| e-texts navigator |
| Wylie |
189b1 ཡན་ལག་བཞི་བསྟན་ཅིང་གཡུལ་འགྱེད་པ་ལ་ནི་རྡོ་རྗེ་བདེ་བ་ཆེན་པོའི་སྡོམ་པས་སོ། །སྒྱུ་མ་ཐམས་ཅད་བསྟན་པ་ལ་ནི་རྡོ་རྗེ་བདེ་མཆོག་གིས་སོ། །བདེ་མཆོག་གི་བྱ་བ་ཐམས་ཅད་ལ་ནི་རྡོ་རྗེ་སྒྱུ
189b2 མའི་བྱ་བས་སོ། །རྨད་དུ་འབྱུང་བ་དང་ཆོ་འཕྲུལ་ཐམས་ཅད་བསྟན་པ་ལ་ནི་རྡོ་རྗེ་རྨད་དུ་འབྱུང་བའི་རྫུ་འཕྲུལ་གྱི་རྣམ་པར་འཕྲུལ་པས་སོ། །ལན་ཐམས་ཅད་གདབ་པའི་བྱ་བ་ལ་ནི་རྡོ་རྗེ་ལན་བསྟན
189b3 པས་སོ། །མེ་རེངས་པར་བྱ་བ་ལ་ནི་རྡོ་རྗེ་ཤིན་ཏུ་གྲང་བས་སོ། །ཆུ་དབབ་པར་བྱ་བ་ལ་ནི་རྡོ་རྗེ་ཟླ་བའི་ཆུ་ཤེལ་གྱིས་སོ། །དགོན་པ་དང་གྲོང་དང་ནགས་དང་ཆུ་བོ་དང་རྫིང་བུ་དང་སྐྱེད་མོས་ཚལ་དང་ཟས
189b4 དང་སྐོམ་དང་གཙུག་ལག་ཁང་བསྲུང་པ་ལ་ནི་རྡོ་རྗེ་གྲུབ་པས་སོ། །ཆུའི་སྟེང་དུ་བཞག་པ་དང་བདག་ཉིད་གཟུགས་མང་པོའི་དངོས་པོ་སྟོན་པ་དང་མི་སྣང་བ་དང་ནམ་མཁའ་ལ་འགྲོ་བའི་དངོས
189b5 གྲུབ་ལ་ནི་རྡོ་རྗེ་གསང་བའི་དངོས་གྲུབ་ཀྱི་ཕྱག་རྒྱས་སོ། །ལྷ་ལ་སོགས་པ་ཐམས་ཅད་མངག་གཞུག་པར་བྱ་བ་ལ་ནི་རྡོ་རྗེ་གསང་བའི་བཀའ་བསྒོ་བས་སོ། །སེམས་ཅན་ཐམས་ཅད་དབང་དུ་བྱ་བ
189b6 ལ་ནི་རྡོ་རྗེ་གསང་བའི་དབང་གིས་སོ། །མི་རྒྱུ་བ་ཐམས་ཅད་དྲང་བ་དང་དབབ་པ་དང་བདེན་པར་སྨྲར་གཞུག་པ་ལ་ནི་རྡོ་རྗེ་གསང་བའི་དངོས་གྲུབ་ཆེན་པོའི་ཕྱག་རྒྱས་སོ། །གཟུགས་བརྙན་ཐམས
189b7 ཅ་ཨད་དབབ་པ་དང་དགུག་པ་དང་དགོད་པར་བྱ་བ་དང་གར་བྱེད་དུ་གཞུག་པ་དང་ཀུན་དུ་རོལ་པར་བྱ་བ་དང་བསྒོ་བ་ཐམས་ཅད་བྱེད་དུ་གཞུག་པ་དང་ཐམས་ཅད་ཁྱེར་ཏེ་འོང་བ་དང་ལས་ཐམས་ཅད་བྱེད
189b8 དུ་གཞུག་པ་ལ་ནི་བདེ་བ་ཆེན་པོ་རྡོ་རྗེའི་དམ་ཚིག་བསྒྲུབས་པས་སོ། །ཐམས་ཅད་རྗེས་སུ་ཆགས་པར་བྱ་བ་ལ་ནི་བདེ་བ་ཆེན་པོ་རྡོ་རྗེའི་དམ་ཚིག་བསྒྲུབས་པས་སོ། །ཐམས་ཅད་རྗེས་སུ་ཆགས
iiif viewer powered by OpenSeadragon
