| e-texts navigator |
| Wylie |
282b1 བྱང་ཆུབ་སེམས་མཆོག་རྡོ་རྗེ་ཉིད། །དེ་ཕྱིར་དེ་ཉིད་སངས་རྒྱས་ཉིད། །བདག་བྱིན་བརླབས་མཆོག་གྲུབ་ཕྱིར་རོ། །དེ་ཅི་ལྟར་བཅོམ་ལྡན་འདས་ཕྱག་ན་རྡོ་རྗེ་ཡིན་ཞེ་ན། མི་ཕྱེད་སོ་སོར་རྟོགས་པ་དང་། གདུག་པ
282b2 ཐམས་ཅད་ངེས་པར་གནོན། །སངས་རྒྱས་ཀུན་དངོས་རྡོ་རྗེ་སྟེ། །བྱང་ཆུབ་སེམས་ནི་བརྟན་པ་བདག་།ཀུན་ཏུ་བཟང་པོའི་ལག་ཏུ་ནི། །མཚོན་ཆ་དེ་ནི་རྒྱལ་བས་བྱིན། །བརྟན་པ་ཐམས་ཅད་གྲུབ་པའི་ཕྱིར། །
282b3 དེས་ན་ཕྱག་ན་རྡོ་རྗེ་དེས། དེ་ལྟ་ཅི་ལྟར་དང་པོའི་རིགས་ལས་བྱུང་བ་ཤེས་པའི་རྒྱུད་ཡིན་ཞེ་ན། ཤེས་རབ་ཕ་རོལ་ཕྱིན་པ་ཡུམ། །ཡབ་ནི་ཐབས་ལ་མཁས་པ་སྟེ། །རྡོ་རྗེ་སེམས་དཔའ་གདུལ་བྱའི་ཕྱིར། །རིག
282b4 རྣམས་རབ་ཏུ་བྱུང་བའོ། །དེ་ལ་ཅི་ལྟར་བཅོམ་ལྡན་འདས་འདོད་དང་ཐར་པ་ཡིན་ཞེ་ན། བཅོམ་ལྡན་འདས་ནི་ཆགས་པ་ཆེ། །དངོས་གྲུབ་ཐམས་ཅད་རྗེས་ཆགས་ཕྱིར། །དངོས་གྲུབ་ཐམས་ཅད་མི་འགྱུར་བདེ། །བདེ་བ་ཆེན་པོ་ཞེས་བརྗོད་པའོ། །དེ་ལ་ཅི
282b5 ལྟར་བཅོམ་ལྡན་འདས་རྣམ་པ་གསུམ་ཡིན་ཞེ་ན། བདག་ནི་དུས་གསུམ་མཐའ་ཡས་ཕྱིར། །ང་ནི་སྲིད་གསུམ་གདུལ་བྱའི་ཕྱིར། །གསུམ་མཆོག་འཇིག་རྟེན་གསུམ་ཀུན་ཕྱིར། །འཇིག་རྟེན་གསུམ་ང
282b6 ཁམས་གསུམ་ང་། །དེ་ལ་ཅི་ལྟར་བཅོམ་ལྡན་འདས་ཐམས་ཅད་ཉིད་ཞེ་ན། ང་ཉིད་བརྟན་པ་ཐམས་ཅད་བདེ། །བསོད་ནམས་ཀུན་མཆོག་ཆེ་བའི་ཕྱིར། །གཡོ་བ་སེམས་ཀྱིས་འདུས་བྱས་ཕྱིར། །སྒྱུ་མ་ཐམས
282b7 ཅད་ང་ཡིན་ནོ་ཞེས་བྱ་བ་རང་གི་ལས་ཀྱི་བྱ་བའི་དེ་ཁོ་ན་ཉིད་རྡོ་རྗེ་སེམས་དཔས་གསུངས་སོ། །དེ་ལ་ཅི་ལྟར་དང་པོའི་གླུ་བྱུང་བ་ཤེས་པ་ཡིན་ཞེ་ན། སྲིད་པ་ཤིན་ཏུ་གྲུབ་པ་ཡི། །དབང་ཕྱུག་ཆེན་པོ་མཆོག་གྲུབ་ཕྱིར། །
282b8 གཟི་ཅན་སེམས་ཅན་དོན་མཛད་ཕྱིར། །བསྐལ་པ་ཐོག་མར་བཅོམ་ལྡན་གསུངས། །དེ་ནས་དེ་གང་ཡིན་ཞེ་ན། འདོད་ཆགས་ཆེན་པོ་བཅོམ་ལྡན་འདས། །རབ་ཏུ་དགའ་བ་མི་འགྱུར་མཆོག་།གསང་བའི་ཕྱིར་ནི
iiif viewer powered by OpenSeadragon
