| e-texts navigator |
| Wylie |
295b1 པ་ཞེས་བྱ་བ་ལ་སོགས་པའི་རྡོ་རྗེ་བྲན་མོ་ཆེན་མོའོ། །གཞན་ཡང་དཔེ་མེད་པའི་རྡོ་རྗེ་རོལ་པ་མོ་ཆེན་མོ་རྣམས་དང་ཡང་ཐབས་ཅིག་སྟེ། དེའང་འདི་ལྟ་སྟེ། དེ་བཞིན་གཤེགས་པ་ཐམས
295b2 ཅད་ཀྱི་སྐུ་གསུང་ཐུགས་རྡོ་རྗེ་དགྱེས་པ་ཞེས་བྱ་བའི་རྡོ་རྗེ་རོལ་པ་མོ་ཆེན་མོ་དང་། ཀུན་ནས་འབེབས་པ་ཞེས་བྱ་བའི་རྡོ་རྗེ་རོལ་པ་ཆེན་མོ་དང་། འཇིག་རྟེན་གསུམ་རབ་ཏུ་འཇོམས་པ་ཞེས་བྱ་བའི་རྡོ་རྗེ
295b3 རོལ་པ་ཆེན་མོ་དང་། རབ་ཏུ་དགའ་བའི་རྗེས་སུ་འགྲོ་བ་ཞེས་བྱ་བའི་རྡོ་རྗེ་རོལ་པ་ཆེན་མོ་དང་། ཐམས་ཅད་དགའ་བར་བྱེད་པ་ཞེས་བྱ་བ་ལ་སོགས་པའི་རྡོ་རྗེ་རོལ་པ་ཆེན་མོ་ལ་སོགས་པའོ། །
295b4 གཞན་ཡང་ནམ་མཁའི་ཁམས་ཐམས་ཅད་རྒྱས་པར་གང་བའི་རྡོ་རྗེའི་ཡབ་རྣམས་དང་ཡང་ཐབས་ཅིག་སྟེ། དེའང་འདི་ལྟ་སྟེ། འདོད་པའི་དབང་ཕྱུག་ཅེས་བྱ་བའི་རྡོ་རྗེའི་ཡབ་ཆེན་པོ་དང་། མཁའ་འགྲོ
295b5 ཡི་རྡོ་རྗེ་དབང་ཕྱུག་དང་། དྲི་ཡི་དབང་ཕྱུག་དང་། སྟུག་པོ་བཀོད་པ་དང་། ཟླ་བའི་འོད་དང་། འདུན་པ་སྲེལ་དང་། སྐྱེ་བོ་ཡོངས་སུ་དོར་བ་དང་། ལེགས་པར་སྦྱངས་པ་དང་། འདོད་པའི་རྡོ་རྗེ་དང་། གདུང་བ་སྐྱེད་པ་དང་། འདུལ་བར
295b6 བྱེད་པ་དང་། གདུག་པ་ཐམས་ཅད་སེལ་བར་བྱེད་པ་དང་། དེ་ཁོ་ན་ཉིད་ཀྱི་མགོན་པོ་དང་། གནས་པ་པོ་དང་། བརྩེ་བ་ཅན་དང་། ཆོས་འཆང་དང་། སྐྱོང་པ་པོ་དང་། སྦོ་བ་པོ་དང་། འཆིང་བ་པོ་དང་། སྐོར་བ་པོ་དང་། དེ་དག་ལ་སོགས
295b7 པ་རྡོ་རྗེ་ཡབ་རྣམས་སོ། །གཞན་ཡང་མཐའ་ཡས་པའི་རྡོ་རྗེ་ཕོ་ཉ་མོ་འཕྲོག་པའི་རྡོ་རྗེ་བྲན་ཕོ་རྡོ་རྗེའི་ཚོགས་དང་ཐབས་ཅིག་སྟེ། དེའང་འདི་ལྟ་སྟེ། རྡོ་རྗེ་རླུང་ཞེས་བྱ་བ་དང་། རྡོ་རྗེ་མི་འཁྲུགས་པ་དང་། རྡོ་རྗེ
295b8 ཆུ་དང་། གཞན་ཡང་རྡོ་རྗེ་རྒྱལ་པོ་ཆེན་པོ་བཞི་ལ་འདི་ལྟ་སྟེ། ཞི་བར་བྱེད་པ་དང་། རྒྱས་པར་བྱེད་པ་དང་། དབང་དུ་བྱེད་པ་དང་། མི་ཤེས་པ་ཐམས་ཅད་ཟད་པར་བྱེད་པ་སྟེ་དེ་དག་ལ་སོགས་པའོ། །གཞན་ཡང་མཆོག་ཏུ་རྒྱ་ཆེན
iiif viewer powered by OpenSeadragon
