི་བར་དུ་བཟླས
159a3 བརྗོད་བྱའོ། །དེ་ནས་དེ་སྔོན་དུ་གྱུར་ནས་དེས་མིག་བསྐུས་ན་ཕྱོགས་གང་དུ་བལྟས་པ་དེ་ཐམས་ཅད་དབང་དུ་འགྱུར་རོ། །ཅི་སྟེ་དེས་མིག་བསྐུས་ན་རྒྱལ་པོ་དང་བློན་པོ་དང་རྒྱལ་པོའི་བཙུན་མོ་དམ་པ་དང་རྒྱལ་པོའི་བུ་མོ་དང
159a4 གཞན་ཡང་གང་སུ་ལ་བསྟན་པ་དེ་ཐམས་ཅད་དེའི་དབང་དུ་འགྱུར་རོ། །དེ་ནས་མིག་སྨན་གྱི་མཆོག་བསྒྲུབ་པར་འདོད་ན། མར་གྱི་ངོ་ཞག་བརྒྱད་ལ་མི་རོ་རྨ་མེད་པ་བླངས་ཏེ། ཙན་དན་དམར་པོ་དང་ལྡན་པའི་ལྷ་བཤོས་ཕུལ་ལ། དེ་ནས་མི
159a5 རོའི་ལག་ཏུ་མིག་སྨན་བཞག་ལ་བཟླས་བརྗོད་བྱས་པ་དང་མི་རོའི་ལག་ན་མིག་སྨན་འདུག་པ་དེ་འགུལ་བར་འགྱུར་རོ། །དེ་ནས་འགྲུབ་པར་འགྱུར་ཏེ། དེས་མིག་བསྐུས་ན་གང་ལ་བལྟས་པ་དེ་དབང་དུ་འགྱུར་རོ། །སྣ་མའི་མེ
159a6 ཏོག་བརྒྱད་སྟོང་གིས་སྦྱིན་སྲེག་བྱས་ན། ལས་ཐམས་ཅད་བདེ་བླག་ཏུ་འགྲུབ་པར་འགྱུར་རོ། །རྒྱ་མཚོར་འབབ་པའི་ཆུ་ཀླུང་གི་ནང་དུ་ཞུགས་ཏེ། མར་གྱི་ངོ་ཞག་བརྒྱད་ལ་བརྩམས་ནས། བསོད་སྙོམས་ཀྱི་ཟས་ཟ་ཞིང
159a7 ལན་འབུམ་བཟླས་བརྗོད་བྱས་ན་ཡང་ཡུལ་སྦྱིན་པར་འགྱུར་རོ། །ཡར་གྱི་ངོ་ཚེས་བརྒྱད་ལ་བསོད་སྙོམས་ཀྱི་ཟས་ཟ་ཞིང་རི་མོའི་སྐུ་གཟུགས་ཀྱི་མདུན་དུ་ལན་སྟོང་རྩ་བརྒྱད་བཟླས་བརྗོད་བྱས་ན་ཕ་རོལ་གྱི་དམག་ཚོགས
159a8 རབ་ཏུ་ཞི་བར་འགྱུར་རོ། །དེ་ནས་ཟས་འོ་མ་འཐུང་ཞིང་ལན་འབུམ་བཟླས་བརྗོད་བྱས་ན་ཕ་རོལ་གྱི་དམག་དབྱེ་བར་འགྱུར་རོ། །མར་གྱི་ངོ་ཞག་བརྒྱད་ལ་ཞག་གཅིག་སྨྱུང་བ་བྱས་ཏེ། རི་མོའི་སྐུ་གཟུགས་ཀྱི་མདུན་དུ་མཆོད
iiif viewer powered by OpenSeadragon
