| e-texts navigator |
| Wylie |
285a1 གིས་སྒྲུབ་བྱེད་པ། །གཟུགས་བརྙན་ལ་སོགས་ཐམས་ཅད་འདིར་ནི་ཅི་བཞིན་གསུངས། །དེས་ནི་ཐམས་ཅད་སོ་སོར་ཉམས་མྱོང་ནུས་པར་ལྡན། །བདུད་ཀྱི་ལས་ཚོགས་རྣམས་ཀྱིས་དེ་ནི་གདོན
285a2 མི་ནུས། །གང་ཞིག་རྡོ་རྗེ་ལ་སོགས་གཟུགས་བརྙན་ལ་སོགས་པ། །ཅི་ལྟར་འདོད་པ་འདི་དག་ཐམས་ཅད་སྒྲུབ་པར་བྱེད། །རབ་ཏུ་འདོད་པས་ཡི་གེ་ཧཱུ~ཾ་ལས་བྲིས་ནས་ནི། །འདོད་པའི་དངོས་གྲུབ་དེ་ཡིས་སྟེར་ཞིང་ཐོབ་པར
285a3 འགྱུར། །རྒྱལ་པོ་རྣམས་ཀྱིས་རྣམ་པར་སྦྱངས་བར་མཛད་པ་ནི། །གང་ལ་དོན་ཀུན་དག་ཕྱིར་མཛད་པར་མི་འགྱུར་མིན། །འདི་ནི་བགེགས་བྱེད་བདུད་རྣམས་ཀྱང་ནི་ཡོད་མ་ཡིན། །རྟོགས་པས་དངོས་གྲུབ་འཕེལ་ཞིང
285a4 བྱིན་གྱིས་བརླབས་པ་ཡིན། །ང་ནི་བདུད་ཉིད་མི་འགྱུར་བརྟན་མེད་ཉིད་མི་འགྱུར། །བརྟན་པ་ཉིད་ཕྱིར་ང་ནི་བརྟན་པར་མཛད་པ་ཡིན། །རྟག་པ་འདི་ནི་མཆོག་ཆེན་གང་གིས་སྒྲུབ་བྱེད་པ། །དེ་ལ་ང་ནི་དངོས་གྲུབ་མྱུར་དུ་སྒྲུབ
285a5 པར་བྱེད། །དངོས་གྲུབ་ཆེན་པོ་ལ་ཐམས་ཅད་རྗེས་སུ་ཆགས་ཤིང་ཤིན་ཏུ་མཉེས་པ་དང་། ཤིན་ཏུ་བརྟན་པ་དང་། ཤིན་ཏུ་རྒྱས་པ་དང་། རྟག་ཏུ་རྒྱ་ཆེ་བར་འགྱུར་བ་ཡིན་ནོ། །གང་ཞིག་མཆོག་གི་རྒྱལ་པོ་སྙིང་པོ་བསྒྲུབ
285a6 བྱེད་པ། །རྒྱལ་བ་ཐམས་ཅད་དགྱེས་ཤིང་རྒྱལ་བ་དགྱེས་པར་མཛད། །དེ་དག་གྲགས་པ་ཆེན་པོ་ཐོབ་ནས་བདེ་བ་འང་ཐོབ། །དེ་ཕྱིར་འདི་ལ་དད་ཅིང་གུས་པར་བྱ་བ་ཡིན། །དེ་ནས་རྒྱལ་བ་རྣམས་ཀྱིས་བཅོམ་ལྡན་འདས
285a7 ལ་ལེགས་སོ་ཞེས་བྱ་བ་བྱིན་ཏེ། ཡབ་མཆོག་སངས་རྒྱས་སྲས་ནི་ལེགས་སོ་ལེགས། །སྲས་མཆོག་སངས་རྒྱས་སྲས་ནི་ལེགས་སོ་ལེགས། །རྡོ་རྗེ་མཆོག་ནི་རྡོ་རྗེ་འབྱུང་བ་ལེགས། །དམ་པ་ཆོས་ཀྱི་བདག
285a8 ཉིད་ལེགས་སོ་ལེགས། །སངས་རྒྱས་རྣམས་ཀྱིས་ཡང་དག་བྱིན་བརླབས་པ། །རྟག་ཏུ་མི་འགྱུར་དོན་ཡོད་གྲུབ་པ་ཆེ། །ཅི་ལྟར་དང་པོའི་གྲུབ་པ་དེ་བཞིན་དུ། །ཕྱི་ནས་ཀྱང་ནི་དེ་བཞིན་གྲུབ་པར་འགྱུར། །དེ་ལྟར་ངག་ཆེན
iiif viewer powered by OpenSeadragon
