| e-texts navigator |
| Wylie |
292b1 ཀུ་ཤའི་ཆུན་པོ་ལ་ཉེ་བར་འདུག་ལ་རྡོ་རྗེ་ལག་པ་གཉིས་ཀས་གཟུང་ནས་ཇི་སྲིད་འབར་བ་དེ་སྲིད་དུ་བཟླས་ནས་དེ་བཟུང་བས་འཁོར་དང་བཅས་པ་རིག་པ་འཛིན་པའི་འཁོར་ལོས་སྒྱུར་བ་ཐོབ་པར་འགྱུར་རོ། །དེ་ལྟར་འཁོར
292b2 ལོ་དང་མདུང་ལ་སོགས་པའི་མཚོན་ཆ་རྣམས་དང་། གོས་དང་། མཆིལ་ལྷམ་དང་། ཚངས་སྐུད་ལ་སོགས་པ་རྟོག་པ་གཞན་གྱི་ཆོ་ག་ཡང་བསྒྲུབ་པར་བྱའོ། །སྔ་མ་བཞིན་དུ་དངོས་གྲུབ་གསུམ་འབྱུང
292b3 ངོ་། །དེ་ནས་ནོར་སྒྲུབ་པར་འདོད་ན་སེང་ལྡེང་གི་ཡམ་ཤིང་རྣམས་ཞོ་དང་མར་གྱིས་སྦགས་ནས་སྟོང་ཕྲག་བརྒྱད་སྲེག་བླུགས་བྱས་ན་ནི་ནོར་སྩོལ་བར་འགྱུར་རོ། །རྒྱ་མཚོར་འབབ་པའི་འགྲམ་དུ་སོང་ནས་ཙན་དན་གྱིས་སྦགས
292b4 པའི་པད་མ་རྣམས་སྟོང་ཕྲག་བརྒྱ་ཆུར་བོར་ལ་བསྐུར་ན་པད་མའི་ཕུང་པོ་དང་མཉམ་པའི་ནོར་ཐོབ་པར་འགྱུར་རོ། །ལྷ་དབང་དུ་བྱ་བར་འདོད་ན་ཨ་ག་རུའི་ཡམ་ཤིང་རྣམས་ཞོ་དང་སྦྲང་རྩི་དང་མར་གྱིས་བསྔགས་ནས་སྲེག་བླུགས་བྱས
292b5 ནས་དབང་དུ་འགྱུར་རོ། །གསུམ་པོ་དེས་བསྔགས་པའི་འབྲས་བསྲེགས་ན་སྔགས་མི་བཟད་པར་འགྱུར་རོ། །གནོད་སྦྱིན་དབང་དུ་བྱ་བར་འདོད་ན་མངར་གསུམ་གྱིས་བསྔགས་པའི་གུ་གུལ་གྱི་རི་ལུས་སྲེག་བླུགས་བསྲེགས་པས
292b6 དབང་དུ་འགྱུར་རོ། །མྱ་ངན་མེད་ཀྱི་ཡམ་ཤིང་གིས་ནི་གནོད་སྦྱིན་མོ་དབང་དུ་འགྱུར་རོ། །རྒྱལ་པོ་ལ་ཡུངས་ཀར་གྱི་སྲེག་བླུགས་བྱས་ན་རྒྱལ་པོ་དབང་དུ་འགྱུར་རོ། །རྒྱ་མཚོར་འབབ་པའི་ཆུ་ཀླུང་གི་འགྲམ་དུ་སོང་ནས་པད
292b7 མ་འབུམ་ཕྲག་གཅིག་སྦྱིན་སྲེག་བྱས་ན་དཔལ་འདུས་ནས་ནོར་སྩོལ་བ་འམ་ཡུལ་ཕྱོགས་གཅིག་པའི་རྒྱལ་སྲིད་སྟེར་རོ། །དེ་ནས་འབུམ་ཕྲག་གསུམ་བྱས་ནས་བྱིན་ན་ས་སྟེངས་ཀུན་གྱི་བདག་པོར་འགྱུར་རོ། །འབུམ
292b8 ཕྲག་ལྔ་བྱིན་ན་འཛམ་བུ་གླིང་གི་བདག་པོར་འགྱུར་རོ། །ལྷ་མ་ཡིན་གྱི་བུ་གའི་སྒོར་རས་རིས་བཞག་ནས་འབུམ་ཕྲག་གསུམ་བཟླས་ན་འདིར་ཐམས་ཅད་འབྱུང་སྟེ་དགོས་པ་མེད་པར་ཞུགས་ན་བཅུད་ཀྱིས་ལེན
iiif viewer powered by OpenSeadragon
