| e-texts navigator |
| Wylie |
297b1 སྔོ་བ། །སྔོ་བསངས་རིན་ཆེན་མཆོག་མཛེས་འོད། །གཙུག་ན་རིན་ཆེན་གཙུག་ཏོར་ཆེ། །གཙུག་རྒྱན་ཅོད་པན་དམ་པ་ཅན། །སྐལ་བ་ཆེན་པོ་འོད་ལྡན་མ། །རྒྱན་རྣམས་ཀུན་གྱིས་རྣམ་པར་ཀླུབས། །གོས་ཀྱིས་སྟོད་ནི་ལེགས
297b2 བསྒྲིབས་པ། །བཞིན་གྱི་དཀྱིལ་འཁོར་འཛུམ་བཅས་ཤིང་། །སྣ་ཚོགས་གོས་ནི་ལེགས་གྱོན་པ། །དབུ་མའི་ཞལ་རས་གསེར་གྱི་འོད། །ཞབས་གཉིས་དབུས་སུ་འཁོར་ལོ་སྟེ། །མདུན་ན་རིན་ཆེན་བདུན་གནས
297b3 པ། །པད་མ་མཆོག་ལྡན་སེང་གེའི་ཁྲི། །ཟླ་བ་རྡོ་རྗེ་འཛིན་པའི་གདན། །ཉི་མའི་དཀྱིལ་འཁོར་འོད་འཕྲོ་བ། །རྒྱབ་ཏུ་ཉི་མའི་དཀྱིལ་འཁོར་ནི། །དཔའ་བོ་དེ་ཡིས་བྲི་བར་བྱ། །འདི་ཡི་མདུན་དུ་བྲི་བྱ་བ། །དཔའ་བོ
297b4 མཐའ་ཡས་པ་ཡི་ཞལ། །སྟོང་ཕྲག་དུ་མའི་ཕྱག་ལྡན་མ། །མཚན་ཉིད་ཐམས་ཅད་ཡང་དག་རྫོགས། །རྒྱན་རྣམས་ཀུན་གྱིས་རྣམ་པར་བརྒྱན། །ཕྱག་གིས་རྡོ་རྗེ་པད་མ་འཆང་། །སྣ་ཚོགས་ཕྱག་རྒྱས་ཕྱག་གཞན
297b5 དཀྲིགས། །གཙུག་ལྡན་དར་གྱི་ཅོད་པན་ཅན། །དབུ་རྒྱན་པད་མའི་བཞིན་རས་མ། །ཟླ་བའི་དཀྱིལ་འཁོར་དག་ལ་བཞུགས། །དེ་འོད་ཉི་མ་ལྟ་བུའི་འོད། །དཔའ་བོའི་རྣལ་འབྱོར་ལྡན་པ་ཡི། །དཔའ་བོ་དེས་ནི་བྲི་བར
297b6 བྱ། །རྡོ་རྗེ་སེམས་དཔར་བདག་བསྒོམས་ཏེ། །དེར་ནི་བསྙེམས་པས་འགྲོ་བར་བྱ། །དཔའ་བོས་ལྷོ་རུ་བྲི་བྱ་བ། །གཤིན་རྗེའི་འདབ་མ་མཛེས་པ་ལ། །མཆོག་སྦྱིན་ནམ་མཁའ་དགེ་མ་ཡང་། །རིན་ཆེན་ཁྲི་ལ
297b7 ལེགས་པར་བཞུགས། །བཞིན་རས་སྔོ་ལ་སྤྱན་དཀར་བ། །འཛུམ་བཅས་ནོར་བུའི་འོག་པག་ཅན། །མགུལ་རྒྱན་རིན་ཆེན་ཕྲེང་བ་མཆོག་།རྐང་གདུབ་གདུ་བུ་རིན་པོ་ཆེ། །ཡིད་བཞིན་ནོར་བུའི་ལག་པ་ཅན། །སྦྱིན་པའི
297b8 ཕ་རོལ་ཕྱིན་དགོངས་མ། །དེ་ནས་བློ་ལྡན་རབ་སོང་སྟེ། །ནུབ་ཏུ་ཡང་ནི་དེ་བཞིན་དུ། །དཔལ་དང་ལྡན་པས་ལེགས་པར་བྲི། །ཆུ་ལས་སྐྱེས་མ་ཡིད་འཕྲོག་མ། །དམར་པོའི་གོས་འཛིན་དག་པ་མ། །གཙུག་ན
iiif viewer powered by OpenSeadragon
