| e-texts navigator |
| Wylie |
292a1 དེ་ནས་ཁྲོ་བོའི་རྒྱལ་པོ་གསུང་བར་འགྱུར་ཏེ་བུ་གཅིག་མཆོག་སྦྱིན་པར་བྱའོ་ཞེས་པ་དང་། རིག་པ་འཛིན་པ་འམ། རྒྱལ་པོ་འམ། མི་སྣང་བ་འམ། གང་འདོད་པ་དེ་བླང་བར་བྱའོ། །གལ་ཏེ
292a2 རིག་འཛིན་དུ་འགྱུར་ན་བརྒྱད་གཉིས་ལོ་ལོན་པའི་ཆ་བྱད་ལག་ན་རལ་གྲི་ཐོགས་པ། ལྷའི་བཞོན་པ་ལ་བཅིབས་པ། རིག་པ་འཛིན་པ་མང་པོས་བསྐོར་བ། རིག་པ་འཛིན་པ་ཐམས་ཅད་ཀྱིས་བཀུར་སྟི་ཆེན་པོས་ཕྱག་བྱེད
292a3 པ་སངས་རྒྱས་ཀྱི་ཞིང་ཁམས་མང་པོས་བསྐོར་བ། སངས་རྒྱས་བཅོམ་ལྡན་འདས་རྣམས་ཀྱིས་མཆོད་པ་བྱེད་པར་འགྱུར་ཏེ། བསྐལ་པར་འཚོ་བར་འགྱུར་རོ། །ཡང་ན་མིག་སྨན་གྲུབ་པར་འདོད་ན་ལིག་བུ་མིག
292a4 དང་། ཨུཏ་པ་ལ་སྔོན་པོ་དང་། རུ་སྟ་རྣམས་གཅིག་ཏུ་བྱས་ནས་ཟངས་ཀྱི་སྣོད་དུ་བཅུག་སྟེ་ཟླ་བ་གཟས་ཟིན་པ་ན་ཇི་སྲིད་དུ་དུ་བ་བྱུང་བ་དེ་སྲིད་དུ་བཟླས་པ་བྱའོ། །དེ་མིག་ལ་བསྐུས་ན་འདོད་པའི་ཁམས་སུ་མི
292a5 སྣང་བར་འགྱུར་རོ། །དེ་ནས་རལ་གྲི་སྒྲུབ་པར་འདོད་ན་རལ་གྲི་ཆགས་མེད་པ་ཐོགས་ཏེ་མར་ངོའི་བརྒྱད་དམ་བཅུ་བཞི་ལ་རས་རིས་ལ་མཆོད་པ་རྒྱ་ཆེན་པོ་བྱས་ནས་བསྲུང་བའི་རལ་གྲི་ལག་པ་གཡས་སུ་ཐོགས་ལ་ཇི་སྲིད
292a6 དུ་འཕྲོ་བར་འགྱུར་བ་དེ་སྲིད་དུ་བཟླས་པ་བྱའོ། །འབར་བ་འམ་འཕྲོ་བ་ན་རང་གཅིག་པུ་རིག་པ་འཛིན་པར་འགྱུར་རོ། །འབར་བས་ནི་རིག་པ་འཛིན་པའི་རྒྱལ་པོར་འགྱུར་རོ། །ཐོགས་པ་ཕ་རོལ་གྱི་སྟོབས་གནོན
292a7 པ་གང་གི་དྲུང་དུ་མཐོང་ན་མཐོང་བ་དེ་དང་བབས་པ་ཐོབ་པར་འགྱུར་རོ། །དེ་ནས་རྡོ་རྗེ་འཛིན་པ་སྒྲུབ་པར་འདོད་ན་ཁྲོ་ཆུའི་ལྕགས་ཀྱི་རྡོ་རྗེ་སོར་བཅུ་དྲུག་པ། ངོས་གཉིས་ཀ་རྩེ་གསུམ་པ་ཙན་དན་དམར་པོས་བྱུགས
292a8 ལ་ཆོ་འཕྲུལ་གྱི་ཟླ་བའི་ཚེས་གཅིག་ནས་བརྩམས་ཏེ་རས་རིས་ལ་མཆོད་པ་རྒྱ་ཆེན་པོ་བྱས་ལ་ཉི་མ་རེ་རེ་བཟླས་པ་བྱའོ། །དེ་ནག་ཉ་ལ་མཆོད་པ་རྒྱ་ཆེན་པོ་བྱས་ནས་མར་གྱི་མར་མེ་བརྒྱ་ཐམ་པ་སྤར་ཏེ།
iiif viewer powered by OpenSeadragon
