| e-texts navigator |
| Wylie |
293a1 ལ་སོགས་པ་འབྱུང་བར་འགྱུར་རོ། །དེ་ནས་དེ་ཉིད་དུ་གནས་ན་ཁྱབ་འཇུག་གི་འཁོར་ལོས་འཇིགས་པ་བྱ་བ་འབྱུང་ངོ་། །ཡར་ངོའི་ཚེས་གཅིག་ནས་བརྩམས་ཏེ་འཛའ་ཏིའི་མེ་ཏོག་སྟོང་ཕྲག་བརྒྱད་དུ་བཅོམ
293a2 ལྡན་འདས་ཀྱིས་ཐེ་བོར་རེག་པར་བྱའོ། །ཅི་སྲིད་དུ་ཞབས་ཀྱི་མཐེ་བོང་ལས་འོད་ཟེར་བྱུང་གི་བར་དུ་བསྲེགས་ན་སྒྲུབ་པ་པོའི་ལུས་དེ་མ་ཐག་ཏུ་མི་སྣང་ཞིང་དབུ་སྐྲ་ལྕང་ལོ་འཁྱིལ་པར་འགྱུར་རོ། །འཁོར་དང
293a3 བཅས་པ་རིག་པ་འཛིན་པའི་རྒྱལ་པོ་ཐོབ་པར་འགྱུར་ཏེ་བསྐལ་པར་གནས་སོ། །ས་ལ་པད་མ་འདབ་མ་བརྒྱད་པ་གཅིག་བྲིས་ཏེ་དེའི་སྟེང་དུ་འདུག་ནས་སྟོང་ཕྲག་བརྒྱ་བཟླས་ནས་གཞི་གར་གནས་པད་མར་གནས
293a4 ཏེ་འཁོར་སྟོང་དང་ལྡན་པ་བསྐལ་པར་གནས་སོ། །དེ་ནས་གཏེར་བླང་བར་འདོད་ན་གང་ན་གཏེར་ཡོད་པ་དེ་རུ་བུམ་པ་སྐུད་པ་ནག་པོས་དཀྲིས་ལ་ཙན་དན་གྱིས་བྱུགས་ལ་ཆུས་བཀང་སྟེ་སྟོང་ཕྲག་བརྒྱད་དུ་མངོན
293a5 པར་བསྔགས་ནས་དེར་གཞག་པར་བྱའོ། །ས་དེ་གས་ནས་ཆུ་ཡིས་ས་ལ་གཏོར་ལ་ཁྲུ་གང་ཙམ་ས་ལ་བརྐོས་ཏེ་བླང་བར་བྱའོ། །དེ་ནས་སེང་གེ་སྒྲུབ་ན་གྲོག་མཁར་གྱི་ས་ལ་སེང་གེ་བྱས་ལ་འགིའུ་ཝང་གིས་བྱུགས
293a6 ལ་དཀྱིལ་འཁོར་དུ་གཞག་སྟེ། མཆོད་པ་ཆེན་པོ་བྱས་ལ་ཇི་སྲིད་དུ་གཡོ་བའི་བར་དུ་བཟླས་ན་སེང་གེར་འགྱུར་ཏེ་རྒྱབ་ཏུ་ཞོན་པས་སྐྲ་ལི་བ་འཁྱིལ་བར་འགྱུར་ཞིང་བདག་ཉིད་སྔ་ལྟས་ཐོབ་ནས་ལོ་ཁྲི་ཕྲག་གཅིག་ཏུ་འཚོའོ། །
293a7 འཇམ་དཔལ་འཕགས་པ་མི་གཡོ་བའི་རྟོག་པ་གསུངས་པའི་ཆོ་ག་འདི་བསྒྲུབས་ན་དེ་ནི་མྱུར་བར་འགྱུར་རོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། ཐམས་ཅད་དང་ལྡན་པའི་འཁོར་དེ་དག་ཐམས
293a8 ཅད་བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དེ། རྗེས་སུ་ཡི་རང་ནས་སྟན་ལས་ལངས་ནས་སོང་ངོ་། །འཕགས་པ་ཁྲོ་བོའི་རྒྱལ་པོ་མི་གཡོ་བ་ཞེས་བྱ་བའི་རྟོག་པ་རྫོགས་སོ།། །།
iiif viewer powered by OpenSeadragon
