| e-texts navigator |
| Wylie |
294b1 སྙིང་པོ་དང་ཕྱག་རྒྱ་དང་གསང་སྔགས་དང་རིག་པ་གཉིས་སུ་མེད་པར་གྱུར་པ་དང་། དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་རྡོ་རྗེ་ཡེ་ཤེས་ཕ་རོལ་ཏུ་ཕྱིན་པའི་སྙིང་པོ་ལ་དགའ་བ་དང་། དེ་བཞིན་གཤེགས་པ་ཐམས
294b2 ཅད་ཀྱི་སྐུ་དང་གསུང་དང་ཐུགས་རྡོ་རྗེ་ཡེ་ཤེས་ལྷག་པའི་ལྷའི་སྙིང་པོ་མཛེས་པ་དང་། དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་རྡོ་རྗེ་ཡེ་ཤེས་རྒྱན་ཆེན་པོ་བཀོད་པའི་དཀྱིལ་འཁོར་ཆེན་པོའི་སྙིང་པོ
294b3 ལ་ནམ་མཁའི་ཁམས་ཐམས་ཅད་ཀྱི་རྡུལ་ཕྲ་རབ་ཀྱི་རྡུལ་དང་མཉམ་པའི་རྡོ་རྗེ་ཡེ་ཤེས་ཆེན་པོ་འབའ་ཞིག་དང་ཐབས་ཅིག་ཏུ་བཞུགས་སོ། །དེའང་འདི་ལྟ་སྟེ། སྒོ་མཐའ་ཡས་པ་ཞེས་བྱ་བའི་རྡོ་རྗེ་ཡུམ་ཆེན
294b4 མོ་དང་། ནམ་མཁའི་སྒོ་ཞེས་བྱ་བའི་རྡོ་རྗེ་ཡུམ་ཆེན་མོ་དང་། ཨ་བོ་ཛའི་སྒོ་ཞེས་བྱ་བའི་རྡོ་རྗེ་ཡུམ་ཆེན་མོ་དང་། འགྱུར་བ་མེད་པའི་སྒོ་ཞེས་བྱ་བའི་རྡོ་རྗེ་ཡུམ་ཆེན་མོ་དང་། ཤེས་རབ་ཀྱི་ཕ་རོལ་ཏུ་ཕྱིན་མ་ཞེས
294b5 བྱ་བའི་རྡོ་རྗེ་ཡུམ་ཆེན་མོ་དང་། གཞན་ཡང་མ་ལུས་ཤིང་ལུས་པ་མེད་པའི་འཇིག་རྟེན་གྱི་ཁམས་ཀྱི་རྡུལ་ཕྲ་རབ་དང་མཉམ་པའི་བརྩོན་འགྲུས་དང་ལྡན་པའི་རྡོ་རྗེ་བཙུན་མོ་སྟོང་ཕྲག་བརྒྱ་ལའང་འདི་ལྟ་སྟེ།
294b6 མདའི་མཚོན་ཆའི་ལག་ཅེས་བྱ་བའི་རྡོ་རྗེ་བཙུན་མོ་དང་། དབང་ཕྱུག་ལ་ལྟ་བའི་རིམ་པའི་རྡོ་རྗེ་བཙུན་མོ་དང་། ཉེ་བར་ཞི་བའི་བཞིན་རས་ཤེས་བྱ་བའི་རྡོ་རྗེ་བཙུན་མོ་དང་། གྱེན་དུ་བལྟ་བའི་བཞིན་རས
294b7 ཞེས་བྱ་བའི་རྡོ་རྗེ་བཙུན་མོ་དང་། ཟླ་མཚན་རྡོ་རྗེ་ཞེས་བྱ་བའི་རྡོ་རྗེ་བཙུན་མོ་དང་། བརྡ་སྤྲོད་པ་མེ་ཞེས་བྱ་བའི་རྡོ་རྗེ་བཙུན་མོ་དང་། འབྲི་བའི་སྒོ་ཞེས་བྱ་བའི་རྡོ་རྗེ་བཙུན་མོ་དང་། རོལ་བ་དང་ལྡན
294b8 པ་ཞེས་བྱ་བའི་རྡོ་རྗེ་བཙུན་མོ་དང་འདོད་པའི་མཆོག་ཅེས་བྱ་བའི་རྡོ་རྗེ་བཙུན་མོ་དང་། དབང་ཕྱུག་གི་བདེ་བའི་སྒོ་ཞེས་བྱ་བའི་རྡོ་རྗེ་བཙུན་མོ་དང་། དམིགས་པའི་སྒོ་ཞེས་བྱ་བའི་རྡོ་རྗེ་བཙུན་མོ
iiif viewer powered by OpenSeadragon
