| e-texts navigator |
| Wylie |
296b1 བསྔལ་རྗེས་སུ་འབྱུང་བར་འགྱུར་རོ། །དེ་བརྒྱ་ལམ་ན་མནར་མེད་པའི་སྡུག་བསྔལ་ལས་གྲོལ་ཏེ། མི་རྣམས་སུ་སྐྱེས་པར་གྱུར་ཀྱང་རྣམ་པར་འགྱུར་བའི་བཞིན་དུ་འགྱུར་རོ། །བརྗེད་ངས་པ་རྣམས་དང་། བློ་གྲོས་ཆུང
296b2 བ་རྣམས་དང་། ཁྱི་དང་བྱ་རོག་དང་བྱི་ལ་དང་ཕག་དང་སྟག་དང་གླང་པོ་ཆེ་དང་སེང་གེའི་ང་རོ་འདྲ་བ་དག་ཏུ་འགྱུར་རོ། །དེ་དང་འདྲེ་བར་མི་བྱ་ཞིང་བལྟ་བར་མི་བྱའོ། །དེ་ནས་དེ་བཞིན་གཤེགས་པ་ཐམས་ཅད་བསྐྱེད་པའི
296b3 ཡུམ་དེ་རྣམས་ཀྱིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ཇི་ལྟར་སེམས་ཅན་དེ་རྣམས་ཀྱི་མནར་མེད་པའི་སྡུག་བསྔལ་ཟད་པར་འགྱུར། བཅོམ་ལྡན་འདས་ཀྱིས་བཀའ་སྩལ་པ།
296b4 གང་གིས་འདིའི་མིང་གཟུང་ན་ཡོངས་སུ་ཟད་པར་འགྱུར་རོ། །བསོད་ནམས་དེའི་རྒྱུས་དེའི་ལས་ཀྱི་སྒྲིབ་པ་ཟད་དེ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་སྐལ་བ་ཅན་དུ་འགྱུར་རོ། །དེ་ནས་དེ་དག་ཡིད
296b5 དགའ་བ་སྐྱེས་ནས་ཡང་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བསྟན་དུ་གསོལ། བསོད་ནམས་དང་ཡེ་ཤེས་ཀྱི་ཚོགས་ཀྱི་རྒྱུས་དཀྱིལ་འཁོར་ཆེན་པོའི་རྒྱལ་པོ་སེམས
296b6 ཅན་ཐམས་ཅད་ལ་ཕན་པ་དང་བདེ་བའི་ཕྱིར་གང་མ་འོངས་པའི་སེམས་ཅན་རྣམས་ཀྱིས་དྲན་པ་ཙམ་གྱིས་སངས་རྒྱས་ཀྱི་བྱང་ཆུབ་ཐོབ་པར་འགྱུར་རོ། །དེ་ནས་བཅོམ་ལྡན་འདས་ཀྱིས་ཀུན་ཏུ
296b7 བཟང་པོ་ཆེན་པོ་འོད་འཕྲོ་བ་གསལ་བ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །རང་གི་སྐུ་དང་གསུང་དང་ཐུགས་རྡོ་རྗེ་རྣམས་ལས་དེ་བཞིན་གཤེགས་པ་ཐམས་ཅད་ཀྱི་སྐུའི་དམ་པ
296b8 འདི་བཀའ་སྩལ་པ། དཀྱིལ་འཁོར་ཀུན་གྱི་ཡུམ་གྱུར་པ། །སྟོང་ཉིད་ཡེ་ཤེས་ཉིད་དུ་བཤད། །ཅི་ཞིག་ང་ཡིས་བསྟན་པར་བྱ། །རྟོག་པ་ཐམས་ཅད་རྣམ་པར་སྤངས། །སེམས་ཅན་རྣམས་ལ་ཕན་གཞེད
iiif viewer powered by OpenSeadragon
