| e-texts navigator |
| Wylie |
293b1 པ་མ་བྱས་པ་དེ་དག་གིས་ཤེས་རབ་ཀྱི་ཕ་རོལ་ཏུ་ཕྱིན་པའི་ཚུལ་གྱི་སྒོའི་ཆོས་ཀྱི་རྣམ་གྲངས་འདི་ཐོས་པར་མི་ནུས་སོ། །ཆོས་ཀྱི་རྣམ་གྲངས་འདི་གང་ན་སྤྱོད་པའི་ས་ཕྱོགས་དེ་མཆོད་རྟེན་དུ་འགྱུར
293b2 རོ། །ཆོས་ཀྱི་རྣམ་གྲངས་འདི་གང་གི་ལུས་ལ་ཐོགས་སམ། གླེགས་བམ་ལ་བྲིས་ཏེ་སྤྱོད་པའི་གང་ཟག་དེ་ཕྱག་བྱ་བའི་གནས་སུ་འགྱུར་རོ། །དེ་བསྐལ་པ་བྱེ་བ་མང་པོར་སྐྱེ་བ་དྲན་པར་འགྱུར་རོ། །
293b3 དེ་ལ་བདུད་སྡིག་ཅན་བར་ཆད་བྱེད་པར་མི་འགྱུར་རོ། །རྒྱལ་པོ་ཆེན་པོ་བཞི་དང་། ལྷ་གཞན་རྣམས་ཀྱང་དེ་ལ་བསྲུང་བ་དང་། བསྐྱབ་པ་དང་། སྦ་བའི་ཕྱིར་རྟག་ཏུ་ཕྱི་བཞིན་འབྲང་བར་འགྱུར་རོ། །ཡ་ང་བ་མ
293b4 སྤངས་པས་འཆི་བར་མི་འགྱུར་རོ། །སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱིས་དགོངས་པར་འགྱུར་རོ། །མདོར་ན་སངས་རྒྱས་ཀྱི་ཞིང་གང་དང་གང་དུ་འདོད་པ་དེ་དང་དེར་སྐྱེའོ། །དེ་ལྟར་ཤེས་རབ
293b5 ཀྱི་ཕ་རོལ་ཏུ་ཕྱིན་པའི་ཚུལ་གྱི་སྒོའི་ཆོས་ཀྱི་རྣམ་གྲངས་འདི་ཕན་ཡོན་མང་མོད་ཀྱི་ངས་ཕྱོགས་ཙམ་ཞིག་བརྗོད་དོ། །བཅོམ་ལྡན་འདས་ཀྱིས་དེ་སྐད་བཀའ་སྩལ་ནས། བྱང་ཆུབ་སེམས་དཔའ་སེམས་དཔའ
293b6 ཆེན་པོ་ལག་ན་རྡོ་རྗེ་དང་། བྱང་ཆུབ་སེམས་དཔའ་དེ་དག་དང་། ཐམས་ཅད་དང་ལྡན་པའི་འཁོར་དེ་དག་དང་། ལྷ་དང་། མི་དང་། ལྷ་མ་ཡིན་དང་། དྲི་ཟར་བཅས་པའི་འཇིག་རྟེན་ཡི་རངས་ཏེ། བཅོམ་ལྡན་འདས
293b7 ཀྱིས་གསུངས་པ་ལ་མངོན་པར་བསྟོད་དོ། །འཕགས་པ་ཤེས་རབ་ཀྱི་ཕ་རོལ་ཏུ་ཕྱིན་པའི་ཚུལ་བརྒྱ་ལྔ་བཅུ་པ་རྫོགས་སྷོ།། །།
293b8 @#། །རྒྱ་གར་སྐད་དུ། སརྦ་ཏ་ཐཱ་ག་ཏ་ཀཱ་ཡ་བཱ་ཀ་ཙིཏྟ་གུ་ཧྱ་ཨ་ལ~ཾ་ཀཱ་ར་བྱཱུ་ཧོ་ཏན་ཏྲ་རཱ་ཛཱ་ནཱ་མ། བོད་སྐད་དུ། དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་གསང་བ་རྒྱན་གྱི
iiif viewer powered by OpenSeadragon
