| e-texts navigator |
| Wylie |
281b1 པས|་དེས་ནི་རྟོག་པར་གསུངས་པ་སྟེ། །རྟོག་པ་ཡོངས་སུ་དག་ཕྱིར་རོ། །དེ་ནས་རྒྱུད་ཕྱི་མ་ཅི་ལྟར་ཡིན་ཞེ་ན། རྒྱུད་ནི་རྒྱུན་ཞེས་བྱ་བར་བཤད། །ཕྱི་མ་སྔར་དང་ཡང་དག་བྱུང་། །དེ་ཉིད་གསང་བའི་གསང
281b2 བ་དང་། །ཕྱི་མ་དང་བཅས་རྒྱུད་དུ་འདོད། །དེ་ལ་དང་པོ་གནས་ཤེས་བྱ་བའི་རྒྱུད་ཅི་ལྟར་ཡིན་ཞེ་ན། ནམ་མཁའ་ཀུན་ལ་རབ་ཏུ་གནས། །རྡོ་རྗེ་ཀུན་མཆོག་རང་བཞིན་མཆོག་།བདེ་བ་ཆེན་པོ་དགའ་བ་ཆེའི། །
281b3 གྲོང་ཁྱེར་དེར་ནི་མི་འགྱུར་མཆོག་ཅེས་བྱ་བ་བཅོམ་ལྡན་འདས་རྡོ་རྗེ་སེམས་དཔའ་རྟོག་པ་ཐམས་ཅད་ཀྱི་རྟོག་པའི་དེ་ཁོ་ན་ཉིད་ཅེས་བྱ་བ་འདི་གསུངས་སོ། །དེ་ལ་ཐོག་མ་ཐ་མ་མེད་པའི་རྡོ་རྗེ་སེམས
281b4 དཔའ་ཅི་ལྟར་ཡིན་ཞེ་ན། ནམ་མཁའ་སྐྱེ་བ་མཚན་ལྡན་ཕྱིར། །ཐོག་མ་ཐ་མ་མེད་པའི་མཆོག་།སེམས་དཔའ་རྡོ་རྗེ་ཆེ་རང་བཞིན། །རྡོ་རྗེ་སེམས་དཔའ་ཞེས་བྱར་བརྗོད། །དེ་ནས་བཅོམ་ལྡན་འདས
281b5 དེ་གང་ཡིན་ཞེ་ན། ཀུན་མཆོག་དངོས་གྲུབ་ཆེན་པོ་ཡི། །དབང་ཕྱུག་ཆེན་པོ་ལྷག་པའི་ལྷ། །རྡོ་རྗེ་འཛིན་པ་ཀུན་ཀྱི་རྒྱལ། །རབ་ཏུ་དགའ་བ་མི་འགྱུར་མཆོག་།དེ་ལ་བཅོམ་ལྡན་འདས་དགའ་བ་ཆེན
281b6 པོ་ཉིད་ཅི་ལྟར་ཡིན་ཞེ་ན། ཉེས་པ་མེད་ཅིང་ཤིན་ཏུ་རྟག་།འདོད་ཆགས་ཀུན་གྱི་རྗེས་ཆགས་པ། །དེ་ཉིད་འདི་ཡིས་གསང་བ་འདི། །འདོད་ཆགས་ཆེན་པོ་དགའ་བ་ཆེ། །དེ་ལ་ཅི་ཀུན་ཏུ་བཟང་པོ
281b7 ཉིད་ཅི་ལྟར་ཡིན་ཞེ་ན། ཤིན་ཏུ་དག་པ་ཀུན་གྱི་མཆོག་།གདོད་ནས་གྲོལ་བ་དེ་བཞིན་གཤེགས། །ཀུན་ཏུ་བཟང་པོ་ཀུན་བདག་ཉིད། །བྱང་ཆུབ་སེམས་དཔའི་ཆོ་ག་མཆོག་།དེ་ལ་རྡོ་རྗེ་བསྙེམས
281b8 པའི་བདག་པོ་བཅོམ་ལྡན་འདས་ཅི་ལྟར་ཡིན་ཞེ་ན། ཀུན་མཆོག་དངོས་གྲུབ་ཆེན་པོ་ཡི། །དབང་ཕྱུག་ཆེན་པོའི་ཕྱག་རྒྱའི་མཆོག་།རྡོ་རྗེ་དབང་ཕྱུག་ཆེར་བསྟོད་པས། །རྡོ་རྗེ་བསྙེམས་པའི་བདག
iiif viewer powered by OpenSeadragon
