| e-texts navigator |
| Wylie |
158a1 དཔའ་གང་ཡང་རུང་སྟེ། རི་མོའི་སྐུ་གཟུགས་བཞག་ལ། བཅོམ་ལྡན་འདས་མ་གཟུགས་སམ་ཁ་དོག་གམ་དབྱིབས་སམ་ཡི་གེར་ཡིད་ལ་བསམས་ཏེ། ཟླ་བ་དྲུག་གི་བར་དུ་བསྒོམས་ན་ལས་ཐམས་ཅད་ནུས་པར་འགྱུར་ཏེ། དུག་ནི
158a2 མཐོང་བ་ཙམ་གྱིས་འབྲོས་པར་འགྱུར་རོ། །གདོན་གྱིས་ཟིན་པ་ནི་བསྡིགས་པ་ཙམ་གྱིས་འབྲོས་པར་འགྱུར་རོ། །གཞན་ཅི་ཡང་རུང་བས་ཟིན་པ་ཡང་མཐོང་བ་ཙམ་གྱིས་གཏོང་བར་འགྱུར་རོ། །དཔག་ཚད་བརྒྱའི་ཕ་རོལ་ན་གནས་པ་ཡང
158a3 ལས་ཐམས་ཅད་བྱེད་དོ། །འཇིགས་པ་ཐམས་ཅད་ལ་ནི་ལན་བརྒྱ་རྩ་བརྒྱད་བཟླས་བརྗོད་བྱས་པའི་སྐུད་པས་བསྲུང་བ་བྱས་པར་འགྱུར་རོ། །བགེགས་ཐམས་ཅད་ལ་ནི་ཆུས་བསྲུང་བར་བྱེད་དོ། །བསྒྲུབ་པོ་རྣམས་སམ་རོ
158a4 ལངས་བསྒྲུབ་པ་རྣམས་ལ་གསང་སྔགས་འདི་དག་ལས་གང་ཡང་རུང་བ་གཅིག་གིས་བདག་བསྲུང་བ་དང་གཞན་བསྲུང་བ་དང་ཕྱོགས་བཅིང་བ་དང་དཀྱིལ་འཁོར་གྱི་མཚམས་བཅད་པར་བྱའོ། །དེ་ནས་ལུས་མི་སྣང་བར
158a5 བྱེད་འདོད་ན་སྐར་མ་རྒྱལ་ལ། ལྡོང་རོས་ཁ་ཐབས་བཞིན་དུ་ཉོས་ཏེ་རང་གི་ཁྲག་གིས་བསྒོས་ལ། དེ་ནས་ཕྱུང་སྟེ་རི་མོའི་སྐུ་གཟུགས་ཀྱི་མདུན་དུ་གཞག་གོ། དེ་ནས་ཟས་སུ་འོ་མ་དང་ཕྱེའི་བདག་གུ་ཟ་ཞིང་ཞག་བདུན་གྱི་བར
158a6 དུ་དུས་གསུམ་དུ་སྟོང་རྩ་བརྒྱད་བཟླས་བརྗོད་བྱའོ། །དེ་ནས་མར་གྱི་ངོ་ཞག་བརྒྱད་ལ་ཁ་ཟས་མི་ཟ་བར་ལག་པ་གཡོན་པར་བཞག་སྟེ། བཅོམ་ལྡན་འདས་མ་བཟླས་བརྗོད་བྱས་ན་འགྲུབ་པར་འགྱུར་ཏེ། ཐིག་ལེ་བྱས་པས་ལུས་མི་སྣང
158a7 བར་འགྱུར་ཞིང་འདོད་དགུར་སྒྱུར་བའི་གཟུགས་ཅན་ལོ་ལྔ་སྟོང་ཐུབ་པར་འགྱུར་རོ། །བཅོམ་ལྡན་འདས་མ་མཐོང་བར་འདོད་ན་ཟླ་བ་གཅིག་གི་བར་དུ་སློངས་མོའི་ཟས་ཟ་ཞིང་རིའི་རྩེ་མོར་སོང་སྟེ་བཅོམ་ལྡན་འདས་མ་བཟླས
158a8 བརྗོད་བྱའོ། །དེ་ནས་ཞག་གསུམ་སྨྱུང་བ་བྱས་ཏེ། ཟླ་བ་ཉ་ལ་བྱང་ཆུབ་ཀྱི་ཤིང་དྲུང་དུ་ཅི་འབྱོར་པས་ལྷ་བཤོས་དབུལ་ཞིང་མཆོད་པ་བྱས་ཏེ་བཅོམ་ལྡན་འདས་མ་ལ་བཟླས་བརྗོད་བྱའོ། །དེ་ནས་ནམ་ཕྱེད་ན་བཅོམ་ལྡན
iiif viewer powered by OpenSeadragon
