| e-texts navigator |
| Wylie |
297a1 པ། །གང་ཞིག་ཅུང་ཟད་བསྟན་པར་བྱ། །དེ་ཀུན་སྒྱུ་མས་སྒྱུ་མའོ། །འགྲོ་བ་སྒྱུ་མ་ལྟ་བུར་ཤེས། །དེས་ན་སྒྱུ་མ་ལྟ་བུ་ཡིས། །སྒྱུ་མ་ལྟ་བུའི་དཀྱིལ་འཁོར་བྱ། །ནམ་མཁའི་ཁམས་ཀྱིས་ཁྱབ་པ
297a2 ཡི། །ཐམས་ཅད་ཡུམ་གྱིས་ཡང་དག་འཁྲུགས། །ཕྱི་རོལ་ཡང་ནི་བརྟག་པར་བྱ། །གསང་བའི་དཀྱིལ་འཁོར་ཡུམ་རྣམས་ཀྱིས། །དབེན་ཞིང་དགའ་བའི་གནས་སུ་ནི། །ཡིད་ཀྱི་ལེགས་པར་འདུ་བྱས་པ། །ནམ
297a3 མཁའ་ལ་ནི་ཐིག་གིས་གདབ། །ཐོག་མར་དེ་ཡིས་དམ་པས་སོ། །དེ་ནས་རྣལ་འབྱོར་ཆེན་པོས་ཐིག་།གསང་བའི་ཡུམ་གྱི་དཀྱིལ་འཁོར་རོ། །མུ་ཁྱུད་དག་གི་རྣམ་མདུན་དུ། །ཀུན་ནས་ཡོངས་སུ་བསྐོར
297a4 བར་བྱ། །དབུས་ཀྱི་ཆ་རུ་དཀྱིལ་འཁོར་ནི། །འཁོར་ལོ་ལྟ་བུར་བྲི་བར་བྱ། །ཀུན་ནས་བརྒྱད་གཉིས་མཛེས་པ་ནི། །དཀྱིལ་འཁོར་བཞི་ཡི་དབུས་སུའོ། །འཁོར་ལོའི་ལྟེ་བའི་དབུས་སུ་ནི། །པད་མ་ཟེ་འབྲུ་ལྡན་པ
297a5 བྲི། །མཚམས་དང་མཚམས་སུ་འདབ་མ་ནི། །ཇི་ལྟ་བ་བཞིན་བསྙེམས་བཅས་པས། །སྲད་བུ་ལྔ་ཡིས་ཡང་དག་འཁྲུགས། །སྲད་བུ་བཞི་ཡིས་ཉེ་བར་སྤྲས། །སྒོ་བཞི་དང་ནི་ཡང་དག་ལྡན། །རྟ་བབས་སེང་གེ
297a6 དག་གིས་རྒྱན། །གདུགས་དང་རྒྱལ་མཚན་བ་དན་སོགས། །བླ་རེས་སྟེང་དུ་བྲེས་པ་དང་། །རིན་ཆེན་རྡོ་རྗེས་པད་ལྡན་སྔོན། །དཔག་བསམ་ཤིང་གི་ལྕུག་མས་ཁྱབ། །བུམ་བཟང་རིན་ཆེན་ལྡན་པའི་མཆོག་།རྒྱན་ཕྲེང་གླང་པོ
297a7 ལྡན་པ་ནི། །ཕྱི་རོལ་གནས་ཏེ་ལེགས་པར་བྲིས། །རྟོག་དང་མི་རྟོག་རྣམ་སྤངས་ཏེ། །དཀྱིལ་འཁོར་རྒྱལ་པོའི་དབུས་སུ་ནི། །གསང་བ་རྒྱན་གྱི་རྡོ་རྗེ་བྱ། །མཉམ་པར་གཞག་ཅིང་སྤྲོ་བ་ཡིས། །སེམས་ཀྱིས་བྲི་བ་ཉིད་དུ་བྱ། །དེ་ནས
297a8 ལྷ་མོ་ཞལ་བཞི་མ། །ཤེས་རབ་ཕ་རོལ་ཕྱིན་དགེ་བ། །ཕྱག་བཞི་པ་ལ་སྤྱན་ཡངས་མ། །ཕྱག་གཉིས་ཀྱིས་ནི་ཆོས་འཆད་ཅིང་། །བཞི་པའི་གཡས་པར་རྡོ་རྗེ་སྟེ། །གཡོན་པ་པད་མས་རྣམ་པར་བརྒྱན། །དཀར་དང་དམར་པོ་ཆེར
iiif viewer powered by OpenSeadragon
