| e-texts navigator |
| Wylie |
278a1 རྒྱས་ཐམས་ཅད་བསྒྲུབ་པའོ། །རྡོ་རྗེ་མཚོན་ཆ་མས་ཐམས་ཅད་ལས་རྣམ་པར་རྒྱལ་བ་དང་རྗེས་སུ་ཆགས་པའོ། །རྡོ་རྗེ་ཀཱི་ལི་ཀཱི་ལས་རབ་ཏུ་དགའ་བའི་རེག་བྱ་དང་དངོས་གྲུབ་ཐམས་ཅད་བདེ་བར
278a2 གྲུབ་པའོ། །རྒྱལ་མཚན་བསྒྲེང་བས་འཐབ་མོ་ཐམས་ཅད་ལས་རྣམ་པར་རྒྱལ་བའོ། །རྡོ་རྗེ་འདོད་པའི་དབང་ཕྱུག་མས་བདག་པོ་ཆེན་པོ་ཉིད་དོ། །དུས་ཀྱི་མཆོད་པས་མཆོད་པར་འགྱུར་བ་ཉིད་དོ། །རྡོ་རྗེ
278a3 གསོར་བས་ཐམས་ཅད་འདུལ་བའོ། །རྡོ་རྗེ་དོར་བས་ཐམས་ཅད་གསོད་པ་དང་། ཐམས་ཅད་འཕྲོག་པའོ། །གཡོན་པ་བསྙེམས་ཤིང་གཡས་པའི་རྡོ་རྗེ་ཁུ་ཚུར་གྱི་ལས་རྣམས་ཀྱིས་སྒྱུ་མ་དང་། རྫུ
278a4 འཕྲུལ་ཐམས་ཅད་དང་། སོ་སོར་སྟོན་པ་དང་། རྨུགས་པ་དང་། རེངས་པ་དང་། གཉིད་ལོག་ཏུ་གཞུག་པ་དང་། བསྐོར་བ་དང་། བསྐྲད་པ་དང་། འབྲུ་དང་། ལྟུང་བ་འཕོག་པ་དང་། དབང་དུ་བྱེད་པ
278a5 ལ་སོགས་པའི་ལས་ཐམས་ཅད་སྒྲུབ་པར་བྱེད་པའོ། །རྡོ་རྗེ་སེམས་དཔའི་དམ་ཚིག་གི་ཕྱག་རྒྱ་བཅུ་ནི་རྡོ་རྗེ་ཐལ་མོ་ལས་བྱུང་བའོ། །རྡོ་རྗེ་སྐུ་མཆོག་གིས་དངོས་གྲུབ་ཐམས་ཅད་དོ། །འཛུབ
278a6 མོ་གཉིས་གྱིས་ལྕགས་ཀྱུས་དངོས་གྲུབ་ཐམས་ཅད་དོ། །རྡོ་རྗེ་གནོད་སྦྱིན་གྱིས་བདུད་ཐམས་ཅད་ལ་སོགས་པའི་གདུག་པ་འདུལ་བའི་དེ་ཉིད་ཀྱིས་མཐེ་བོའི་རྡོ་རྗེས་བཀབ་པས་ཐམས་ཅད་རྙེད
278a7 པའོ། །དེ་ཉིད་ཀྱི་མཐེ་བོ་གཉིས་བཅུག་པའི་གཙུག་ཏོར་རྡོ་རྗེས་ཐམས་ཅད་བསྲུང་བའི་མཐེ་བོ་རྡོ་རྗེ་ནང་དུ་བཅུག་པ་དེ་ཉིད་ཀྱིས་རྡོ་རྗེ་སེམས་དཔའ་ལ་སོགས་པའི་སེམས་ཅན་ཐམས་ཅད་རྗེས་སུ
278a8 ཆགས་པ་དང་། དགུག་པ་དང་། དབང་དུ་བྱེད་པ་སྒྲུབ་པའོ། །མཐེའུ་ཆུང་རྡོ་རྗེ་སོར་མོ་གཉིས་ཀྱི་རྩེ་མོ་གཉིས་མཛུབ་མོ་གཉིས་ཀྱིས་ལེགས་པར་བཟུང་བས་མཐོ་བ་ནི་དཔལ་དགུག་པ་དང་དབང
iiif viewer powered by OpenSeadragon
