| e-texts navigator |
| Wylie |
291b1 སོགས་པ་དང་བྲལ་བ་བླངས་ཏེ། ཁྲོ་བོའི་རྒྱལ་པོ་དཔའ་བོ་གཅིག་པ་ལག་པ་གཡས་པ་བཏག་པ། ཞབས་གཡས་པ་སྟེང་དུ་བཏེག་པ། ཞབས་གཡོན་པ་ཡང་གྱེན་དུ་བསྒྲེང་བ། ཕྱག་གཡོན་པ
291b2 སྡིགས་མཛུབ་ཀྱིས་བསྡིགས་པར་མཛད་པ། ཞལ་རྣམ་པར་མི་སྡུག་པ་ནང་སྟེང་དུ་འབར་བར་གནས་པ་དེ་བཞིན་གཤེགས་པས་སྟེང་ནས་ཕྱག་གཉིས་ཀྱིས་དབུགས་འབྱིན་པར་མཛད་པ། མེ་ཏོག་རྒྱལ་པོ་ནི་བྱང་དུའོ། །གཡས
291b3 སུ་ནི་བཅོམ་ལྡན་འདས་རྣམ་པར་སྣང་མཛད། འོག་ཏུ་ནི་སྒྲུབ་པ་པོས་སྤོས་ཀྱི་སྣོད་ཀྱིས་ལག་པ་སྒྲེང་བ་ཁྲོ་བོའི་རྒྱལ་པོ་ལ་བལྟ་བ་བྲིའོ། །འཇམ་དཔལ་མི་གཡོ་མགོན་པོ་འདི་རས་རིས་ཀྱི་ཆོ་ག་སེམས་ཅན་རྣམས་ལ་ཕན་པར་འདོད་པས
291b4 བདག་གིས་བཤད་དོ། །འཇམ་དཔལ་མི་གཡོ་མགོན་པོའི་སྒྲུབ་ཐབས་ཀྱི་ཆོ་ག་གང་ཐབས་སླ་བས་དངོས་གྲུབ་ཆེན་པོ་ཐོབ་པ་ཉོན་ཅིག་།འདིར་དང་པོར་རེ་ཞིག་སྔགས་ཀྱི་སྒོར་བྱང་ཆུབ་སེམས་དཔའི་སྤྱད་པ་སྤྱོད་པའི་བྱང་ཆུབ་སེམས་དཔས་གངས་རི་ལ
291b5 སོགས་པ་ཡིད་དགའ་བའི་གནས་རྣམས་སུ་གཅིག་པུ་སློངས་མོ་ཟ་ཞིང་རས་བྲིས་འདིའི་སྤྱན་སྔར་སྔོན་དུ་བསྙེན་པ་འབུམ་ཕྲག་གཅིག་བྱའོ། །དེ་ནས་རི་རྩེའི་ཟོམ་ལ་གནས་བཅས་ཏེ་འབུམ་ཕྲག་གསུམ་བཟླས་པ་བྱའོ། །དེ་ནས་ཉ་ལ་ཇི་ལྟར
291b6 འབྱོར་པའི་མཆོད་པ་བྱས་ནས་མཚན་རངས་པར་བཟླས་པ་བྱའོ། །ནང་པར་ཐོ་རངས་སམ་ཉི་མ་ཤར་ནས་མཚན་མ་རྣམས་འབྱུང་སྟེ། ཉི་མ་འགྱུར་ལྡོག་བྱེད་ཅིང་མུན་པར་ཡང་འགྱུར་རོ། །ཕྱོགས་བཞིར་ཧ་ཧ་ཞེས་སྒྲོགས་པའི་སྒྲ་ཆེན
291b7 པོ་ཐོས་པར་འགྱུར་རོ། །ཁྲོ་བོའི་རྒྱལ་པོ་མེ་ཏོག་གི་ཆུན་འཕྱང་གཡོ་བར་འགྱུར་བ་དང་། ས་གཞི་གཡོ་ཞིང་འབྲུག་གི་སྒྲ་ཆེམ་ཆེམ་སྒྲོགས་པ་དང་། རིག་པ་འཛིན་པ་རྣམས་ཀྱིས་མེ་ཏོག་གི་ཆར་འབེབས་སོ། །འདིའི
291b8 དྲུང་དུ་ཁྲོ་བོའི་རྒྱལ་པོ་ཆེན་པོ་རང་ཉིད་ལྷ་ཐམས་ཅད་དང་ཀླུ་ལ་སོགས་པས་བསྐོར་ནས་བྱོན་ནོ། །དེའི་དུས་སུ་དམྱལ་བའི་སྡུག་བསྔལ་རབ་ཏུ་ཞི་བར་འགྱུར་རོ། །དེ་ནས་ཡོན་ཆབ་ཕུལ་ཏེ་ཕྱག་བྱས་ནས་གནས་པར་བྱའོ། །
iiif viewer powered by OpenSeadragon
