| e-texts navigator |
| Wylie |
158b1 འདས་མ་ཉིད་འོང་བར་འགྱུར་ཏེ། དེ་ལ་མེ་ཏོག་དཀར་པོ་དག་གིས་མཆོད་ཡོན་དབུལ་ལོ། །དེ་ནས་བཅོམ་ལྡན་འདས་མ་བསྒྲུབ་པ་པོའི་སྤྱི་བོར་བྱུགས་ནས་བུ་ལེགས་སོ། །ཁྱོད་ལ་མཆོག་ཅི་ཞིག་སྦྱིན་པར་བྱ་ཞེས་དེ་ཉིད
158b2 ཟེར་བ་དང་ཅི་འདོད་པ་དེ་བླང་བར་བྱ་སྟེ། འདོད་ན་ཞོ་འམ། རིག་སྔགས་འཆང་ཉིད་དམ་ལུས་མི་སྣང་བ་འམ་སའི་འོག་ཏུ་འགྲོ་བ་འམ་གཞན་ཡང་ཡིད་ལ་གང་འདོད་པ་ཅི་ཡང་རུང་བ་དེ་ཐམས་ཅད་བླང་བར་བྱའོ། །ཅི་སྟེ་ངང
158b3 པ་བསྒྲུབ་པར་འདོད་ན་ལི་ཁྲི་ལས་ངང་པའི་གཟུགས་བྱས་ཏེ། རི་མོའི་སྐུ་གཟུགས་ཀྱི་མདུན་དུ་བཞག་ལ་ཀུན་དའི་མེ་ཏོག་གིས་མཆོད་པ་རྒྱས་པར་བྱས་ནས་མཚན་རངས་བཅོམ་ལྡན་འདས་མ་བཟླས་བརྗོད་བྱས་ན་ནང་པར་རམ
158b4 ཉི་མ་འཆར་ཀར་གྲུབ་པར་འགྱུར་ཏེ། དེ་ལ་ཞོན་ན་ནམ་མཁའ་ལ་འཕགས་པ་དང་ཚངས་པ་གཉིས་པར་འགྱུར་རོ། །ཅི་སྟེ་རྨ་བྱ་སྒྲུབ་པར་འདོད་ན་འཇིམ་པ་ལ་རྨ་བྱའི་གཟུགས་བྱས་ཏེ། རི་མོའི་སྐུ་གཟུགས་ཀྱི་མདུན་དུ་བཞག
158b5 ལ་ཟླ་བ་དྲུག་ཏུ་བཅོམ་ལྡན་འདས་མ་བཟླས་བརྗོད་བྱས་པའི་མཇུག་ཏུ་ཟླ་བ་ཉ་ལ་ཅི་འབྱོར་པས་མཆོད་པ་བྱས་ཏེ། མཚན་རངས་བཟླས་བརྗོད་བྱས་ན་ཉི་མ་འཆར་ཀར་རྨ་བྱའི་སྐད་འབྱིན་པར་འགྱུར་ཏེ་སྐད་ཕྱུང་མ་ཐག་ཏུ་སྔགས
158b6 པས་བླང་བར་བྱའོ། །དེ་བླངས་པ་ཙམ་གྱིས་སྔགས་པ་སྨིན་དྲུག་གི་བུ་དང་འདྲ་བར་འགྱུར་རོ། །ཆོ་ག་དེ་བཞིན་དུ་ས་སྲུངས་ཀྱི་བུ་བསྒྲུབས་ན་བརྒྱ་བྱིན་དང་འདྲ་བར་འགྱུར་རོ། །ལུས་མི་སྣང་བ་བསྒྲུབ་པར་འདོད་ན། མིའི་ཐོད
158b7 པ་བླངས་ལ་ཤིང་མངར་དང་ལྷན་ཅིག་ཏུ་ཞིབ་མོར་བཏགས་ཏེ། ཐ་མར་ཡར་གྱི་ངོའི་ཚེས་བརྒྱད་ལ་ཨརྒའི་ཤིང་གི་མེ་བུས་ལ་རི་མོའི་སྐུ་གཟུགས་ལ་མཆོད་པ་རྒྱས་པར་ཕུལ་ནས་མཚན་རངས་སྦྱིན་སྲེག་བྱས་ཏེ། ནང་པར་དེའི
158b8 ཐལ་བས་སོར་མོའི་སུམ་རིས་བྱས་ན་ལུས་མི་སྣང་བར་འགྱུར་ཏེ་ལུས་མི་སྣང་བ་ཐམས་ཅད་ཀྱི་རྒྱལ་པོར་འགྱུར་རོ། །སྦྱོར་བ་གཞན་ཡང་འབྱུང་སྟེ། ལི་ཁྲི་མར་དང་ལྷན་ཅིག་ཏུ་བསྲེགས་ལ། དེ་ནས་ཟངས་ཀྱི་སྣོད་དུ
iiif viewer powered by OpenSeadragon
