| e-texts navigator |
| Wylie |
296a1 པོ་སངས་རྒྱས་ཀྱི་ཡེ་ཤེས་རབ་ཏུ་གནས་པའི་མཆོད་པ་དང་ལྡན་པ་བཅོམ་ལྡན་འདས་སྟོན་པ་རྟག་པ་མཆོག་གི་མངའ་བདག་སྟེ། ཀུན་ཏུ་བཟང་པོའི་སྐུ་ཡི་ནི། །འཇིག་རྟེན་གསུམ་གྱི
296a2 དཀྱིལ་འཁོར་སྤྲོས། །བཅོམ་ལྡན་རྡོར་འཛིན་ལེགས་པར་གཞུགས། །གསང་བ་རྒྱན་གྱི་སྦྱོར་བས་སོ། །དེ་ནས་དེ་བཞིན་གཤེགས་པ་ཐམས་ཅད་སྐྱེད་པར་བྱེད་པའི་ཡུམ་གསང་བའི་རྡོ་རྗེ་འདུས་པ་ཐོབ
296a3 སྟེ། དེ་བཞིན་གཤེགས་པ་ཐམས་ཅད་ཀྱི་ཡབ་དང་ལྷན་ཅིག་ཏུ་དགའ་བའི་བདེ་བ་རྗེས་སུ་བྱུང་སྟེ་འཁོར་དང་བཅས་པ་རྣམས་བཅོམ་ལྡན་འདས་ཀྱི་སྤྱན་སྔར་ལྷགས་ཏེ། རྡོ་རྗེའི་གླུ་འདིས་མངོན་པར
296a4 བསྟོད་ནས་ཞུ་བ་ཞུས་པ། སངས་རྒྱས་ཀུན་དོན་ཁྱོད་ཕྱག་འཚལ། །རྡོ་རྗེ་འབྱུང་བ་ཁྱོད་ལ་འདུད། །ཐུགས་ཀྱི་རིན་ཆེན་མཆོག་ཁྱོད་འདུད། །ཆོས་ཀྱི་བློ་གྲོས་ཁྱོད་ལ་འདུད། །ཆོས་རྣམས་ཀུན་མཆོག
296a5 ཁྱོད་ལ་འདུད། །སྣ་ཚོགས་དགོངས་པ་ཁྱོད་ལ་འདུད། །དམ་ཚིག་མཆོག་གི་མཆོག་ཁྱོད་འདུད། །རྡོ་རྗེ་སེམས་དཔའ་ཕྱག་འཚལ་འདུད། །གྲགས་པ་ཆེན་པོ་བདག་ཅག་ནི། །མགོན་པོ་ཁྱོད་ལ་ཞུ་བ་ཞུ། །སངས
296a6 རྒྱས་ཐམས་ཅད་སྐྱེད་བྱེད་ཡུམ། །དཀྱིལ་འཁོར་གྱི་ནི་དཀྱིལ་འཁོར་མཆོག་།དེ་ནས་བཅོམ་ལྡན་འདས་རྡོ་རྗེ་སེམས་དཔའ་དེས་དེ་བཞིན་གཤེགས་པ་ཐམས་ཅད་ཀྱི་རྡོ་རྗེའི་ཡུམ་རྣམས་ལ་འདི་སྐད་ཅེས་བཀའ
296a7 སྩལ་ཏོ། །དེ་བཞིན་གཤེགས་པ་ཐམས་ཅད་ཀྱི་ཡུམ་རྣམས་དེ་སྐད་མ་སྨྲ་ཞིག་།འཇིག་རྟེན་ཐམས་ཅད་ལ་ཁྱབ་པའི་དཀྱིལ་འཁོར་གྱི་རྒྱལ་པོ་ཆེན་པོ་འདི་ལ་མ་འོངས་པའི་སེམས་ཅན་རྣམས་དད་པར་མི་འགྱུར
296a8 ཞིང་རང་གི་སེམས་ཡོངས་སུ་སུན་འབྱིན་ལ་དེས་མ་མཐོང་བའི་ཆོས་ལ་མ་དད་པས་རང་གི་སེམས་ཡང་དག་པར་སུན་ཕྱུང་སྟེ། མནར་མེད་པ་རྣམས་སུ་སྐྱེས་ནས་བསྐལ་པ་སྟོང་ཕྲག་མང་པོར་མནར་མེད་པའི་སྡུག
iiif viewer powered by OpenSeadragon
